Tíminn - 21.11.1990, Blaðsíða 16

tm. m ml ámmmm n tm-. jetö#%#%#%■« O COC'OAA
m3í BLmÍ ib I %3it,<íOk35 í MwiiiMklWfcw * cfic. fiíISfií
RÍKISSKIP
NUTIMA FLUTNINGAR
Hotnartiusinu v Tryggvogotu,
g 28822
IMISSAN
Réttur bíll á
réttum stað.
Ingvar
Helgason hf.
Sævartiöfða 2
Slmi 91-674000
Ræða Steingríms Hermannssonar á RÖSE í París:
Afvopnun á höfunum
einnig nauðsynleg
í ræöu Steingríms Hermannssonar forsætisráðherra, sem hann
flutti á leiötogafundi á ráöstefnu um öryggi og samvinnu í Evr-
ópu í gær, lýsti hann m.a yfir stuðningi Islendinga á takmörkun
kjarnavopna og hefðbundinna vopna á landi, en sagði jafnframt
að slík vopn ættu einnig að vera takmörkuð á hafl úti.
„Evrópa er ekki aðeins lönd, hún er einnig höf. Vopnatakmark-
anir og traustvekjandi aðgerðir verða einnig, svo fljótt sem
verða má, að ná til Norður-Atlantshafsins og annarra hafa í Evr-
ópu. Við styðjum eindregið tillögur Gorbatsjovs í þessu efni“,
sagði Steingrímur í ræðu sinni.
Hann varpaði fram spurning-
unni: „Hvar er traustið og örygg-
ið í Evrópu, ef áframhaldandi
uppbygging kjarnorkukafbáta og
kjarnavopna til notkunar á höf-
um úti er látin átölulaus?" og
benti á í því sambandi að við ís-
lendingar ættum alla okkar af-
komu undir sjávarfangi og því
hlytum við að láta þessi mál okk-
ur skipta. Hann mynnti því á að
ástæða þykir að ætla að kjarn-
orkukafbátar, sem liggja á sjávar-
botni, muni eyðast langtum fyrr
en hingað til hefur verið haldið
fram. „Fyrr eða síðar muni
kjarnorkueitrið úr þeim fara út í
sjóinn og berast með sjávar-
straumum þannig að gríðarstór
hafsvæði mengist. Nokkrir slíkir
kafbátar liggja nú á botni Norð-
ur- Atlantshafsins." Og bætti við
að geislavirk kjarnorkumengun í
Norður- Atlantshafi myndi kippa
fótunum undan afkomu okkar
íslendinga og því vildum við
krefjast strangs eftirlits með sigl-
ingu kjarnorkukafbáta.
Steingrímur sagði jafnframt í
ræðu sinni að leitt væri að full-
trúar Eystrasaltsríkjanna þriggja
Eistlands, Lettlands og Lit-
haugalands væru ekki viðstaddir,
en þeim mun hafa verið neitað
þáttöku vegna andstöðu Gorbat-
sjovs við því. Einnig lýsti Stein-
grímur yfir stuðningi sínum við
sjálfstæðisbaráttu þeirra og
sagðist treysta því að þeir endur-
heimtu sjálfstæði sitt með „vin-
samlegum og jákvæðum samn-
ingum við hinn volduga ná-
granna sinn í austri".
Steingrímur sagði einnig að við
íslendingar styddum fyrirætlun
RÖSE um að verða varanleg
stofnun til að tryggja frið og ör-
yggi í álfunni. „Sú stofnun má þó
ekki verða eftirmynd annarra
stofnanna sem þegar eru fyrir
hendi. Rekstur hennar ætti að
vera smár í sniðum og hafa það
meginmarkmið að skapa vett-
vang fyrir þjóðarleiðtoga, þar
sem fara mætti yfir þróun og
ástand miðað við þá samninga,
sem fyrir liggja, og leita lausn
vandamála áður en til átaka
kærni", sagði Steingrímur.
Steingrímur benti einnig á í
ræðu sinni að við íslendingar
ættum ekki her og hefðum aldrei
farið með valdi gegn annarri
þjóð. Því værum við með því að
undirskrifa sáttmála gegn vopna-
beitingu að staðfesta þá trú okk-
ar „að vandamál, sem upp koma í
álfunni, skuli leysa með samn-
ingum - aldrei með valdi."
Að lokum sagði Steingrímur
„meðal okkar í þessum þrjátíu og
fjögurra þjóða hópi eru tvær,
sem ekki tilheyra Evrópu, Kan-
ada og Bandaríki Norður-Amer-
íku. Ég leyfi mér að leggja til að
samstarf um öryggi og samvinnu
í Evrópu verði enn víðtækara og
nái til alls norðurhvels jarðar,
bæði til lands og sjávar. Þar með
hefðum við stigið skrefið í áttina
til alheimsskipulags, sem sann-
arlega verður nauðsynlegt fyrr
eða síðar."
—GEÓ
Tíniinn
MIÐVIKUDAGUR 21. NÓVEMBER1990
Thatcher nálægt því að vinna
fyrstu umferð í formannskosn-
ingum (haldsflokksins breska:
Önnur
umferð
nauð-
synleg
„Það er ætlun mín að gefa kost á
mér til seinni umferðar kosning-
anna“, sagði Margaret Thatcher for-
maður breska íhaldsflokksins í gær,
en hún fékk ekki nægan fjölda at-
kvæða í fyrstu umferð formanns-
kosninga flokksins í gær til að vinna
þær. Thatcher fékk þó meirihluta at-
kvæða, eða 204 atkvæði gegn 152 at-
kvæðum mótframbjóanda síns, Mi-
chael Heseltine.
Thatcher sagðist vera ánægð með
það að hafa fengið meira en helming
atkvæða þingmanna flokksins, en
ekki eins ánægð með að það skuli
ekki hafa dugað til að sigra í fyrstu
umferðinni. Til þess hefði hún þurft
að fá meirihluta atkvæða og sigra
andstæðinginn með a.m.k. 15% at-
kvæða mun. Það munaði því sára
litlu að Thatcher ynni fyrstu um-
ferðina, en um 14% atkvæða skildu
á milli.
Thatcher hefur verið formaður
flokksins í 15 ár og er þetta þriðja
kjörtímabil hennar sem forsætisráð-
herra. Mótframboð Heseltines í for-
mannsembættið er ein alvarlegasta
ógnun sem Thatcher hefur fengið
öll þessi ár. -hs.
íslendingar unnu Spánverja með 2
og hálfum gegn 1 og hálfum í 4. um-
ferð ólympíuskákmótsins í Júgó-
slavíu. Margeir sigraði stórmeistar-
ann Fernandes í 42 leikjum og
Björgvin vann Magern. Skák Héðins
og Romeros lauk með jafntefli en
Helgi tapaði fyrir stórmeistaranum
Illescas eftir að hafa leikið af sér
jafnri stöðu. Önnur úrslit: Sovétrfk-
in höfðu 2 1/2 vinning gegn Júgó-
slavíu, Bandaríkin 3 gegn Cile, Eng-
land og Portúgal skildu jöfn, Þýska-
land hafði 3 1/2 gegn Columbíu,
Holland og Potrúgal skildu jöfn,
Svíþjóð vann írland með 2 1/2 vinn-
ingi, Ungverjaland hafði 2 1/2 gegn
Argentínu og Færeyingar og Belgar
skildu jafnir.
Þeim sem fylgdust með skákunum
þótti raunar óheppni að íslending-
arnir skyldu ekki vinna allar skák-
irnar. Helgi hafði svart á 1. borði á
móti Illescas sem beitti drottningar-
indverskri vörn. Helgi jafnaði fljótt
taflið, en lék síðan af sér í miðjutafl-
inu. Var gæfuleysi hans þar um
kennt, þar sem möguleikar hans
voru taldir síst minni við skoðun
stöðunnar.
Héðinn var sömuleiðis talinn með
unnið tafl framan af, en jafntefli
varð síðan niðurstaðan eftir að báðir
lentu í tímahraki.
Þrjú efstu lið á mótinu eru nú
þessi:
1. Bandaríkin 13 vinningar
2. Þýskaland 12 og biðsk.
3. Sovétríkin 12 viningar
Þá koma; Júgóslavía, England,
Búlgaría, Chile og Portúgal með
11,5 vinninga hver.
Kolbeinn Kristinsson framkvæmdastjóri
Hafnarog Bjöm Ingi Bjömsson forstöðu-
maöur kjótvinnslu Hafriar á Selfossi
halda á jólamatnum I ár, léttreyktu rauö-
vinslæri. Tímamynd; Siguröur Bogi.
HÁTÍÐARMATU Rl N N í ÁR?
Frá Sigurði Boga Sævarssyni
fréttaritara Tímans á Selfossi.
Kjötvinnsla Hafnar hf. á Selfossi er
í þessum mánuði að hefja öfluga
markaðssetningu á nýlegri fram-
leiðslu fyrirtækisins; léttreyktu
rauðvínslæri.
Þessi framleiðsla hefur átt sér stað
um nokkurt skeið, en góðir dómar,
sem lærið fékk á matvælasýningu í
Herning í Danmörku í september
sl., er ástæða þess að farið er út í
markaðsátak.
Það er forstöðumaður kjötvinnsl-
unnar; Björn Ingi Björnsson, sem er
hönnuður þessarar framleiðslu og á
fyrrnefndri sýningu í Danmörku
hlaut fyrirtækið silfurverðlaun fyrir
iéttreykta rauðvínslærið en á sömu
sýningu fyrir tveim árum fékk kjö-
tvinnslan bronsverðlaun fyrir lærið
góða. Það eru þessir góðu dómar
sem eru nú aflvaki markaðsátaksins
og Hafnarmenn á Selfossi segja lær-
ið vera jólamatinn í ár.
Kjötvinnsla Hafnar á Selfossi hef-
ur verið starfrækt frá árinu 1984 og
hefur henni stöðugt vaxið fiskur
um hrygg með hverju ári. Sem
dæmi má nefna að 158 tonn af kjöti
voru unnin fyrsta heila starfsárið
1985, en árið 1989 voru tonnin tæp
400. Starfsemin hefur enn aukist á
yfirstandandi ári og er húsnæði
vinnslunnar nú orðið í þrengra
lagi.
Kolbeinn Kristinsson fram-
kvæmdastjóri Hafnar á Selfossi seg-
ir að í allri uppbyggingu kjötvinnsl-
unnar hafi skipt miklu að fyrirtækið
á sitt eigið sláturhús þar sem slátr-
un hefur aukist til jafns við fram-
leiðsluaukninguna í kjötvinnslunni.
Stór hluti framleiðslunnar er seld-
ur á heimaslóð en meirihlutinn þó í
verslunum á höfuðborgarsvæðinu.
Kolbeinn Kristinsson kveðst vera
bjartsýnn fyrir hönd sunnlensks
landbúnaðar og að hann eigi meiri
möguleika en landbúnaður á öðr-
um svæðum landsins, enda sé Suð-
urland við fótskör aðalmarkaðs-
svæðisins - höfuðborgarsvæðisins
og flutningskostnaður því lægri
vegna aðfanga og flutninga á mark-
aðinn.
Ólympíuskákmótið:
ÍSLAND HAFÐI
BETUR EN SPÁNN