Tíminn - 20.02.1990, Page 3
Þriðjudagur 20. febrúar 1990
Tíminn 3
Blómasalar áætla að karlar hafi keypt blóm fyrir allt að 50
milljónir til að gefa konum sínum á konudeginum sem var
síðastliðinn sunnudag. Þeir segja að áætla megi að landsmenn
hafi keypt a.m.k. 100 þúsund blóm á þessum eina degi.
Þær hafa sjálfsagt brosað margar eiginkonumar á konudaginn, en breiðast
brostu blómasölukonur. Tímamynd Ámi Hjurnu.
Erfiðlega gekk að fá nákvæmar
upplýsingar um heildarsölu á blóm-
um um helgina. Blómaheildsalar
sögðu mjög erfitt að áætla söluna
þar sem svo skammt væri liðið frá
konudegi og upplýsingar um sölu
lægju ekki fyrir.
Ingi Þór Ásmundsson sölustjóri
hjá Blómaheildsölunni sagðist áætla
að seld hefðu verið um 100 þúsund
blóm á konudeginum á öllu landinu,
jafnvel eitthvað fleiri. Hann sagði
hins vegar mjög erfitt að áætla
heildarsöluupphæðina. Verð á
blómum væri mjög mismunandi, allt
frá 130 krónum stykkið og allt upp
undir 800 krónur stykkið. Sé reiknað
með að eitt blóm kosti 250 krónur,
sem fullyrða má að sé varlega áætl-
að, hefur heildarsalan verið 25 millj-
ónir. Blómasali sem Tíminn ræddi
við í gær sagði að hugsanlega mætti
tvöfalda þá upphæð.
Jón Björnsson framkvæmdastjóri
blómaverslunarinnar Alaska, sem
er ein af rótgrónustu og virtustu
blómaverslunum landsins, sagði að
sér sýndist salan hafa verið svipuð á
þessum konudegi og á konudeginum
í fyrra. Hann sagði að veltan um
síðustu helgi hjá sér hefði verið í
kringum ein milljón króna. Alaska
hefur verið með í kringum 2-3% af
blómamarkaðinum í landinu. Sé
þetta rétt bendir flest til þess að
blómasala á konudeginum hafi verið
í kringum 30-50 milljónir.
Sveinn Indriðason framkvæmda-
stjóri Blómamiðstöðvarinnar sagðist
ekki treysta sér til að áætla heildar-
söluna svo skömmu eftir konudag-
inn. Hann sagði þó ljóst að hún hefði
verið góð og líklega yfir meðallagi.
Þeir blómasalar sem Tíminn ræddi
við sögðu erfitt vera að áætla blóma-
söluna. Þeim fannst hins vegar trú-
legt að heildarsalan skipti einhverj-
um tugum milljóna.
Nokkur samdráttur varð í blóma-
sölu á síðasta ári eins og í annarri
verslun. Menn virðast þó ekki sjá
eftir blómum handa konunni á konu-
daginn.
Veðrið skiptir miklu máli í sam-
bandi við blómasölu. Nokkurs titr-
ings gætti hjá blómasölum fyrir ný-
liðinn konudag þar eð veðrátta hefur
verið slæm að undanförnu. Menn
höfðu í huga bóndadaginn í fyrra en
þá var veður slæmt um allt land og
færð afleit. Blómasala þennan dag
var því sáralítil. Einn blómasali sem
Tíminn ræddi við orðaði það þannig:
„Bóndadagurinn í fyrra hvarf í snjó
og ófærð.“
Veðrið um helgina var slæmt víða
um land og blómasalar sem Tíminn
ræddi við höfðu ekki fengið fréttir
um hvernig satan hefði gengið úti á
landi. Á höfuðborgarsvæðinu var
veðrið hins vegar sæmilegt. Svo er
að sjá sem karlpeningurinn á
Reykjavíkursvæðinu hafi ekki látið
goluna aftra sér frá því að gefa
ástinni sinni blóm á konudaginn.
Mun minni blómasala er á bónda-
degi en á konudegi. Salan hefur þó
verið að aukast á síðari árum. „Það
er að verða meira jafnrétti í þessu,
en konurnar mega taka sig mikið á
ef þær ætla að ná körlunum,“ sagði
einn blómasali sem Tíminn ræddi
við. -EÓ
Saltað í 240
þúsund tunnur
Samtals var saltað í 240.751 tunnu
á síðustu síldarvertíð, en það er
svipað magn og saltað var á vertíð-
inni 1988 eða 241.559 tunnur. Mest
var saltað í Grindavík eða í 34.789
tunnur og á einstakri söltunarstöð
var mest saltað hjá Fiskimjölsverk-
smiðju Hornafjarðar eða í 18.019
tunnur.
Alls var saltað á 20 stöðum á
landinu á samtals 47 söltunarstöðv-
um. Á tímabilinu frá 8. október
1989 til 20. janúar 1990 var mest
saltað vikuna 26. nóvember til 2.
desember eða í samtals 75.329 tunn-
ur og vikuna á undan var saltað næst
mest eða í 42.226 tunnur.
Af einstökum söltunarhöfnum
sem voru 20 talsins var mest saltað í
Grindavík eða 34.789 tunnur, í öðru
sæti kemur Eskifjörður með 31.373
tunnur, Hornafjörður er í þriðja
sæti með 29.917 tunnur og í fjórða
sæti er Fáskrúðsfjörður með 22.383
tunnur.
Hjá einstökum söltunarstöðvum
sem voru 47 talsins, var mest saltað
hjá Fiskimjölsverksmiðju Horna-
fjarðar eða 18.019 tunnur, í öðru
sæti er Pólarsíld á Fáskrúðsfirði með
12.531 tunnu, H. Böðvarsson á
Akranesi er í þriðja sæti með 12.150
tunnur og í fjórða sæti er Strandar-
sfld Seyðisfirði með 11.902 tunnur.
-ABÓ
Eskfirðingar vilja
álver á Austurlandi
Bæjarstjórn Eskifjarðarmótmælir
þeirri skoðun að fámenni Eskifjarð-
ar og Reyðarfjarðar svo og næstu
Vangoldinn þungaskattur
og bifreiðagjöld á Akureyri:
Klippur á
loft nyrðra
Innheimtuaðgerðir fjármála-
ráðuneytisins vegna vangoldinna
bifreiðagjalda og þungaskatts
hófust á Akureyri í gær. Að sögn
Kristjáns Valdimarssonar á skrif-
stofu lögreglustjóra brugðust
fjölmargir bifreiðareigendur vel
við og gerðu upp vangoldin gjöld
sín.
Kristján sagðist ekki hafa tölur
um útistandandi skuldir bifreiða-
eigenda, en sagði þær flestar vera
frá síðasta ári og væru þær á
bilinu fjögur til tíu þúsund
krónur. -ABÓ
nágrannabyggða útiloki nánast að
reisa fyrirtæki á borð við álver þar.
Bæjarstjórnin hefur mun meiri
áhyggjur af áhrifum stöðnunar á
svæðinu en af tímabundnum þenslu-
áhrifum, sem leiða af byggingu stór-
fyrirtækis, og lýsir sig reiðubúna til
að leysa þau vandamál í samvinnu
við nágrannabyggðir.
Bæjarstjórnin minnir á að nýtt
álver kalli á virkjun í Fljótsdal.
Bæjarstjórnin telur að nýta beri
meginhluta orku fjórðungsins innan
hans enda sé ástæðulaust að flytja
orkuna langt yfir skammt.
Bæjarstjórnin minnir jafnframt á
að Reyðarfjörður uppfylli vel þau
skilyrði sem þurfi að vera til staðar
fyrir stóriðnað. Flutningslínur frá
virkjunum geti verið styttri, sam-
göngur á landi séu allgóðar, stutt sé
á væntanlegan alþjóða flugvöll.
Landrými til iðnaðar sé nægilegt og
einnig fyrir íbúðabyggð. Hafnarskil-
yrði séu ein hin bestu á landinu og
líklega sé hvergi ódýrara að byggja
höfn. Sigling til Evrópu sé u.þ.b.
sólarhring skemmri hvora leið en frá
Faxaflóa. Þá sé hafíshætta hverf-
andi. -EÓ
Mjög hvasst var í Reykjavík um tíma og hér sést hvernig þakplötur hafa vafist um umferðarmerki og Ijósastaur a
Ártúnshöfða. Timamynd Pjclur
Ofsaveður undir Eyjafjöllum og á Hellisheiðinni:
Grjót og snjóköggla-
fok olli stórtjóni
Mikið ofsaveður varð undir Eyja-
fjöllum um miðjan dag á laugardag.
Til vitnis um veðurhæðina má nefna
að 50 kílóa áburðarpokar fuku eins
og fis allt að því 40 metra og
gríðarlegt grjót- og snjókögglafok
olli miklum skemmdum á bifreiðum
og húsum. Tjónið mun nema millj-
ónum króna. Sigurgeir Ingólfsson
bóndi á bænum Hlíð undir Eyjafjöll-
um sagði í samtali við Tímann í gær
að menn væru uggandi þar sem spáð
væri slæmu veðri á Suðausturlandi
síðdegis í gær.
Sigurgeir sagði að veðurofsinn
hefði verið ámóta mikill og varð á
aðfangadag sl. og að menn myndu
ekki eftir að slíkur veðurofsi hafi
orðið með svo stuttu millibili. Sagð-
ist Sigurgeir telja að veðurhæðin
hafi verið um 17 vindstig. Sigurgeir
bætti því við að á bænum Steinum
hefði þakið fokið af fjósinu í bæði
skiptin, fyrst á aðfangadag og aftur
nú á laugardaginn. Á sama bæ
brotnuðu flestar ytri rúður í gluggum
íbúðarhússins og í fjósinu, og ál-
klæðning sem er á húsinu er mjög
illa farin. Auk þess brotnuðu allar
hliðarrúður úr jeppa og dráttarvél
sem stóðu á hlaðinu.
Tjón varð á fleiri bifreiðum. Til
dæmis brotnuðu rúður í bílum sem
stóðu á hlaðinu í Hlíð og lakkið á
þeim er einnig ónýtt. Biluð bifreið
er stóð í vegkantinum rétt fyrir utan
Steina fauk í loftköstum fjörutíu
metra út fyrir veg og sagðist Sigur-
geir telja að hún væri ónýt.
Ótrúlegt hugsunarieysi
Á laugardaginn var mjög erfið
færð á Hellisheiðinni og lenti fjöldi
fólks í vandræðum þrátt fyrir viðvar-
anir lögreglu. Kristján Kristinsson í
Litlu kaffistofunni sagði að fólk
sýndi oft ótrúlegt hugsunarleysi þeg-
ar það legði á heiðina illa búið, oft á
tíðum á litlum fólksbílum og illa
klætt, einungis á sparifötunum.
„Fólk virðist ekki læra fyrr en það
rekur sig heiftarlega á.“
Sem dæmi um hve brjálað veðrið
var sagði Kristján að hann hefði
verið í sambandi gegnum farsíma
við fjölskyldu í jeppabifreið sem
hafði fest um einn kílómetra frá
kaffistofunni. Hafði hann ráðlagt
þeim að halda kyrru fyrir vegna
veðurofsans og beið fólkið í fimm og
hálfa klukkustund eftir að aðstoð frá
björgunarsveitarmönnum sem
höfðu í mörg horn að líta.
Kristinn sagði að hann myndi ekki
eftir öðrum eins snjóbyl og ekki
hefði sést út úr augum. Nefndi hann
sem dæmi að maður á snjósleða sem
var á leið í bæinn hafi týnt sleðanum
við vetrarafleggjarann eftir að hafa
dottið af honum. Komst maðurinn
við illan leik í kaffistofuna. Kristinn
sagði að snjófokið hefði verið svo
mikið að hann hafi þurft að moka frá
dyrum kaffistofunnar á hálftíma
fresti til að varna því að lokast inni.
Að lokum má nefna að tvær rútur
frá Sérleyfisbílum Selfoss festust á
Hellisheiðinni, en um eitthundrað
farþegar voru í bílunum. Björgunar-
sveitin á Selfossi fór til aðstoðar,
komust farþegarnir loks á Selfoss
eftir átta tíma bið á heiðinni.
SSH