Tíminn - 12.06.1990, Blaðsíða 16

AUGLÝSINGASÍMAR :680001 — 686300 \
RÍKISSKIP NÚTÍMA FLUTNINGAS Hofnarhúsinu v/Tryggvagölu, S S VERÐBREFAWBSKIPn SAMVINNUBANKANS SUÐURLANDSBRAUT 18, SlMI: 688568 AKTU EKKI ÚT f ÓVISSUNA. AKTU Á SUBARU Ingvar i Helgason ht Sævarhöfóa 2 simi 91-674000 LONDON-NEW YORK -STOCKHOLM DALLAS ~TOKYO Hardlfrú\ V cm. J ' Kringlunni 8-12 Sími 689888
9
rímiiin
ÞRIÐJUDAGUR 12. JÚNl 1990
Viðhorf íslendinga til Evrópubandalagsins samkvæmt nyrri könnun Félagsvísindastofnunar:
Yngsta fólkið áhuga-
samast um inngöngu
Um 69% landsmanna álíta að íslendingar skuli taka mikinn
þátt í væntanlegum breytingum innan Evrópu og geri það
með auknu samstarfi við þjóðir EFTA og EB. Um 10% eru
þessu andvígir. Þá telja 73% fólks að það muni hafa jákvæð
áhrif á íslenskt efnahagslíf ef þjóðin tekur þátt í auknu sam-
starfi V-Evrópuþjóða. Þetta kemurfram í könnun sem Félags-
vísindastofnun Háskólans gerði nýlega fýrir Vinnuveitenda-
sambandið og Samstarfshóp atvinnulífsins um evrópska
samvinnu.
Nokkuð öðru máli gegnir um af-
stöðu til þess hvort íslendingar eigi
að sækja um inngöngu í EB. 39%
telja að það sé æskilegt, 36% eru
hlutlausir eða óvissir en 25% eru
andvígir. Þannig er meirihluti þeirra
sem afstöðu taka hlynntir inngöngu.
Könnun þessi var gerð til þess að
safna upplýsingum um viðhorf Is-
lendinga til Evrópubandalagsins og
þeirra breytinga sem em að verða á
efnahagssamvinnu Evrópuþjóða.
Jafhframt var leitað eftir vitneskju
um í hversu miklum mæli fólk
þekkti til EB og EFTA.
Samkvæmt niðurstöðum virðist
sem yngra fólk sé fremur á því að
sækja skuli um aðild að EB en hið
eldra. Þá virðast konur fremur vera
andvigar EB-aðild en karlar. Þá er
merkjanlegur munur á skoðunum
fólks um þessi efni eftir því hvaða
stjómmálaflokki fólk fylgir að mál-
um.
Þannig telja um 49% þeirra svar-
enda sem fylgja Alþýðu- og Sjálf-
stæðisflokki að málum að æskilegt
sé að sækja um aðild að EB. Það
gera hins vegar tæp 33% stuðnings-
fólks Alþýðubandalags. Þá telja
48% svarenda sem starfa við verslun
og samgöngur að æskilegt sé að
sækja um aðild. Það sama telja 45%
svarenda sem starfa við fiskveiðar.
Allt öðru máli gegnir með þá sem
starfa við landbúnað og fiskvinnslu:
Aðeins 20% þeirra telja æskilegt að
ganga í EB.
Hvort æskilegt eða óæskilegt sé að
V-Evrópubúum verði gert auðveld-
ara að flytjast búferlum og starfa hér
á landi gegn því að íslendingar öðlist
sama rétt í V-Evrópulöndum töldu
54% svarenda þetta vera æskilegt,
33% óæskilegt en 13% voru óvissir.
68% stuðningsfólks Kvennalista
taldi þetta æskilegt en hins vegar
42% stuðningsfólks Framsóknar-
flokks.
Aðeins 13% þeirra sem tóku þátt í
könnuninni telja að til greina komi
að leyfa Evrópubandalagsríkjunum
að veiða innan íslenskrar fiskveiði-
lögsögu gegn því að íslendingar
fengju betri aðgagn að mörkuðum
EB-ríkjanna. Verulegur munur var á
afstöðu fólks til þessa máls eftir
aldri. Rúm 22% fólks á aldrinum 18-
24 ára töldu þetta koma til greina en
aðeins 3% fólks á aldrinum 60-75
ára.
Málið virtist heldur vandast er beð-
ið var um að nefha eitthvert EFTA-
land. 59% gátu ekki nefnt eitt ein-
asta. Heldur skár gekk að nefha EB
lönd því að 53% gátu ekki nefnt neitt
slíkt land með nafhi. Þeir sem neínt
gátu eitthvert landa EFTA og EB
vom frekar á því en hinir sem ekkert
gátu neínt að Islendingar ættu að
taka mikinn þátt í væntanlegum
breytingum i Evrópu. Þá töldu þeir
einnig að auðvelda ætti búferlaflutn-
inga milli Evrópulanda og að íslend-
ingar gætu nýtt sér þjónustu evr-
ópskra fyrirtækja og að þau gætu
tekið þátt í íslenskum atvinnurekstri.
Þá töldu þeir einnig fremur en hinir
sem ekkert EFTA eða EB-land gátu
nefht að aukin þátttaka í Evrópusam-
staríi myndi leiða til bættra lífskjara
og betra stjómarfars á íslandi.
Leitað var til 1500 manns um allt
land á aldrinum 18-75 ára til að taka
þátt í könnuninni. Spurt var gegn
um síma. 1054 eða 74% svömðu.
■—sá
Skattrannsóknarmenn
fara um landið og
kanna sjóðvélanotkun
Eftirlitsmenn skattrannsóknarstjóra
fara í þessari viku í um 500 fyrirtæki
og kanna ástand og notkun búðar-
kassa jafhframt því að líta til með
reikningaútgáfu, kemur fram í frétta-
tilkynningu frá Fjármálaráðuneytinu.
Þetta er annar áfangi í kynningar- og
eftirlitsátaki á vegum ráðuneytisins
um rétta notkun peningakassa og
sölureikninga í verslun og viðskipt-
um. Fyrri kannanir hafa leitt í ljós að
meirihluti slíkra kassa er í ólagi.
Valdir hafa verið af handahófi 500
aðilar úr sjóðvélaskyldum atvinnu-
greinum. Heimsótt verða um 350 fyr-
irtæki í Reykjavík og um 150 fyrir-
tæki utan Reykjavíkur. Framkvæmd-
in stendur til 22. júní og verður með
þeim hætti að rannsóknarfúlltrúar
koma í fyrirtæki og kanna hvort
ástand peningakassa sé f samræmi
við reglugerð um sjóðvélar. Þá verð-
ur lögð sérstök áhersla á að kanna
hvort reikningaútgáfa sjóðskyldra
aðila sé í samræmi við reglugerð.
Fjármálaráðuneytið og ríkisskatt-
stjóri hafa unnið f vetur að kynningu
á réttri notkun á peningakössum og
sölureikningum. í kjölfar kynningar-
innar hefst síðan rannsókn á því
hvemig notkun peningakassa er hátt-
að og fer framkvæmd hennar fram
víðs vegar um land. Þegar slík könn-
un var framkvæmd árið 1986 og
1988 kom í ljós að innan við 50%
verslana uppfylltu skilyrði hvað
varðar reglugerð um notkun slíkra
kassa.
„Talsverð brögð eru að því að búð-
arkassar em ekki samkvæmt réttum
reglum. Þar sem svo háttar til af mis-
gáningi eða ásetningi er hætt við að
neytandinn sé hlunnfarinn á tvennan
hátt. Annars vegar nýtur hann ekki
fúlls öryggis í viðskiptum. Hins veg-
ar má telja líklegt að vanhöld verði á
því að sá skattur sem neytandinn
borgar með vöruverðinu komist til
skila í sameiginlegan sjóð allra
landsmanna" segir ennfremur í
fréttatilkynningunni. -hs.
1700 heimsóttu
Þorlákskirkju
Undanfarin sumur hefir
sóknamefhd Þorláks-
kirkju í Þorlákshöfh séð
um að kirkjan væri opin
ferðamönnum um helg-
ar og að þar væri stað-
kunnugt fók sem veitt
gæti gestum haldgóðar
upplýsingar um kirkj-
una í Þorlákshöfn.
Ferðamenn hafa kunnað
vel að meta þessa þjón-
ustu því að á síðasta
sumri skrifúðu rúmlega
1700 manns nöfn sín í
gestabók kirkjunnar.
í sumar verður sami
háttur hafður á og mán-
uðina júní júlí og ágúst
verður kirkjan opin á
laugardögum og sunnu-
dögum kl. 15-19. Séu
einhveijir sem hentar
ekki þessi tími þarf ekki
annað en að hringja í
sfmanúmer sem hengt
verður upp við kirkju-
dyr og er þá hægt að
skoða hana hvenær sem
er þessa tvo daga.
Vilji hópar aftur á móti
skoða kirkjuna í miðri
viku þarf að láta vita um
það með fyrirvara með
því að hringja í síma
(98)33638 eða
(98)33990
Veiði hefur verið mjög góð það sem af er veiðitímanum. Veiði
hófst í þremur af „stóru ánum“ á sunnudag. 25 laxar komu á land
úr Laxá í Kjós, 19 veiddust í Laxá í Aðaldal og sjö í Elliðaánum.
Veiði hefur einnig gengið mjög vel í Norðurá og Þverá.
Stærsti fiskurinn til þessa er 19 punda fískur sem Jóhann Óli Guð-
mundsson veiddi á opnunardeginum í Laxá í Kjós á Lækjarbreið-
unni. Fiskurinn var kominn á land aðeins 10 mínútum eftir að veiði
hófst Á myndinni gleðst Jóhann yfír feng sínum.
Tímamynd: Þröstur