Tíminn - 17.01.1990, Blaðsíða 2

'2 T-írninn
- ’ ■'MiðviKudagú r ■ l’7!-januaf '1'990
Þriðja flokks eldislaxi dengt á innlendan markað að undanfömu. Gæðaflokkun að heflast. Leifur Eiríksson:
FYRSTA FLOKKS LAX
ER EKKIKYNÞROSKA
„I sjálfu sér er ekkert að því að selja þriðja flokks físk.
Meinið er hins vegar það að slíkur fiskur hefur ekki verið
seldur sem þriðja flokks fiskur heldur er honum platað inn á
viðskiptavini sem Iaxi,“ sagði Leifur Eiríksson forstöðumaður
gæðastjórnunar Landssambands fiskeldis- og hafbeitar-
stöðva.
Leifur starfaði um árabil að gæðamati og gæðastjórnun í
laxeldi á Hjaltlandseyjum og átti umtalsverðan þátt í að móta
reglur og starfsaðferðir þar í sambandi við gæðamat á
eldislaxi. Hann vinnur nú að því sama hér á landi.
I grein sem Leifur skrifar í nýút-
komnum Eldisfréttum, sérriti um
fiskeldis- og hafbeitarmál er fjallað
um gæðaátak í sambandi við eldislax
á Hjaltlandseyjum og um það starf
sem framundan er í þeim málum
hérlendis. Þar segir meðal annars að
furðulegt megi telja af hve miklu
skeytingarleysi framleiðendur eldis-
fisks hafi umgengist innanlands-
markaðinn fyrir eldislax. Þetta sé
því einkennilegra þar sem innan-
landsmarkaðurinn er enn sem komið
er þriðji stærsti markaðurinn fyrir
íslenskan eldislax.
Á innlenda markaðinn sé dengt
fiski af öllum gæðaflokkum, allt frá
mjög góðum fiski til mjög lélegs.
Allt sé þetta sfðan selt sem lax og
ekki borið við að flokka eða merkja
fiskinn. Þetta hafi orðið til þess að
gefa þeirri almennu skoðun byr
undir báða vængi á íslandi að eldis-
lax sé léleg vara og í samræmi við þá
skoðun hafi verð farið hríðlækkandi.
„Viðskiptavinir verslana hafa
enga möguleika til að vita hvað af
fiskinum í versluninni sé fyrsta
flokks og hvað þriðja flokks. Laxinn
verður að merkja rétt eins og t.d
lambakjöt er merkt. Fólk á að geta
gengið að því vísu að lambakjöt í
verslunum sé fyrsta flokks nema að
annað sé sérstaklega tekið fram.
Neytendur eiga á sama hátt heimt-
ingu á að vita í hvaða gæðaflokki
laxinn er sem það er að kaupa,“
sagði Leifur.
Hann sagði að gæðamunurinn fæl-
ist einkum í því hvort laxinn væri
orðinn kynþroska þegar honum er
slátrað en auk þess skipti máli með-
höndlun fiskjarins við slátrun,
geymslu og flutning. Þegar fiskurinn
yrði kynþroska missti hann bæði lit
og bragð en færi jafnframt að líkjast
villtum laxi í útliti.
Innanlandsmarkaðurinn væri van-
ur villtum laxi og fólk vissi mætavel
hvernig hann ætti að líta út og í
trausti þess hefði kynþroska fiskur
verið mikið seidur innanlands. Hitt
væri svo annað mál að fyrsta flokks
eldislax ætti ekkert að líta út eins og
villtur lax, fjarri því.
Nú er unnið að því innan Lands-
sambands fiskeldis- og hafbeitar-
stöðva að setja ákveðnar gæðakröfur
eða staðla í sambandi við eldislax og
alla meðferð hans og flokkun allt frá
upphafi og til þess að hann liggur í
neytendaumbúðum í kæliborðum
verslana. Jafnframt er unnið að
lokahönnun á gæðamerki og reglur
um hvernig framleiðendur mega
nota merkið eru því sem næst tilbún-
ar. Margir framleiðendur hafa þegar
aðlagað starfsemi sína og alla með-
ferð fiskjarins að reglum sem tryggja
eiga góða og vandaða framleiðslu. _sá
Á innanlandsmarkað er dengt eldislaxi af öllum gæðaflokkum
Rannsóknaráð
ríkisins
auglýsir styrki til rannsókna
og tilrauna árið 1990
Umsóknarfrestur er til 1 mars n.k. Umsóknareyðublöð fást á
skrifstofu ráðsins, Laugavegi 13, sími 21320.
• Um styrk geta sótt fyrirtæki, stofnanir eða einstaklingar.
• Styrktarfé skal varið til rannsókna og þróunar á nýrri tækni og
afurðum, sem talin er þörf fyrir næsta áratug.
• Mat á verkefnum, sem sótt er um styrk til, skal m.a. byggt á;
- líklegri gagnsemi verkefnis, sérstaklega markaðsgildi niður-
staðna, sem sóst er eftir,
- gildi fyrir eflingu tækniþekkingar eða þróunar atvinnugreina
hér á landi,
- hæfni umsækjenda/rannsóknarmanna.
• Forgangs skulu að öðru jöfnu njóta verkefni, sem svo háttar um
að;
- samvinna fyrirtækja og stofnana innanlands er mikilvæg-
ur þáttur í framkvæmd verkefnisins,
- samstarf við erlend fyrirtæki og rannsókna- og þróunarstofn-
anir er mikilvægt,
- fyrirtæki leggja umtalsvert framlag til verkefnisins,
- líkindi eru á skjótum og umtalsverðum árangri.
Heimilt er einnig að styrkja verkefni, sem miða að uppbyggingu
þekkingar og færni á tæknisviðum, sem talin eru mikilvæg fyrir
atvinnuþróun hér á landi í framtíðinni.
r i Mnr
Kópavogur - Þorrablót
Hið landsfræga þorrablót framsóknarfélaganna í Kópavogi verður
haldið í Félagsheimili Kópavogs laugardaginn 20. janúar og hefst kl.
20.00.
Hátíðarræða: Jóhann Einvarðsson alþing-
ismaður.
Bæjarli SlUI naður Kópavogs, Sigurður Braga-
son skemmtir með söng.
Matinn frá Sveinbirni I Veislustöðinni þekkja
allir og Lúdósextett og Stefán sjá um fjörið
fram undir morgun.
Miðapantanir: Einar í síma 43420 og 41590,
Guðrún í síma 641512 og hjá formönnum
Jóhann Einvarðsson félaganna.
Tryggið ykkur miða tímanlega á þessa glæsi-
legu skemmtun.
Nefndin.
Framsóknarvist
Framsóknarvist verður haldin sunnudag 21.
janúar kl. 14 í Danshöllinni (Þórscafé)
Þrenn verðlaun karla og kvenna. Verð að-
göngumiða kr. 400,- kaffiveitingar innifaldar.
Stutt ávarp flytur Alfreð Þorsteinsson formaður
F.R.
Framsóknarfélag Reykjavíkur
Hvergerðingar -
Sunniendingar!
Þorrablót
Framsóknarfélags Hveragerðis verður haldið að Hótel Örk,
föstudaginn 19. janúar 1990 kl. 19.30.
Heiðursgestir kvöldsins verða:
Indriði G. Þorsteinsson og frú.
Veislustjori verður: Garðar Hannesson.
Ýmis skemmtiatriði.
Eftirhermur og gamanmál.
Félagar mætum öll og tökum með okkur gesti.
Allir velkomnir.
Miðaverð kr. 1500.-
Miðapantanir fyrir fimmtudag hjá:
Gísla Garðarssyni s: 34707.
Garðari Hannessyni s: 34223.
Sturlu Þórðarsyni s: 34636.