Tíminn - 08.05.1990, Blaðsíða 4
4 Tíminn
Þriðjudagur 8. maí 1990
Hefðbundnar NEW HOLLAND
bindivélar eru löngu lands-
þekktar fyrir mikil afköst, örugga
hnýtingu og góða endingu.
Nú í vor bjóðum við ailar
FORD HOLLAND bindivélar á
sérstöku kynningarverði.
Kynningarverðið stendur til 31.
maí, eða meðan birgðir endast.
Þar sem um takmarkaðan fjölda
véla er að ræða hvetjum við
bændur til að staðfesta pantanir
strax til að tryggja sér FORD
NEW HOLLAND bindivélar á
þessu hagstæða kynningarverði
áður en verðið hækkar þ. 1. júní
n.k.
SIMI: 681500 - ARMULA 11
FORD
kEWHOLLAkD
Eftir sjálfstæöisyfirlýsingu Letta:
SOVESKIR SKRID-
RIGA
Sovéskir skriðdrekar óku um stræti höfuðborgar
Lettlands á aðalumferðartíma í gærmorgun, rétt áður en
fundur hófst í þinginu þar sem mynda átti ríkisstjórn til
að leiða lýðveldið til fulls sjálfstæðis.
Skriðdrekar og önnur brynvarin
farartæki skröltu um götur Riga um
áttaleytið, að þvf er sagt var til að
undirbúa sigurgöngu á morgun í
tilefni þess að 45 ár eru liðin síðan
þýskir nasistar biðu algeran ósigur.
En margir Lettar Ir'ta á þessa sýningu
á hernaðarmætti Sovétríkjanna sem
aðferð stjórnvalda í Moskvu til að
telja úr þeim kjark vegna sjálfstæðis-
yfirlýsingar lettneska þingsins.
Ferðir skriðdrekanna gerðu íbúa
landsins taugaóstyrka þar sem þær
voru farnar á aðalumferðartíma og
er litið á þær sem hreina ögrun við
Letta. Heræfingarnar stóðu aðeins
skamma stund og hertækjaflotinn
yfirgaf miðborgina innan skamms.
Þingið gaf út sjálfstæðisyfirlýsingu
landsins sl. föstudag og talsmaður
þingsins sagði að þess væri farið á
leit við almenning að hann sniðgengi
sigurgönguna á morgun. „Enginn
vill að til átaka komi,“ sagði talsmað-
urinn.
Svipaðar heræfingar Sovétmánna
fóru fram á föstudagskvöldið eftir að
nýja þingið greiddi atkvæði urn
flókna sjálfstæðisáætlun. En æfing-
arnar í gær voru gerðar skömmu
áður en þingið kom saman til að
leysa af gömlu ríkisstjórnina og
kjósa nýtt ráðherraráð, undir forystu
Ivars Godmanis frá hinni öflugu
Alþýðufylkingu. Alþýðufylkingin og
bandamenn hennar ráða yfir meira
en tveim þriðju þingsæta og God-
manis er eini frambjóðandinn tii
forsætisráðherraembættis.
Fregnir hafa borist um að Míkhail
Gorbatsjov hafi fordæmt sjálfstæðis-
yfirlýsingu Lettlands en þingmenn
segjast bíða þar til viðbrögð ráða-
manna í Kreml berist eftir réttum
leiðum. Sovéska utanríkisráðuneyt-
ið hefur neitað að tjá sig vegna frétta
um yfirlýsingu Gorbatsjovs.
Lettneska þingið lýsti yfir sjálf-
stæði með 138 atkvæðum gegn engu.
57 rússneskir þingmenn neituðu að
taka þátt í atkvæðagreiðslunni en
sögðu að breytingatímabils væri þörf
til að koma aftur á raunverulegu
pólitísku og efnahagslegu sjálfstæði.
Nýkjörinn forseti Lettlands, Anatol-
ijs Gorbunovs, sagði á sunnudag að
yfirlýsingu um bráðabirgðasjálfstæði
væri ætlað að hvetja til viðræðna við
yfirvöld í Moskvu.
í yfirlýsingu Letta var viljandi
forðast að nefna sovéska heraflann
og yfirstjórn eigna og fyrirtækja sem
Moskvuverjar eigna sér. Bæði þessi
atriði ber hátt í síharðnandi baráttu
Sovéskir skriðdrekar voru á göt-
um Riga í gær.
Letta við yfirvöld í Kreml, sem hafa
sett viðskiptabann á lýðveldið í þeim
tilgangi að fá það til að draga í land
með einhliða sjálfstæðisyfirlýsing-
una frá II. mars.
Lettneska stjórnin heldur nú fundi
til að ræða um að draga úr flutning-
um á kjöti til Leníngrad og Moskvu,
þar sem matarskortur er þegar al-
gengur.
Embættismenn lettneska lýðveld-
isins, sem er mikil matarkista, segj-
ast vera að velta fyrir sér að draga
úr, eða jafnvel afnema alveg, fæðu-
• flutninga sem nema mánaðarlega
8.000 tonnum til Moskvu og 4.000
tonnum til Leníngrad.
f borgarstjórnum beggja þessara
stórborga sitja róttækir nú að völd-
um og eru þeir að hugleiða að gera
sjálfstæða samninga við Lettland, í
blóra við viðskiptabann Kremlverja.
NEW HOLLAND rúllubindi-
vélin hefur reynst vera ein hent-
ugasta rúllubindivólin fyrir ís-
lenskar aðstæður, enda búin
öllum þeim kostum sem prýtt
geta eina rúllubindivól:
• Afkastamikil og traust
• Einföld og örugg í rekstri
• Baggastærð 1,0-1,4 mm
• Tvöföld garnhnýting
• Netbinding, aukabúnaður
• Tölvustýrður stjórnbúnaður
• Fastkjarna baggar
• Betri verkun - minni rýrnun
• Engin mygla í kjarna
• Meira hey í hverri rúllu
• Færri rúllur — fljótleg hiröing
• Lægri pökkunarkostnaður
• Hentar í allartegundirfóðurs
• íslensk leiðbeiningabók.
Stjórnarflokkarnir missa fylgi í sveitastjórnar-
kosningunum um helgina:
Kristilegir eru
ennþá stærstir
í A-Þýskalandi
Kristilegir demókratar voru sigurvegarar sveitarstjórnar-
kosninganna sem fram fóru í Austur-Þýskalandi á sunnudag.
Þessi sigur var þó ekki eins sannfærandi og sigur þeirra í
þingkosningunum í mars síðastliðnum. Kristilegir demó-
kratar, undir forystu Lothar de Maiziere forsætisráðherra,
náðu samtals um 34,3 prósent greiddra atkvæöa í kosning-
um helgarinnar og eru þar með stærsti stjórnmálaflokkurinn,
en það er um 6,5 prósentum minna en þeir fengu í
þingkosningunum 18. mars.
Þann fyrirvara verður að gera
við þessi úrslit að í gær átti enn eftir
að telja lítinn hluta atkvæða en
ekki var talið að það hefði nein
áhrif á endanlegar tölur.
Fréttaskýrendur sögðu í gær að
svo virtist sem Kristilegir demó-
kratar hafi misst nokkuð af fylgi til
ýmissa grasrótarhreyfinga s.s. Nýs
vettvangs og tveggja bæridahreyf-
inga sem berjast hart gegn óheftum
innflutningi ódýrra landbúnaðaraf-
urða frá Vestur-Þýskalandi til
Austur-Þýskalands. Það eru þessir
flokkar fyrst og fremst sem bættu
við sig fylgi. Einnig er samningur-
inn við Vestur-Þýskaland um að
gera vestur-þýska markið að gjald-
miðli fyrir austan talið hafa spillt
nokkuð fyrir Kristilegum demó-
krötum. Reuters fréttastofan hefur
eftir de Maiziere forsætisráðherra
að flokkurinn verði vissulega að
spyrja sig þeirrar spurningar hvers
vegna hann hafi fengið þetta minna
fylgi, en hins vegar sé ljóst að
sveitastjórnarkosningar megi ekki
leggja fyllilega að jöfnu við þing-
kosningar.
Sósíaldemókratar, eða Jafnað-
armenn, sem eru næststærsti flokk-
urinn og eiga aðild að samsteypu-
stjórn de Maizieres, virðast hafa
haldið sínu fylgi frá því í þingkosn-
ingunum í mars. Hlutur jafnað-
armanna var 21,2 prósent sem er
nánast það sama og í þingkosning-
unum.
í Austur-Berlín fengu jafnaðar-
menn 34% atkvæða og eru þar
með stærsti stjómmálaflokkurinn í
borgarstjórn þar. Þau úrsiit við-
halda vinstri meirihluta í Berlín.
Jafnaðarmenn unnu einnig mik-
inn sigur í Leipzig þar sem þeir eru
stærsti flokkurinn með 35% kjör-
fylgi að baki sér. Leipzig hefur á
undanförnum mánuðum verið
vettvangur óróa og kröfugangna
og stundum verið kölluð mið-
punktur lýðræðisbyltingarinnar í
Austur-Þýskalandi.
Hinir flokkarnir þrír sem aðild
eiga að samsteypustjórn de Maizi-
ere töpuðu einnig fylgi um helgina
miðað við úrslit þingkosninganna.
Þýska bandalagið, náinn hægri
sinnaður bandamaður Kristilegra
demókrata, tapaði nærri helmingi
þess fylgis sem það fékk í þingkosn-
ingunum og fékk samtals 3,4% um
helgina. Fjórði stjórnarflokkurinn,
hin smáa og íhaldssama Lýðræðis-
vakning, komst varla á blað í
kosningunum. Frjálslyndi flokkur-
inn var eini stjórnarflokkurinn sem
vann á í þessum kosningum, náði
um 6,6 prósenta fylgi á landsvísu
sem er um 1,3 prósent meira en í
þingkosningunum.
Kommúnistaflokkurinn gamli,
sem nú hefur fengið nýtt nafn,
Flokkur lýðræðislegs sósíalisma,
tapaði tæpum 2% frá því í mars og
nýtur nú stuðnings rúmlega 14
prósent kjósenda, sem er öllu
minna en þau 98,85 prósent sem
flokkurinn kvaðst hafa að baki sér
í síðustu sveitarstjórnarkosninum
fyrir u.þ.b. ári.
Kosningaþátttaka var um 75% á
sunnudag, en þá var einn heitasti
maídagur í Austur-Þýskalandi um
árabil. Kosningaþátttakan í þing-
kosningunum í mars var hins vegar
um 93%.
NEW HOLLAND bindivélar:
Er hægt að gera betri kaup?