Tíminn - 02.02.1990, Blaðsíða 16
AUGLÝSINGASÍMAR: 680001 —686300 |
RÍKISSKIP
NÚTÍMA FLUTNINGAR
Holnarhúsinu v/Tryggvogötu,
S 28822
SAMVINNUBANKINN
í BYGGÐUM LANDSINS
PÓSTFAX
TÍMANS
687691
NÝJA SENDIBÍLASTÖÐIN
40 ára
afmæli í dag
68-5000
Tímiiin
FÖSTUDAGUR 2. FEBRÚAR 1990
Skriður virðist kominn á baráttuna gegn veiðum laxveiðibátanna:
yfírvöld í Póllandi og Danmörku hafa gefið jákvætt svar
varðandi beiðni íslendinga um að brugðist verði við
meintum ólöglegum laxveiðum þarlendra skipa í almenn-
ingnum utan við fiskveiðilögsögur íslands, Færeyja og
Noregs.
Þessi mynd var tekin af einum laxveiðibátanna úr flugvéi Landhelgisgæslunnar í síðustu viku. Tímamynd Tómas
Á miðvikudaginn barst utanrík-
isráðuneytinu svar frá pólsku ríkis-
stjórninni þar sem segir að stjórnin
hyggist nú þegar setja reglugerð
sem banni laxveiðar pólskra skipa
í sjó. Þá hefur pólsku siglingamála-
stofnuninni verið falið að rannsaka
mál laxveiðibátsins Minnu, sem
Landhelgisgæslan sá að laxveiðum
rétt utan fiskveiðilögsögunnar fyrir
viku síðan. Báturinn verður stöðv-
aður um leið og hann kemur til
hafnar og haffærnisskírteini og
skjöl skipstjórans skoðuð.
Pólska stiómin brást mjög fljótt
við beiðni íslendinga. Síðastliðinn
mánudag gengu Orri Vigfússon,
formaður nefndar um kaup á út-
hafslaxi, og Jón G. Baldvinsson,
formaður Stangveiðifélags Reykja-
víkur, á fund pólska sendiherrans.
Var sendiherranum afhent bréf
vegna veiða pólska bátsins Minnu,
svar barst því frá pólsku stjórninni
eftir aðeins tvo daga. í svari pólsku
stjórnarinnar kemur fram að hún
hafi ekki veitt leyfi til laxveiða í
Atlantshafi, þó svo að Pólverjar
séu ekki aðilar að samkomulagi
NASCO (North Atlantic Salmon
Conservation, Organisation) um
verndun laxastofna á Norður-Atl-
antshafinu. Virðist því hinn danski
skipstjóri Minnu hafa gefið Land-
helgisgæslunni rangar upplýsingar
er hann sagði að skipið væri í eigu
pólsku stjórnarinnar.
í svari pólsku stjórnarinnar kem-
ur einnig fram að líklega sé Minna
að einhverju leyti í eigu danskra
aðila. I Morgunblaðinu í gær segir
að blaðið hafi fyrir því heimildir að
reikningur fyrir viðgerð á Minnu í
Færeyjum hafi verið sendur til
fyrirtækis á Borgundarhólmi. Þá
hefur komið í ljós að annar lax-
veiðibátur, sem hefur veitt á sömu
slóðum og Minna, er skráður í
Panama en er í eigu aðila á Borg-
undarhólmi.
Dönsk yfirvöld brugðust mun
seinna við en þau pólsku. í þrjár
vikur beið utanríkisráðuneytið
svars frá dönskum yfirvöldum og í
gær barst loksins svar frá þeim. f
því kemur fram að hafin er lög-
reglurannsókn í Danmörku sem
miðar að því að koma lögum yfir
þá aðila sem grunur leikur á að
stundi ólöglegar laxveiðar í sjó.
Dönsk stjómvöld segjast líta þetta
mál alvarlegum augum og lýsa sig
reiðubúin til að aðstoða við frekari
gagnaöflun. í svarinu kemur einnig
fram að á síðasta ári voru þrír
útgerðarmenn dæmdir af dönskum
dómstóli og þeim gert að greiða
sekt að andvirði 230 milljóna ís-
lenskra króna.
Flugvél Landhelgisgæslunnar
flaug í gær yfir svæðið norðaustur
af landinu, þar sem sést hefur til
laxveiðibátanna. í þessu flugi gæsl-
unnar varð ekki vart við nein
laxveiðiskip á áðurnefndu svæði,
en Landhelgisgæslan mun halda
eftirliti sínu áfram eftir því sem
veður og aðstæður leyfa. ssh/EÓ
Minnihlutaflokkarnir funda um borgarstjórnarkosningarnar í vor:
Sameiginlegt fram-
boð er úr sögunni
Nú er Ijóst að ekki verður af
sameiginlegu framboði minnihluta-
flokkanna í borgarstjórnarkosning-
unum í vor. Þetta var niðurstaða
fundar með fulltrúum minnihluta-
flokkanna sem Alþýðubandalagið
boðaði til í fyrrakvöld.
Að sögn Finns Ingólfssonar, for-
manns fulltrúaráðs Framsóknarfé-
laganna í Reykjavík, var niðurstaða
fundarins sú að þeir aðilar er rætt
hafa saman að undanförnu um sam-
eiginlegt framboð, munu ekki efna
til frekari funda um þau mái.
„Kvennalistinn kom til þessa
fundar með þá ákveðnu afstöðu, að
þær ættu ekki samleið með hinum
flokkunum í einu sameiginlegu
framboði," sagði Finnur í samtali
við Tímann í gær. „Þetta þýðir að
hugmyndin um sameiginlegt fram-
boð allra er ekki lengur til staðar.
Kratarnir lýstu því þarna yfir að þeir
hefðu tekið sínar ákvarðanir um það
að bjóða ekki fram til borgarstjórnar
lista Alþýðuflokksins, heldur væru
þeir tilbúnir til að standa að og
styðja með yfirlýsingum óháðan
lista. Við getum ekki sætt okkur við
þá leið. Ekki vegna þess að við
viljum koma einhverjum hóp fram-
sóknarmanna inn á þennan sameig-
inlega lista, heldur vegna þess að við
teljum að flokkarnir eigi að koma að
þessum málum. Með skipan eins og
kratarnir leggja til er verið að útbúa
nýtt stjórnmálaafl og leggja af þá
flokka sem núna mynda minnihlut-
ann.“
Finnur sagði framsóknarmenn
ekki tilbúna til þess að samþykkja
slíka skipan. Þeir mundu nú snúa sér
að því að bjóða fram sér.
-ÁG
Finnur Ingólfsson.
Stjómarandstaða og stjómarliðar náðu ekki samkomulagi um
afgreiðslu frumvaips er heimilar stofnun umhverfisráðuneytis:
Umhverfisráðuneyti á
dagskrá aftur í dag
Frumvarp um breytingar á lög-
um um Stjómarráð íslands, er
gerir ráð fyrir að heimiluð verði
stofnun sérstaks ráðuneytis um-
hverfismála var á dagskrá neðri
deildar Alþingis í gær. Ekki náðist
samkomulag stjórnar og stjómar-
andstöðu um að ljúka umræðunni
í gær, en minnihlutinn á Alþingi er
mjög ósáttur við meðferð málsins í
alsherjarnefnd deildarinnar og
segja það hafa verið þvingað til
annarrar umræðu án nokkurrar
umfjöllunar.
Ólafur G. Einarsson, þing-
flokksformaður Sjálfstæðisflokks-
ins, hafði framsögu fyrir minni-
hluta alsherjarnefndar. Hann lýsti
þeirri skoðun að stjórnarandstaðan
gæti ekki fallist að á samþykkt yrðu
lög um stofnun umhvcrfisráðu-
neytis, án þess að þau fælu í sér
nokkra skilgreiningu á hvert
verksvið þess væri.
„Hér er á ferðinni hreint hé-
gómamál, til þess eins og fullnægja
hégómagimd hæstvirts umhverfis-
ráðherra,“ sagði Ólafur.
Þingflokksformaðurinn sagði
gjörsamlega óhæf vinnubrögð hafa
verið viðhðfð í umfjöllun málsins í
nefndinni. Fmmvarpið hefði verið
sent til umsagnar til fimmtíu aðila,
þrjátíu af þeim hefðu skilað inn
áliti í síðustu viku, en engin þessara
umsagna hefði verið tekin fyrir á
fundum nefndarinnar.
Fundur um málið verður aftur í
deildinni í dag og má búast við að
hann standi fram eftir nóttu, en
ætlunin er að ljúka annarri umræðu
fyrir helgina. -ÁG