Tíminn - 23.05.1992, Blaðsíða 9

Laugardagur 23. maí 1992
Tíminn 9
Nýr úthafsfrystitogari til Reykjavíkur:
Orfirisey RE 4
frá Færeyjum
Nýr frystitogari Granda hf. Örfirisey RE 4 er kominn til landsins.
Togarinn var keyptur frá Færeyjum og hét áður Polarborg 1 og var
smíðaður í Sterkoder í Kristiansund í Noregi árið 1988.
Örfirisey verður gerð út sem
frystitogari og er með öflugustu
skipum sinnar tegundar á íslandi.
Skipið er búið tæplega 4.100 þús-
und hestafla 10 strokka aðalvél af
Wichman gerð og mjög öflugum
spilbúnaði sem gerir það sérlega
heppilegt til veiða á úthafskarfa.
Skipið er annað tveggja systur-
skipa sem smíðuð voru fyrir fær-
eyskt útgerðarfyrirtæki. Hitt systur-
skipið er Höfrungur III sem nú er í
eigu Haraldar Böðvarssonar hf. á
Akranesi.
Nú er verið að hanna nýjar fisk-
vinnslulínur í Örfirisey sem verður
komið fyrir á tvískiptu vinnsludekki.
Á öðrum hluta vinnsludekksins
verður flakalína fyrir þorsk, ufsa og
aðrar fiskitegundir og hins vegar
heildarfrystilína fyrir karfa, grálúðu
o.fl. afköst geta verið allt að 80 tonn
á sólarhring.
Grandi hefur nú hafið að endur-
nýja togaraflota sinn og miðað er við
að gera út stærri skip en áður til
veiða á vannýttum tegundum á
djúpsævi. Örfirisey er annar sjó-
frystitogari Granda hf.
—sá
Átak á vegum Tóbaksvarnanefndar:
Hreint loft
í heila viku
Átak um hreint loft í viku verður á vegum sem Tóbaksvamanefndar
dagana 31. maí - 5. júní. Það felst meðal annars í útgáfú og dreif-
ingu upplýsingaefnis, ábendingum og hvatningu í formi auglýsinga.
Hugmyndin um árlegan reyklaus-
an dag er komin frá Alþjóðlegu heil-
brigðisstofnuninni að sögn Ama og
á að vera 31. maí. En þar eð leggja á
áhersla á reyklausa vinnustaði og
daginn ber upp á sunnudegi var
ákvað Tóbaksvamamefnd að helga
heilli viku átaki um hreint loft:
„Komist var að þeirri niðurstöðu að
tengja mengun vegna reykinga loft-
mengun almennt. Við ætlum að
vekja athygli fólks á ýmsum hliðum
reykmengunar og þá þætti sem
liggja okkur næst og auðveldast er
að breyta", segir Ámi.
Til að þess að vikan beri sem
mestan árangur hefur Tóbaksvam-
arnefnd fengið ýmsa aðila til sam-
starfs. Á mánudag verða upplýsinga-
efni send í u.þ.b. 6.000 fyrirtæki um
reykingar á vinnustöðum: „Við vilj-
um leggja áherslu á að óbeinar reyk-
ingar em ákaflega skaðlegar. Jafnvel
þó farið sé eftir reykingavarnarlög-
um þá kannski dugir það ekki í öll-
um tilvikum. Til dæmis er f lögum
að afmarka eigi reykingar og megi
reykja á einu borði, hvemig lífið er
þá á hinu borðinu? Við emm að
hamra á tillitssemi við náungann og
höfða til samvisku einstaklingsins",
segir Árni.
Átakið hefst í raun strax 30. maí
með Heilsuhlaupi Krabbameinsfé-
lags íslands en sem dæmi má nefna
að 2. júní verður áhersla lögð á loft-
mengun frá bflum og hæsti dagur á
loftmengun vegna brennslu á sorpi,
sinubmna og vegna iðnaðar.
—GKG.
Minnkandi eftir-
spurn eftir
laxveiöileyfum
Margt bendir til að eftirspurn eftir laxveiðileyfum sé að dragast
saman og að verð á veiðileyfum lækki talsvert á þessu sumri. Böðv-
ar Sigvaldason, formaður Landssambands veiðifélaga, sagðist ekki
telja að stórar breytingar væru að verða á verði og sölu veiðileyfa, en
sagði ekki óeðlilegt að minni laxveiði undanfarin sumur og almenn-
ur samdráttur í efnahagslífi hér á landi og eriendis hefði áhrif á
þessa atvinnugrein eins og aðrar.
Flestar af þekktustu laxveiði-ám
landsins em leigðar til margra ára í
senn til félaga eða aðila sem sjá um
sölu veiðileyfanna. Minni eftirspum
eftir veiðileyfum hefur í flestum til-
feilum ekki áhrif á tekjur veiðifélag-
anna af ieigu á ánum. Veiðifélög sem
sjálf hafa séð um að selja veiðileyfin
hafa hins vegar neyðst til að lækka
verð á leyfunum. Veruleg verðlækk-
un hefur t.d. orðið á veiðileyfum í
Laxá í Aðaldal,
Böðvar sagði að færri útlendingar
sæktust eftir að komast í veiði í ís-
lenskum laxvéiðiám en oft áður.
Nokkur veiðifélög munu hafa fengið
talsvert mikið af afpöntunum frá er-
lendum umboðsaðilum í vor og sitja
því uppi með óseld veiðileyfi. „Það er
eftir sem áður góð umferð útlend-
inga til landsins, þannig að ég held
að það sé ekki að gerast neitt stór-
kostlegt," sagði Böðvar.
Böðvar sagði að því væri ekki að
neita að sú staðreynd að laxveiði
hefur verið minni á síðustu ámm en
hún var áður, hefði áhrif á eftirspum
eftir veiðileyfum. Sömuleiðis yrðu
veiðifélög vör við þann samdrátt
sem er í efnahagslífinu bæði hér
heima og víða erlendis. „Það em
skyn og skúrir í þessum atvinnuvegi
eins og öðmm,“ sagði Böðvar.
STEYR Á FERÐ UM LANDIÐ
Stórsýning á STEYR dráttarvélum og kerrum frá Víkurvögnum
Bændur athugiö, nú stendur yfir hringferö um landiö á
STEYR dráttarvélum og kerrum frá Víkurvögnum
Dráttarvélalestin stoppar á eftirtöldum stöðum
25. maí Blönduós
26. maí Varmahlíð, Sauðárkrókur
27. maí Hofsós, Fljót
28. maí Ólafsfjörður
29. maí Ólafsfjörður, Dalvík
30. maí Hauganes, Akureyri
1. júní Akureyri, Eyjafjörður
2. júní Akureyri, Eyjafjörður
3. júní Fosshóll, Aðaldalur, Reykir
4. júní Mývatn
5. júní Húsavík
6. júní Húsavík
9. júní Ásbyrgi
10. júní Kópasker
11. júní Raufarhöfn
12. júní Þórshöfn
13. júní Þórshöfn
15. júní Bakkafjörður
16. júní Vopnafjörður
18. júní Egilsstaðir
19. júní Egilsstaðir
20. júní Egilsstaðir
22. júní Reyðarfjörður
23. júní Breiðdalsvík
24. júní Djúpivogur
25. júní Höfn í Hornafirði
26. júní Höfn í Hornafirði
27. júní Suðursveit, Hnappavellir, Fagurhólsmýri
29. júní Hof, Svínafell, Klaustur
30. júní Vík í Mýrdal, Skógar
1. júlí Hvolsvöllur, Hella
2. júlí Flúðir
3. júlí Biskupstungur, Laugarvatn
4. júlí Selfoss
5. júlí Reykjavík
Bændur geta einnig óskaö eftir sérstökum sýningum meö því aö
hafa samband viö dráttarvélalestina í farsíma 985-35807 eöa í Atlas
Atlas hf
Borgartúni 24 — Sími 62 11 55
128 Reykjavík