Tíminn - 13.12.1990, Síða 2

2 Tíminn
Fimmtudagur 13. desember 1990
Sjálfstæöismenn klofnuðu í atkvæðagreiðslu um bráðabirgðalögin:
Sjö sjálfstæöismenn á
móti — fjórir sátu hjá
Bráðabirgðalögin umdeildu virðast eiga greiða leið gegnum neðri
deild Alþingis. í gær voru greidd atkvæði um lögin við aðra um-
ræðu. 19 þingmenn studdu lögin, 12 voru þeim andsnúnir, 6 sátu
hjá og 5 voru fjarverandi. Aðeins 7 þingmenn Sjálfstæðisflokksins
voru á móti lögunum, en 4 sátu hjá. Þeir sem sátu hjá voru: Eggert
Haukdal, Friðjón Þórðarson, Ingi Bjöm Albertsson, Matthías
Bjaraason, Hjörleifur Guttormsson og Stefán Valgeirsson.
ert Haukdal, Friðjón Þórðarson,
Ingi Björn Albertsson og Matthías
Bjarnason. Það sama gerðu Hjörleif-
ur Guttormsson Alþýðubandalagi og
Stefán Valgeirsson Samtökum um
jafnrétti og félagshyggju.
Nítján sögðu já
Já sögðu alþýðuflokksmennirnir
Árni Gunnarsson, Jóhanna Sigurð-
ardóttir, Lára V. Júlíusdóttir (vara-
maður Jóns Baldvins Hannibalsson-
ar), Jón Sigurðsson, Rannveig Guð-
mundsdóttir og Sighvatur Björg-
vinsson. Framsóknarmennirnir
Alexander Stefánsson, Guðmundur
Bjarnason, Guðmundur G. Þórar-
insson, Guðni Ágústsson, Jón Krist-
jánsson, Ólafur Þ. Þórðarson og
Steingrímur Hermannsson. Alþýðu-
bandalagsmennirnir Guðrún Helga-
dóttir, Ragnar Arnalds og Björn Val-
ur Gíslason (varamaður Steingríms
J. Sigfússonar). Borgaraflokks-
mennirnir Aðalheiður Bjarnfreðs-
dóttir, Ásgeir Hannes Eiríksson og
Óli Þ. Guðbjartsson.
Tólf sögðu nei
Nei sögðu sjálfstæðismennirnir
Friðrik Sophusson, Geir H. Haarde,
Hreggviður Jónsson, Kristinn Pét-
ursson, Ólafur G. Einarsson, Pálmi
Jónsson og Þorsteinn Pálsson.
Kvennalistakonurnar Anna Ólafs-
dóttir Björnsson, Kristín Einars-
dóttir, Málmfríður Einarsdóttir og
Þórhildur Þorleifsdóttir. Það sama
gerði Geir Gunnarsson Alþýðu-
bandalagi.
Sex sátu hjá
Hjá sátu sjálfstæðismennirnir Egg-
Fimm fjarstaddir
Fjarstaddir atkvæðagreiðsluna
voru sjálfstæðismennirnir Birgir ís-
leifur Gunnarsson, Matthías Á. Mat-
hiesen og Ragnhildur Helgadóttir.
Það sama átti við um Pál Pétursson
Framsóknarflokki og Jón Sæmund
Sigurjónsson Alþýðuflokki.
Davíð fer illa af stað í
forystuhlutverki sínu
Steingrímur Hermannsson forsæt-
isráðherra sagði atkvæðagreiðsluna
sýna að það væri djúpstæður ágrein-
ingur innan Sjálfstæðisflokksins um
þetta mál. Hann sagðist hafa til-
hneigingu til að halda að sjálfstæð-
ismennirnir sem sátu hjá væru í
meiri tengslum við atvinnulífið en
hinir sem greiddu atkvæði á móti
lögunum.
„Þessi niðurstaða kemur nokkuð á
óvart, sérstaklega í ljósi þeirra yfir-
lýsinga sem formaður og varafor-
maður Sjálfstæðisflokksins voru
búnir að gefa,“ sagði Ólafur Ragnar
Grímsson, formaður Alþýðubanda-
lagsins. „Davíð Oddsson lýsti því yfir
að hann tryði því ekki að nokkur
maður í þingflokki Sjálfstæðis-
Steingrimur Hermannsson forsætisráðherra umkríngdur blaðamönnum eftir atkvæðagreiðslu um bráða-
birgðalögin í neðri deild Alþingis í gær. Tímamynd: Ami Bjama
flokksins mundi óhlýðnast honum
og Þorsteini. Þetta er mesta upp-
reisn sem maður hefur séð gegn for-
ystu stjórnmálaflokks í langan tíma.
Niðurstaðan staðfestir að um er að
ræða klofning. Þingflokkurinn er
stjórnlaus og forystan valdalaus.
Fyrsta ganga Davíðs Oddssonar á
þessari braut er mikill ósigur í ljósi
þeirrar atkvæðagreiðslu sem hér
hefur farið fram og þeirra yfirlýsinga
sem hann var búinn að gefa. Þetta er
svartur dagur í lífi Davíðs Oddsson-
ar,“ sagði Olafur Ragnar.
Ólafur G. Einarsson, formaður
þingflokks Sjálfstæðisflokksins, var
spurður hvort niðurstaða atkvæða-
greiðslunnar væri ekki áfall fyrir
forystu Sjálfstæðisflokksins.
Sjávarútvegsráðuneytið:
Yfirvigt á flakapökkum
um 0,8% á frystiskipum
Yfirvigt reyndist 0,8% að meðal-
tali í umfangsmikiiii athugun á
flakanýtingu frystitogara, sem
Ríkismat sjávarafurða og Rann-
sóknastofnun fiskiðnaðarins
gerðu fyrri hluta ársins 1989.
Rannsókn þessi náði til 7.200
uppþíddra fiskflaka úr 311 öskj-
um af 6 frystitogurum. Niður-
stöður nokkurra kannana sem
Veiðieftirlit sjávarútvegsráðu-
neytisins gerðí s.I. vor, í fram-
haldi af þessari rannsókn, eru í
samræmi við ofangreinda athug-
un Rannsóknastofnunar fiskiðn-
aðarins. Þótt ekki liggi fyrir eins
víðtækar athuganir varðandi vigt-
un á heilfrystum fiski, má draga
af þeim þá ályktun að yflrvigt
þeirra afurða sé ekki í neinum
verulegum atriðum frábrugðin
því sem gildir um flakapakkning-
arnar.
Framangreindar upplýsingar eru
úr fréttatilkynningu sem sjávar-
útvegsráðuneytið hefur sent út
vegna þeirrar umræðu sem orðið
hefur undanfama daga um
meinta yfirvigt í framleiðslu
frystitogara.
Varðandi heilfrysta fiskinn, sem
hvað mest hefur verið til um-
ræðu, bendir ráðuneytið á að hafa
verðl í huga að melrí ís er í þeim
pakkningum heldur en flakaöskj-
um. Einkum sé karfi með mikilli
íshúð, að kröfu kaupenda. Vigtun
á frosinni öskju gefi í því tilviki
viliandi mynd af þunga innihalds-
ins.
Ráðuneytið segir mikið hafa ver-
ið unnið varöandi vinnslu frysti-
skipanna á undanfomum misser-
um. Hafi það starf leitt til þess að
rétt þyki að gera breytingar á
ýmsum reglum sem leiða muni
til meiri nákvæmni við mat á afla-
magni þessara skipa og betri nýt-
ingu aflans.
I fyrsta lagi taki gildi frá áramót-
um ný reglugerð um vigtun sjáv-
arafla. Samkvæmt henni verður
afli frystiskipa miðaður við þyngd
afurðanna, en ekki uppgefna
þyngd einstakra pakkninga, eins
og hingað til.
1 öðru lagi verða teknir upp sér-
stakir nýtingarstuðlar fyrir hvem
frystitogara sem miðaðir eru við
raunverulega nýtingu viðkomandi
skips, í stað meðaltalsútreikninga
eins og hingað til. Nýtingarstuðl-
amir em til þess að reikna út
þann afla upp úr sjó sem faríð
hefur til framleiðslu tiltekins
magns unninna afurða. Tveggja
ára undirbúningsstarf á þessu
sviði segir ráðuneytið hafa leitt til
bættrar nýtingar á afla frystitog-
aranna. Þar sem framfarir urðu
mestar hafi náðst allt að 3-4%
meira af flökum, miðað við afla
upp úr sjó. En það samsvarí að
hægt væri að framleiða sama
magn úr 6-10% minni afia.
í þriðja lagi hyggst ráðuneytið
gera kröfur um frekari nýtingu á
afla um borð í frystitogurum í
samræmi við þá þróun sem verð-
ur, tæknilega möguleika og fjár-
hagslegar forsendur. Sú aukna
nýting byggist á því að skapa
verðmætl úr því sem af gengur
við hefðbundna fiskvinnslu um
borð, t.d. með marningsvinnslu,
söltun hausa, þunnilda og hrogna
og vinnslu á lifur. Og hins vegar
byggist hún upp á sköpun mark-
aða fyrir fisktegundir sem ekki er
hefð fyrir að nýta en koma sem
aukaafll í veiðarfæri skipanna,
svo sem tindabikkju, gulllax,
langhala og fleiri tegundir.
„Nei, það er hún ekki. Þetta er áfall
fyrir þá sem sátu hjá, en ekki fyrir
okkur. Þessi niðurstaða sýnir það
eitt að menn finna sinni samvisku
stað þar sem þeim þykir það passa.“
Ólafur sagðist ekki eiga von á að
neinir eftirmálar yrðu af þessari at-
kvæðagreiðslu. Hann sagði að þing-
flokkurinn myndi ekki ræða frekar
um málið, þrátt fýrir þessa niður-
stöðu.
Bráðabirgðalög er
neyðarkostur
Björn Valur Gíslason, varamaður
Steingríms J. Sigfússonar, sagðist
telja setningu bráðabirgðalaga al-
geran neyðarkost. „Það á að vera
skýlaus réttur fólks að fá að semja
um kaup sitt og kjör án þess að eiga
það á hættu að samningar séu að
engu gerðir með valdboði. Það er
Ijóst að ríkisstjórnir undanfarinna
ára og áratuga hafa margoft ofnotað
það vald sem þær hafa til setningar
bráðabirgðalaga. Þar hafa komið við
sögu nær allir stjórnmálaflokkar á
íslandi sem á annað borð hafa átt
aðild að ríkisstjórn, Sjálfstæðis-
flokkurinn sennilega hvað oftast.
í dag er það ljóst, vegna þess hvern-
ig málum er stillt upp, að verðbólga
mun rjúka upp og verðlag fara úr
böndum ef þessi lög verða ekki stað-
fest hér á Alþingi. Það er jafnljóst að
þeir sem fara verst út úr því ævin-
týri, ef af verður, eru þeir sem
minnst hafa fyrir. Ég tel að búið sé
að leggja nóg á launafólk í bili,“
sagði Björn Valur.
Virða ber þjóðarsáttina
Eggert Haukdal gerði grein fyrir at-
kvæði sínu. Hann gagnrýndi ríkis-
stjórnina fyrir hennar þátt í þjóðar-
sáttinni og sakaði hana um að gera
ekkert til að búa í haginn fyrir kom-
andi tíma. Enn harðar gagnrýndi
hann þó bankakerfið sem hann
sagði kynda undir verðbólguna með
háum vöxtum. „Þrátt fyrir það að
þjóðarsáttin sé ekki fullkomin, þá
varð hún til fyrir forgöngu aðila
vinnumarkaðarins og því ber að
virða hana,“ sagði Eggert.
-EÓ
Morðið við Stóragerði fyrir sakadómi:
DÓMUR ER FALLINN
Sakadómur Reykjavíkur hefur fellt
dóma yfir mönnunum tveimur sem
myrtu Þorstein Guðnason bensín-
afgreiðslumann á bensínstöð Esso
við Stóragerði 25. apríl síðastlið-
inn. Guðmundur Helgi Svavarsson
var dæmdur í 20 ára fangelsi og
Snorri Snorrason í 18 ára fangelsi.
Dómarnir eru með þeim þyngstu
sem felldir hafa verið í undirrétti.
Málið fer nú fyrir hæstarétt. Guð-
mundi og Snorra er gert að sæta
gæsluvarðhaldsvist til 1. desember á
næsta ári, eða þar til hæstiréttur
hefur fellt sinn dóm.
Guðmundur og Snorri voru dæmd-
ir til að greiða verjendum sínum 300
þúsund krónur hvor í réttargæslu-
og málsvarnarlaun. Þeir eiga einnig
að greiða Vátryggingafélagi íslands
253 þúsund vegna tjóns sem þeir
unnu á morðstaðnum. -EÓ
Hitaveita Reykjavíkur:
Aukadæla á hitaæð
Ekki hefur örsök heitavatnsskorts á
Hafnarfjarðarsvæðinu fundist enn,
en ætlunin er að setja upp bráða-
birgðadælustöð við Hafnarfjarða-
ræð þar til bilunin finnst og viðgerð
er lokið.
Gunnar H. Kristinsson hitaveitu-
stjóri sagði í samtali við Tímann í
gær að kvörtunum hefði fækkað til
muna, þær hefðu ekki verið nema
um 95 á þriðjudag og um miðjan
dag í gær höfðu um 80 kvartanir
borist. En eins og kunnugt er bárust
hundruð kvartana um síðustu helgi
og í byrjun vikunnar.
—GEÓ