Tíminn - 03.10.1989, Blaðsíða 4

4 Tíminn
Þriðjudagur 3. október 1989
r uv/i\i\ki%i i Mnr
Hermannsson
Guðmundur
Bjarnason
Unnur
Stefánsdóttir
Hafsteinn
Þorvaidsson
Páll
Sigurðsson
Finnur
Ingólfsson
Guðjón
Magnússon
Ólafur
Ólafsson
Hafsteinsson Halldórsdóttir Þorleifsdóttir
Erum við á réttri leið?
Ráöstefna um heilbrigðis- og tryggingamál veröur haldin aö Hótel
Sögu laugardaginn 7. október nk.
Ráöstefnan hefst kl. 10.00 og lýkur kl. 17.20.
Ráðstefnustjórar: Unnur Stefánsdóttir
Hafsteinn Þorvaldsson.
Dagskrá:
Setning: Steingrímur Hermannsson, form. Framsóknarflokksins.
Stefnan f heilbrigðis- og tryggingamálum
Framsögum.: Guömundur Bjarnason, heilbrigöis og tryggingamála-
ráðherra.
Uppbygging og yfirstjórn heilbrigðis- og tryggingamála.
Framsögum.: Páll Sigurösson, ráöuneytisstj. í heilbr.- og trygginga-
málaráöuneytinu.
Hvar má spara í heilbrigðis- og tryggingamálum?
Framsögum.: Finnur Ingólfsson, aöstoöarmaður heilbrigðis- og
tryggingamálaráöherra.
Samstarf heilbrigðisstétta - Skipulag heilbrigðisþjónustu.
Framsögum.: Guöjón Magnússon aðst.landlæknir.
Fagleg forgangsröð í framtíðinni
Framsögum.: Olafur Ólafsson landlæknir.
Siðfræði heilbrigðisþjónustunnar
Framsögum.: örn Bjarnason, trúnaðarlæknir Ríkisspítala.
Þverstæður heiibrigðisþjónustunnar
Framsögum.: Guðmundur G. Þórarinsson, stjórnarform. Ríkisspítal-
anna.
Manneldisstefna - Neyslukönnun
Framsögum.: Dr. Laufey Steingrímsdóttir næringarfræöingur.
Eru íþróttir heilbrigðismál?
Framsögum.: Þráinn Hafsteinsson íþróttafræöingur.
Sjúkraþjónusta barna og unglinga
Framsögum.: Alda Halldórsdóttir barnahjúkrunarfræöingur.
Þjónusta og uppbygging á aðstöðu fyrir aldraða
Framsögum.: Þóra Þorleifsdóttir, varaform. samstarfsnefndar um
málefni aldraðra.
Ráöstefnan er öllum opin.
Framsóknarflokkurinn.
FAGMENNTUNI
FISKIÐNAÐI
Fiskiðn, fagfélag fiskiðnaðarins hefur boðað til ráðstefnu
um Fiskvinnsluskólann og fagmenntun í fiskiðnaði næstkom-
andi fimmtudag, 5. október. Tilefni ráðstefnunnar eru skiptar
skoðanir Fiskiðnar og hluta skólastjórnar Fiskvinnsluskólans
um fyrirhugað námskeiðahald á vegum skólans. Ágreiningur-
inn felst í því að skólanefndin samþykkti að skólinn héldi
tveggja til þriggja vikna námskeið er útskrifí matsmenn í
sjófrystum físki.
í greinargerð frá stjórn Fiskiðnar,
fagfélags fiskiðnaðarins kemur fram
að ástæður þess að talið var að
námskeiða væri þörf, var sú að mikil
fjölgun frystiskipa hefur átt sér stað,
en löggiltir matsmenn með matsrétt-
indi í frystum fiski hafi ekki verið til
staðar til að mæta þörfinni. Því var
talið rétt að halda slík námskeið,
sem væri skammtímalausn á þessu
vandamáli. Fiskiðn sem á fulltrúa í
skólanefndinni studdi þá þessa til-
lögu og greiddi henni atkvæði sitt.
Óánægja kom fram með af-
greiðslu málsins meðal félagsmanna
Fiskiðnar. f kjölfar þess hélt félagið
fund um málið með skólanefndar-
mönnum. Á fundinum komu frant
skiptar skoðanir um málið og í raun
grundvallarágreiningur um gildi og
tilgang löggildingar matsmanna. í
framhaldi fundarins breytti Fiskiðn
afstöðu sinni til fyrirhugaðs nám-
skeiðahalds. Stjórn félagsins taldi og
telur enn að gild rök hafi verið færð
fram, því til stuðnings að skamm-
tímalausn sem fælist í tveggja til
þriggja vikna námskeiði sem lagt
yrði til grundvallar löggildingar, væri
röng og háskaleg stefna fyrir fag-
menntun í fiskiðnaði, segir í greinar-
gerðinni um aðdraganda ráðstefn-
unnar.
Ráðstefnan fer fram á Holiday
Inn og hefst hún klukkan 10.00. Sjö
fyrirlesarar munu flytja erindi á
ráðstefnunni um Fiskvinnsluskólann
og fræðslumál fiskiðnaðarins.
-ABÓ
Þórarinn Kristjánsson, framkvstj. Gúmmívinnslunnar, afhendir Páli Sigurðssyni bifreiðastjóra tíu þúsundasta
hjólbaröann. Tímamynd: HIA
Atvinnustarfsemi á Akureyri:
Endurvinnsla Gúmmí-
vinnslu gengur vel
Sýnishorn af gangstéttarhellum unnum úr ónýtum hjólbörðum. Hellurnar
eru mjög vinsælar við sundlaugar og á leikvelli.
Nýverið afhenti Þórarinn Krist-
jánsson, framkvæmdastjóri Gúmmí-
vinnslunnar h.f. á Akureyri, Páli
Sigurðssyni bifreiðastjóra tíuþús-
undasta hjólbarðann sem fyrirtækið
hefur sólað á 5 ára starfsævi.
Fyrirtækið fór fyrst af stað með
hjólbarðasólun, en með endur-
vinnslu á gúmmíi í huga. í dag er
starfsemi fyrirtækisins skipt í 4 meg-
insvið: alhliða hjólbarðaþjónustu,
innflutning á hjólbörðum, kaldsólun
og endurvinnslu.
Að sögn Þórarins Kristjánssonar
framkvæmdastjóra fór sólningin
strax vel af stað. Endurvinnslan
reyndist þyngri í vöfum, en þáttur
hennar hefur þó aukist jafnt og þétt
og núorðið framleiðir fyrirtækið um
40-50 tonn árlega af ýmsum varningi.
Þórarinn sagði að afkastageta
fyrirtækisins væri þrefalt meiri og
möguleikar á að endurvinna plast
líka ef markaðir fengjust fyrir slíkar
vörur. Þessar vörur sem við fram-
leiðum eru 85% ónýt dekk, sagði
Þórarinn, þ.e. við þjónum sem eins-
konar sorpeyðing líka, því í hverju
tonni sem kemur fullunnið frá okkur
eru um 850 kíló af ónýtum dekkjum.
Endurvinnslan fer þannig fram að
gúmmíið er mulið niður og pressað
saman í mótum. Meðal framleiðslu-
eininga eru: bobbingar, millibobb-
ingar, bobbingahjól, gúmmímottur
í gripahús og vinnustaði, hnallar
fyrir skilti og gangstéttarhellur.
Gúmmígangstéttarhellurnar eru
notaðar á leikvöllum, við sundlaug-
ar, heita potta og í sólpalla. Þær eru
mjög hentugar allstaðar þar sem
börn eru að leik, þar sem ekki er
hætta á að þau skrámist eða meiði
sig, þó þau detti í hita leiksins.
Gúmmímotturnar eru mikið notaðar
í gripahús undir hross og nautgripi
og einnig á vinnustöðum þar sem
fólk þarf að standa langtímum
saman. Um tíma voru slíkar mottur
fluttar út í gegnum sænskt samstarfs-
fyrirtæki og eru áframhaldandi sölu-
möguleikar undir smásjánni.
Gúmmívinnslan framleiðir einnig
ýmsa hluti sem notaðir eru við
umferðarmerkingar og hefur komið
í ljós að gúmmíið er hentugt til
framleiðslu slíkra hluta, því unnt er
að blanda í það litarefnum við
endurvinnsluna og fá þá liti sem
henta hverju sinni. Gangstéttarhell-
urnar eru einnig framleiddar í mis-
munandi litum.
Aðspurður um afkomu fyrirtækis-
ins, sagði Þórarinn hana vera góða.
Fjárfestingar og uppbygging hefði
farið fram í rólegheitunum eftir því
sem fyrirtækinu óx fiskur um hrygg.
Fjármagnskostnaður og vaxta-
greiðslur eru því ekki að sliga fyrir-
tækið eins og svo mörg önnur sem
nánast voru byggð upp á einum degi.
Þórarinn kvaðst bjartsýnn á fram-
tíð endurvinnslunnar. „Þetta er allt-
af að aukast hjá okkur. Þegar við
byrjuðum voru 4 starfsmenn hérna,
en nú eru þeir orðnir 10 og á
örugglega eftir að fjölga.“
HIA - Akureyri