Tíminn - 21.11.1990, Blaðsíða 1
6% einstæðra íslenskra foreldra býr í Svíþjóð
íslendingum búsettum í Svíþjóð fjölgaði um
1.200 manns í fyrra, sem er um 25% aukn-
ing frá árinu áður. Þessir miklu fólksflutn-
ingar í fýrra svara til þess að allir íbúar
staða eins og Ólafsvíkur eða Ólafsfjarðar
hafi tekið sig upp og flutt út. Ástæður fyrir
þessarí fjölgun útflytjenda eru eflaust mis-
munandi, en trúlega vegur þungt það orð-
spor sem fer af sænska velferðarkerfinu,
„sósíalnum“, ásamt því að sú skoðun hefur
lengi veríð útbreidd að betrí lífkjör bjóðist í
Svíþjóð en víðast annars staðar, m.a. hér á
landi. Raunar hefur vitnisburður Svíþjóðar-
fara, sem snúið hafa til baka á síðustu
mánuðum, nokkuð slegið á trú manna um
betri kjör í Svíaríki en hér. Hitt er þó Ijóst að
ótrúlega hátt hlutfall íslendinga búsettum í
Svíþjóð eru einstæðir foreldrar og er mjög
trúlegt að það megi að einhveiju leyti rekja
til hins heimskunna sænska velferðarkerfis.
Nærrí annað hvert íslenskt bam búsett í
Svíþjóð er bam einstæðs foreldrís og er nú
svo komið að fjöldi einstæðra foreldra bú-
settra í Svíþjóð svarar til um 6% af öllum
einstæðum foreldrum á íslandi.
• Blaðsíða 5
IBH
Islendingum í Svíþjóð fjölgaði um 25% í fýrra:
Flykkist fólkið á
sænska sósíalinn?