Tíminn - 21.03.1990, Blaðsíða 5
Miðvikudagur 21. mars 1990
Tíminn 5
Stórtjón við dauða þriggja
fylfullra met-mera og fola
Þrjár fylfullar hryssur eftir Ljóra frá Kirkjubæ og einn
stóðhestur hafa drepist með skömmu millibili norður á
Hólum í Hjaltadal að undanförnu. Um er að ræða
hryssurnar Rebekku 6016, Fernu 4394,12 vetra hryssu í
eigu staðarráðsmanns á Hólum og stóðhestinn Vökul
sem nýlega var kominn til tamningar að Hólum. Vökull
var að sögn kunnugra bæði bráðfallegur og efnilegur foli.
í ljós hefur komið við krufningu
að hjartaslag hefur orðið Fernu, sem
var rúmra 17 vetra gömul, að aldur-
tila. Vökull drapst úr garnaflækju en
Rebekka og unghryssan fengu melt-
ingarslen sem varð þeirra bani.
Jón Bjarnason skólastjóri á Hól-
um sagði við Tímann í gær að þessi
dauðsföll væru hörmuleg. Ætíð
mætti búast við afföllum og vanhöld-
um í búpeningi og tölfræðilega væri
varla hægt að segja að dauðsföllin
væru umtalsverð. Því væri þó ekki
að neita að menn yrðu jafnan slegnir
þegar búpeningur félli á voveiflegan
hátt.
„Auðvitað eru atvik af þessu tagi
slæm þó alltaf megi búast við þeim í
sjálfu sér. Heilsufar hrossa hefur hér
á Hólum verið gott og mjög gott sé
litið yfir undangengið tíu ára tíma-
bil. Hér eru um 200 hross á fóðrum
og það er fylgst mjög nákvæmlega
með þeim og jafnan haft náið santráð
við dýralækna komi eitthvað óvænt
upp á. Meira er ekki hægt að gera,"
sagði Jón Bjarnason.
Þeir Gísli Halldórsson héraðs-
dýralæknir í Skagafirði og dr. Helgi
Sigurðsson dýralæknir hafa krufið
hrossin og tekið sýni sem send hafa
verið í rannsókn að Keldum. Helgi
Sigurðsson sagði í gær að þótt fyrsta
athugun hefði leitt í ljós líklegar
dánarorsakir þyrfti að staðfesta þær
þegar um jafn merka hesta væri að
ræða og þarna væri. Ljóst væri að
verulegt tjón hefði orðið sem erfitt
væri að meta til fjár.
Gísli Halldórsson héraðsdýra-
læknir sagði að endanlegra niður-
staðan um dánarorsakir hryssanna
tveggja væri að vænta fyrir helgina
og menn væru miður sín yfir atvikum
sem þarna hafa orðið. Þó að niður-
stöður um dánarorsakir lægju ekki
endanlega fyrir þá væri þó Ijóst að
langvarandi og alger jarðbönn í
Skagafirði ættu þar stóran þátt.
„Hrossin hafa ekkert annað fóður
en það sem þeim er gefið. Á þessum
tíma eru hryssur undir gífurlegu
álagi og þessar hryssur áttu að kasta
mjög snemma vors, eða eftir rúman
mánuð.
Fóðurþörf fylfullra hryssa er mjög
mikil einmitt nú og spurning hvort
hryssurnar hafi náð að nærast nóg til
að fullnægja þörfum fóstursins og
sjálfra sín jafnframt. Þcss skal getið
að krankleiki í hryssum er ekki bara
bundinn við Hóla. Það hafa veriö að
veikjast hryssur víðar um fjörðinn
en auðvitað verða menn felmtri
slegnir þegar tvær af merkari hryss-
um landsins leggja upp laupana,"
sagði Gísli.
Við krufningu kom í Ijós að fyl
Rebekku var hestfolald. Sömu sögu
er að segja um fyl hinnar hryssunnar
sem ráðsmaðurinn á Hólum átti.
Með þessum sviplegu dauðsföllum
er ljóst að verulegt fjárhagstjón
hefur orðið. Allar voru hryssurnar
þrjár kornnar að því að kasta af-
kvæmum Ljóra frá Kirkjubæ.
Gísli sagði að tvær fylfullar hryss-
ur í Skagafirði til viðbótar væru
komnar nteð einkenni meltingar-
slens og kvaðst hann óttast um báðar
því að þegar einkenni kæmu fram
væru hryssurnar vcnjulega orðnar
það veikar að við ekkert yrði ráðið.
-sá
Sigrún Magnúsdóttir fulltrúi
Framsóknarflokksins í borgarráði.
Samþykkt í Borgarráöi
Reykjavíkur í gær:
Úttekt á
fíkniefna-
vandamáli
unglinga
Á fundi borgarráðs í gær var
ákveðið að óska eftir því við íþrótta-
og tómstundaráð og Félagsmálaráð
að gerð yrði úttekt á fíkniefnaneyslu
unglinga og tillögur að leiðum til
úrbóta.
Forsaga þessarar samþykktar var
að Sigrún Magnúsdóttir fulltrúi
Framsóknarflokksins í borgarráði
bar fram tillögu þessa efnis á borgar-
ráðsfundi í gær. í tillögunni kemur
fram að vegna ógnvekjandi frétta
um aukna fíkniefnaneyslu unglinga
í Reykjavík samþykkir borgarráð að
setja á fót þriggja manna starfshóp
til að kanna ástandið og koma með
tillögur til úrbóta. Tillaga þessi var
fram borin með stuðningi minnihlut-
ans í borgarráði. Borgarstjóri óskaði
eftir því að tillögunni yrði breytt
lítillega og hún gerð að tillögu ailra
í borgarráði. Úr varð að óskað eftir
var því við Iþrótta- og tómstundaráð
og Félagsmálaráð að gerð yrði úttekt
ástandinu og bent leiðir til úrbóta.
-ABÓ
Hér má sjá yfir vígvöllinn á Arnarneshæð skömmu eftir hádegi í gær. Utan vega bíða nokkur ökutæki þess að verða dregin á brott.
Tímamynd Pjetur
Allar helstu samgönguæðar á höfuðborgarsvæðinu lömuðust um tíma í gær.
Snjóstormurinn olli milljóna tjóni:
150 BILAR SKEMMDIR
EFTIR 3JA TlMA BYL
Gifurlega margir árekstrar urðu á höfuðborgarsvæðinu og í
nágrenni þess fyrri hluta dags í gær. Hjá lögreglunni í
Reykjavík, Hafnarfirði og Kópavogi voru skráðar skemmdir á
um 100 ökutækjum. Eru þá ótalin þau smáóhöpp þar sem
ökumenn gerðu upp án afskipta lögreglunnar. Búast má við,
að vel á annað hundrað ökutæki hafi orðið fyrir skemmdum á
meðan á illviðrinu stóð. Ef 150 ökutæki hafa skemmst og
meðaltjón á þeim er 70 þúsund krónur, hefur heildartjónið
orðið 10 milljónir króna.
Lögreglan í Reykjavík hafði af-
skipti af 14 árekstrum fyrripart dags
í gær. Mikið var um þriggja bíla
árekstra og að sögn lögreglunnar
skemmdust um 50 bílar í þessum 14
árekstrum. Átta bílar rákust saman
upp í Kollafirði þar af þrír stórir
flutningabílar. Af þessum sökum
lokaðist vegurinn um tíma. Eitt barn
fékk höfuðhögg við áreksturinn og
var flutt á slysadeild, en að öðru leyti
munu ekki hafa orðið meiösl á fólki.
Lögreglan í Hafnarfirði þurfti að
hafa afskipti af um 40 ökutækjum
sem lentu í árekstrum. Tveir mjög
stórir árekstrar urðu á Arnarneshæð
og stöðvaðist umferð í báðar áttir af
þeim sökum. f öðrum þeirra lentu
átta bílar saman. Að sögn lögregl-
unnar í Hafnarfirði slösuðust sjö í
þeim árekstrum sem hún hafði af-
skipti af. Þar af slösuðust tveir
lögreglumenn, er bifreið skall aftan
á bifreið lögreglumannanna.
Það sem olli veðrinu var mjög
djúp lægð. Hún fór frckar hratt yfir
landið og cftir að skilin höfðu gengið
yfir lægði fljótt. Skilunum fylgdi
mikið hvassviðri með skafrenningi
og blindhríð. Á tímabiii varð ófært
upp í Breiðholt, Árbæ og Grafarvog.
Mjög blint var í Mosfellssveit og í
Kollafiröi. Hafnarfjarðarvegurinn
lokaðist um tíma. í heild má segja
að urn hádegisbilið í gær hafi nær
allir vegir frá Reykjuvík verið ófærir.
Björgunarsveitir í Hafnarfirði og
Mosfellssveit voru kallaðar út og að-
stoðuðu fólk sem átti í erfiðleikum.
Þegar líða tók á daginn gekk
veðrið niður syðra en versnaði að
sama skapi í öðrum landshlutum
þegar lægðin, sem olli óveðrinu, hélt
áframferð sinni. Seinni hlutadagsins
var komin blindhríð á öllu Norður-
landi með tilheyrandi ófærð.
í dag er spáð norðanátt með
snjókomu fyrir norðan en þokkalegu
veðri syðra. -EÓ