Tíminn - 16.07.1991, Blaðsíða 1

Sótt hefur verið um leyfi
fyrir fiskimjölsbræðslu í
Orfirisey í Reykjavík og
segja forsvarsmenn fyrir-
tækisins, sem um leyfið
sækir, að þessi verksmiðja
verði algjörlega lyktarlaus.
Þannig segir t.d. fram-
kvæmdastjóri fyrirtækisins
að þeir myndu ekki hafa
sótt um starfsleyfi fyrir
slíka verksmiðju ef þeir
teldu hættu á að þeir
myndu angra fólk í Mið- og
Vesturbænum með „skíta-
lykt allt árið um kring“. Sér-
fræðingar, sem gefa eiga
umsögn um starfsleyfið,
eru hins vegar ekki á sama
máli og telja ómögulegt að
koma í veg fyrir lyktar-
mengun. Þeir staðir, sem
yrðu verst úti, væru Mið-
bærinn og gamli Vestur-
bærinn, en þar eru til húsa
helstu stjórnsýslustofnanir
íslenska lýðveldisins, s.s.
stjórnarráðið, Alþingi,
Seðlabankinn og nýja Ráð-
húsið.
• Blaðsíða 5
Náttúruverndarráð hefur Geysisgos fyrirliggjandi í miklu úrvali:
Dræm sala enn sem komið er
Geysir í Haukadal var langt frá sínu besta þegar Náttúruverndarráð stóð fyrir Geysisgosi sl. laugardag. Það
var hins vegar smáhverinn Fata sem stal senunni og gaus tignarlega.
Geysisgos geta orðið allt að 60 m há, en gosið á laugardag var aðeins svipur hjá sjón. Þó voru látln rúm 40
kg af sápu í hverínn, en allt kom fyrír ekki.
Hægt er að panta Geysisgos hjá Náttúruverndarráði og kostar stykkið 120 þúsund krónur. Ekki er hægt að
segja að menn hafi staðið í biðröð til að kaupa sér gos og eru þau velflest óseld.
Lögreglan í Ámessýslu telur að milli sjö og átta þúsund manns hafi verið viðstaddir gosið á laugardag.
Tímamynd: SBS Selfoss