Tíminn - 04.06.1991, Blaðsíða 5

Þriðjudagur 4. júní 1991
Tíminn 5
Olafur Ragnar Grímsson segir aö Alþýöuflokkurinn
láti sjálfviljugur endalaust níðast á sér:
Pólitískur masókisti
Vaxtasprengjan sem ríkisstjórnin kveikti í fyrir nokkru, sprakk um
helgina þegar bankarnir hækkuðu útlánsvexti um allt að rúmlega
3% og juku auk þess vaxtamuninn. Ríkisstjórnin hefur ákveðið að
auka enn frekar á útgjöld heimilanna í landinu með hækkunum á
bifreiðagjöldum um 5% og þungaskatti um 15%, en vert er að
benda á að verð á lítra af bensíni hækkaði einmitt um 3 krónur um
helgina.
„Bílar eru almenningseign í dag.
Þeir eru eign nánast hverrar einustu
fjölskyldu. Þessi skattur kemur því
með mestum þunga niður á þeim
sem kröppust hafa kjörin og þola
síst viðbótarálögur."
Þó svo að margir ætli að hér fari
orð núverandi stjórnarandstæðings
þá er svo ekki. Þetta sagði Þorsteinn
Pálsson, núverandi sjávarútvegsráð-
herra og þáverandi formaður Sjálf-
stæðisflokksins, í umræðum á AI-
þingi í mars í fyrra, þegar verið var
að ræða um að hækka þau gjöld sem
nú hafa verið hækkuð. Gert er ráð
fyrir að þessar hækkanir á bensín-
gjaldinu og þungaskattinum renni
óskiptar til vegagerðar. Þær hækk-
anir eru í samræmi við forsendur
fjárlaga að sögn Snorra Olsen hjá
fjármálaráðuneytinu. „Það er til
vegaáætlun sem gerir ráð fyrir
ákveðnu fjármagni í vegamálin, sem
er síðan staðfest á hverju ári í fjár-
lögum. Til þess að ná þeim tekjum
sem fjárlög gera ráð fyrir þurfti að
hækka bensíngjaldið og þungaskatt-
inn,“ sagði Snorri.
Bifreiðagjaldið fylgir byggingavísi-
tölu og er heimild til að breyta því á
sex mánaða fresti.
Aðferðir
Sjálfstæðisflokksins
skiluðu þjóðargjald-
þroti 1988
Vaxtahækkanir ríkisins og nú
bankanna hafa, ásamt ýmsum verð-
hækkunum, valdið talsverðum óró-
leika í þjóðfélaginu. Ólafur Ragnar
Grímsson, formaður Alþýðubanda-
lagsins og fyrrverandi fjármálaráð-
herra, sagði í samtali við Tímann í
gær að þeirra viðbrögð við vaxta-
hækkunum ríkisstjórnarinnar hafi
greinilega verið eðlileg. „Ég sagði
fýrir rúmum þremur vikum að þótt
það hefði komið til greina að hækka
verðið á ríkisvíxlunum eitthvað, þá
var það ljóst að aðferðin við hækk-
unina og eins það að 30% hækkun á
spariskírteinum kemur strax í kjöl-
farið, myndi eingöngu búa til nýja
vaxtaskrúfu og óróleika í hagkerf-
inu. Það hefur því miður komið á
daginn," sagði Ólafur Ragnar.
Hann sagði að nokkrum dögum
eftir að fjármálaráðuneytið hækk-
aði raunvextina á spariskírteinun-
um um 30%, hefði Seðlabankinn
hækkað raunvexti á eldri spariskír-
teinum, svo að raunvextir á Verð-
bréfaþinginu væru nú tæp 9%.
„Síðan kemur bankakerfið í kjölfar-
ið, eins og ég varaði fjármálaráð-
herrann við og meira að segja eyk-
ur vaxtamuninn þrátt fyrir að Frið-
rik Sophusson hefði mælt eindreg-
ið gegn því. Eftir þessa fyrstu
umferð er niðurstaðan sú að ríkis-
stjórnin er búin að hækka allt
raunvaxtastig í landinu um þriðj-
ung. Það vaxtakapphlaup sem nú er
hafið, höfum við ekki séð síðan á
vitlausu árunum 1986-1988.“
Ólafur sagði að þessi stefna hefði
einmitt verið prófuð á þessum ár-
um þegar Sjálfstæðisflokkurinn og
Seðlabankinn fengu að stjórna öllu.
Hún hefði aðeins skilað neikvæðri
niðurstöðu og sama væri að gerast
núna. „Það er búið aö prófa þetta
galdraverk. Það skilaði þjóðargjald-
þroti 1988,“ sagði Ólafur.
Jafnvæginu hefur
verið splundrað
— Nú segir ríkisstjórnin að þetta sé
aðeins tímabundið og hefur lýst yfir
vilja til að lækka vexti aftur í haust.
„Miðað við þá glímu sem það tók í
eitt og hálft ár að ná raunvöxtunum
niður úr því sem þeir voru, þegar
ríkisstjórn Sjálfstæðisflokksins fór
frá 1988, þá hef ég ekki trú á því að
það gerist í haust. Staðreyndin er
líka sú að stöðugleiki í efnahagsmál-
um er ekki bara byggður á réttri
efnahagsstefnu, hann er líka byggð-
ur á almennu hugarástandi í þjóðfé-
laginu. Seinni hlutann á síðasta ári
og fyrri hlutann á þessu ári hvíldi
hér ró yfir öllu. Menn voru rólegir,
fyrirtækin fóru hægt í sakirnar og
menn bjuggust ekki við neinum
stökkbreytingum. Þetta jafnvægi
hugarfarsins í efnahagslífinu var
kannski ein meginástæðan fyrir því
að hér var að skapast alveg nýr veru-
leiki. Ríkisstjórnin er búin að
splundra þessu jafnvægi hugarfars-
ins á fáeinum vikum. Þar með fer
allt af stað á nýjan leik, eins og mað-
ur heyrir nú fráfjölmörgum aðilum
í atvinnulífmu. Það er kominn nýr
óróleiki, ný spenna og ný tauga-
veiklun, alveg eins og í gamla daga
þegar Sjálfstæðisflokkurinn og
Seðlabankinn stjórnuðu hér,“ sagði
Ólafur Ragnar.
Hann sagði að síðasta ríkisstjórn
hefði verið bandamaður verkalýðsfé-
laganna í því að berjast gegn verð-
hækkunum og þá sérstaklega verð-
hækkunum sveitarfélaganna. Nú
væri borgarstjórinn í Reykjavík orð-
inn forsætisráðherra og forsætisráð-
herrann orðinn borgarstjórinn í
Reykjavík og þessi samstaða því rof-
in og búast mætti við skriðu verð-
hækkana án þess að ríkið segði
múkk. „Nú fær þetta bara að frílista
sig upp eftir öllum hækkunarstigan-
um, því staðreyndin er sú að sveitar-
félögin, sérstaklega Reykjavík, eru
að taka sér hækkanir, sérstaklega á
gjöldum og sköttum, fasteignaskött-
um og aðstöðugjaldi, langt umfram
það sem eru eðlilegar viðmiðanir í
þjóðarsáttinni. Þetta gagnrýndum
við harðlega í síðustu ríkisstjórn og
þá var félagsmálaráðherrann, Jó-
hanna Sigurðardóttir, bandamaður
okkar. En nú er Davíð Oddsson bú-
inn að kefla Jóhönnu Sigurðardótt-
ur,“ sagði Ólafur Ragnar.
Endalaust hægt
að nauðga
Alþýðuflokknum
— Eru þessar vaxta- og verðhækk-
anir ekki eitthvað sem hefur verið í
pípunum?
„Nei, alls ekki. Þessi ríkisstjórn
hugsar fyrst og fremst um fjár-
magnseigendur og forréttindaöflin í
þjóðfélaginu, áður en hún hugsar
um fólkið í landinu og þá hagsmuni
sem við í síðustu rfkisstjórn vorum
að passa. Stjórnmál eru nefnilega
hagsmunabarátta. Það er þess vegna
sem stórfyrirtækin og fjölskyldurn-
ar 14 hafa alltaf stutt Sjálfstæðis-
flokkinn. Hann þjónar þeirra hags-
munum og nú er stjórnarráðið farið
að þjóna öðrum hagsmunum en áð-
ur og Jóhanna Sigurðardóttir lætur
sér það vel líka að þjóna þessum
nýju herrum," sagði Ólafur Ragnar.
Hann sagði að sér sýndist sem Al-
þýðuflokkurinn léti bjóða sér hvað
sem er, í landbúnaðarmálum, sjáv-
arútvegsmálum, húsnæðismálum
og f sambandi við verðhækkanir
sveitarfélaga. „Það virðist vera hægt
að nauðga Alþýðuflokknum enda-
laust“.
— Eitthvað hlýtur Alþýðuflokkn-
um að ganga til?
„Það eru til í mannlegu lífi fyrir-
bæri sem eru masókistar. Alþýðu-
flokkurinn virðist vera hinn pólitíski
masókisti á Islandi," sagði Ólafúr
Ragnar Grímsson. —SE
ALSJALFVIRK SILAWRAP-
RÚLLUPÖKKUNARVÉL
AÐEINS 512.000 KRÓNUR!
UN7512 Silawrap rúllupökkunarvélin frá KVERNELAND-UNDERHAUG
er búin fjölmörgum nýjungum.
• Vélin er búin sjálftengibúnaöi, þannig aö hún gengur frá filmuenda
á bagganum sem vafið var um og byrjar aö vefja þann næsta án
þess að mannshöndin komi þar nærri.
• Snúningsborðið er opnara en áður, þannig að ekki er hætta á að hey
safnist þar fyrir.
SAMT KOSTAR HÚN AÐEINS 512.000 KRÓNUR
Aörar geröir SILAWRAP-véla:
UN7512 DL er eins og UN7512, nema með teljara og barkastýringu
inni í ekilshúsi. Sértilboð. Verð aðeins 542.000 krónur.
UN7515 er byggð á sömu grunneiningum, en er með mörgum nýjung-
um aukalega. Þar á meðal má nefna:
Vökvastýrðan sleppisporð, sem hindrar að baggarnir verði fyrir hnjaski
þegar þeir falla af vélinni.
Vélin er fyrir 75 sm „breiðfilmu'1. Fylgihlutir fyrir 50 sm filmu innifaldir í verði.
Tölvubúnaður í ekilshúsi sér um sjálfvirka pökkun og veitir notanda
margs konar upplýsingar.
Verð á 7515 vélinni er aðeins 675.000 krónur.
Prófaðar hjá Bútæknideildinni á Hvanneyri.
FÁÐU UNDERHAUG OG JÖTUN TIL LIÐS VIÐ ÞIG
í HEYSKAPNUM í SUMAR!
HÖFÐABAKKA 9 112 REYKJAVÍK SÍMI 91-670000