Tíminn - 04.06.1992, Blaðsíða 4

4 Tíminn
Fimmtudagur 4. júní 1992
Tíminn
MÁLSVARI FRJÁLSLYNDIS, SAMVINHU OG FÉLAGSHYGGJU
Útgefandi: Tlminn hf.
Framkvæmdastjóri: Hrólfur Ölvisson
Ritstjóri: Jón Kristjánsson ábm.
Aöstoðarritstjóri: Oddur Ólafsson
Fréttastjórar: Birgir Guömundsson
Stefán Ásgrlmsson
Auglýsingastjóri: Steingrímur Gíslason
Skrlfstofur: Lynghálsi 9, 110 Reykjavík Sfmi: 686300.
Auglýsingasíml: 680001. Kvöldslmar: Áskrift og dreifing 686300,
ritstjórn, fréttastjórar 686306, Iþróttir 686332, tæknideild 686387.
Setnlng og umbrot: Tæknideild Tlmans. Prentun: Oddi hf.
Mánaðaráskrift kr. 1200,- , verö I lausasölu kr. 110,-
Grunnverö auglýsinga kr. 725,- pr. dálksentimetri
Póstfax: 68-76-91
Danir felldu
Maastricht-
samkomulagið
Úrslitin í þjóðaratkvæðagreiðslunni í Danmörku,
um samkomulag forustumanna EB-ríkja sem
kennt er við bæinn Maastricht í Hollandi, eru tíð-
indi sem geta haft mikil áhrif á Evrópusamrun-
ann á næstunni.
Allir stærstu flokkar Danmerkur, bæði í stjórn
og stjórnarandstöðu, mæltu með samþykkt sam-
komulagsins. Það kveður á um víðtækari efna-
hagslegan, en þó einkum pólitískan, samruna en
Rómarsáttmálinn gerir ráð fyrir. Þar að auki kvað
samkomulagið á um náið samstarf og samruna á
sviði varnarmála.
Þessi úrslit geta haft gífurleg áhrif á framvindu
mála á næstunni. Finnland, Noregur og Svíþjóð
hyggja á aðild að EB, en alveg er ljóst að þessi úr-
slit í Danmörku verða þeim hreyfmgum í þessum
löndum, sem berjast gegn aðild, mikil hvatning.
Sterkust er þessi hreyfing í Noregi, og fær and-
staðan við EB-aðild áreiðanlega byr undir báða
vængi þar.
Ljóst er að danska þjóðin er klofin nær hníf-
jafnt í afstöðu sinni, því mjótt var á mununum.
Athyglisverðast er að afstaða meirihlutans skyldi
brjóta svo rækilega í bága við skoðanir þorra
stjórnmálamanna í landinu. Hver og einn einasti
þingmaður Jafnaðarmannaflokksins, sem er í
stjórnarandstöðu, mælti með samkomulaginu,
og sama er að segja um þingmenn stjórnarflokk-
anna og forustumenn þeirra. Margir túlka þetta
svo að þarna hafi einhverju ráðið að almenningur
vildi gefa stjórnmálamönnum viðvörun og gera
þeim skiljanlegt að þjóðin hafi síðasta orðið.
Það getur því farið svo að „hraðlestin til Brus-
sel“ frá Norðurlöndum hægi á sér um sinn. Ekki
er gefíð mál að hinar Norðurlandaþjóðirnar verði
gengnar í EB eftir fimm ár. Það er líka alveg ljóst
að utanríkisráðherra og aðrir íslenskir stjórn-
málamenn, ungliðar sem eldri, sem hafa verið að
gæla við að sækja um aðild að EB, geta lagt slíka
hugsun á hilluna. Slík aðild yrði aldrei samþykkt
í þjóðaratkvæðagreiðslu hér á landi.
Það væri eðlilegt nú að forustumenn íslensku
stjórnarflokkanna tækju af skarið um það að ekki
komi til greina að sækja um aðild að EB. Yfirlýs-
ingar þeirra, einkum krata, í tíma og ótíma um að
okkur sé nauðugur einn kostur að taka upp um-
ræðuna um aðild, spilla allri umræðu um stöðu
íslands gagnvart Evrópu í framtíðinni. Kemur
viðvörun almennings í Danmörku þeim niður á
jörðina. Með því verður fylgst náið, því sterkt að-
hald almenningsálits er eina vopnið sem bítur.
> !T^;v/,|vegsráð-
Fráleitt a ^ sjóðasukk
herra að taia
B „„ .jóJasuk* v.
"r •.iv^rÁiW“*rra ’.Vv 1 islandsbunWa
.... r;;.,,-;; ■ '•"•■"“•í'.íúSXi <■.*"' «*
............ ; . ...
hættu ^
Þorsíeinn Pálssonv^auxnmælaDavía
- -Js0ddssonarforsætisráðhen
Annaira að meta hve
víii ,. - *!"e,cWeg ummælin er
•aí „ÍJ1 sker<5a eig-
,ðfe Flskveiðasjóðs
Þorstem,, Pájsson
sjávarútvegsráðherra:
tv<prí5h«rra hefur «Sú“ "“r “** 1
stttisssff
awunMrtíiSift ssiuKír hluta af ríkiT
Sukksamt hjá íhaldinu
Allt frá því núverandi ríkis-
stjóm tók við völdum hefur
forsætisráðherra barist gegn
þeim uppvakningi sínum, sem
hann kallar fortíðarvanda.
Þessari fylgju sinni kennir
hann hve brösulega honum
gengur að stjórna og að flest
snýr öndvert við því, sem stefnt
er að í orði kveðnu. Spamaður
veldur kostnaðarauka og alfríið
í peninga- og verðbréfabrask-
inu reyrir menn og fyrirtæki í
skuldafjötra. Meintur fortíðar-
vandi tengist að viti Dav- •
íðs Oddssonar sjóðasukki
miklu, sem hann álítur
næstum tilræði við þjóð-
ina.
Sjóðasukk fortíðarinnar
kennir Davíð Oddsson við þær
ríkisstjórnir, sem héldu um
stjórnartauma áður en hann
kom eins og frelsandi engill
beint úr borgarstjórastólnum í
forsætisráðherrastólinn.
En nú em upp risnir nýir
sjóðasukkarar og draga ekki úr
ásökununum hver í annars
garð fyrir sukkið.
Nútíðarvandinn
Davíð Oddsson, forsætisráð-
herra og formaður Sjálfstæðis-
flokksins, ásakar Þorstein Páls-
son, sjávarútvegsráðherra og
fyrrverandi forsætisráðherra
og formann Sjálfstæðisflokks-
ins, fyrir sjóðasukk. Þorsteinn
svarar fyrir sig og segir Davíð
sukka með sjóð. Davíð þykir
ummælin ósmekkleg, því mál-
inu sé öfugt farið, þar sem Þor-
steinn sé sjóðasukkarinn. Þor-
steinn svarar enn og aftur og
segir að Davíð ætli að verða
sjóðasukkari.
Svona stóðu málin í sjóða-
sukki þeirra Davíðs og Þor-
steins síðari hluta dags í gær,
en gagnkvæmar ásakanir um
sjóðasukkið birtust í málgögn-
um Sjálfstæðisflokksins, Morg-
unblaðinu og DV, á víxl í fyrra-
dag og í gær, og vom margend-
urteknar í hvom blaði fyrir sig.
Sjóðasukk íhaldsráðherr-
anna er til komið vegna stig-
magnaðrar deilu um Fiskveiði-
sjóð, sem um var fjallað í þessu
horni s.l. þriðjudag, en ágrein-
ingurinn er um hver á sjóðinn
og hver á að fá að sukka með
hann.
Davíð og formaður Sölu-
nefndar ríkissjóða, Hreinn
Loftsson, segja ríkið eiga sjóð-
inn, sem er mikill að vöxtum,
og vilja fá að sukka með hann
að sínum hætti.
Þorsteinn segir þeim ekkert
koma Fiskveiðisjóður við.
Hann sé eign útgerðarinnar og
í umsjá sjávarútvegsráðuneyt-
isins, sem hafi plantað honum í
íslandsbanka. Kristján Ragn-
arsson, útgerðarstjóri íslands,
segir útgerðina hafa eignast
sjóðinn með því að borga
skatta til ríkisins. Það sé því út-
gerðin sem eigi að fá að sukka
með sjóðinn.
Klögumál á víxl
Þessi sérkennilega deila, þar
sem íhaldsráðherrarnir bera
hvor öðmm sjóðasukk á brýn,
hefur til þessa eingöngu farið
fram í málgögnum flokksins
og er vík á milli vina, því sjáv-
arútvegsráðherra sendir skeyti
sín frá Róm, en forsætisráð-
herra kvartar yfir sjóðasukki í
eigin flokki úr stjórnarráðinu
við Lækjartorg. Þeir tala ekki
um málið sín á milli.
Hafi forsætisráðherra rétt
fyrir sér og að Fiskveiðisjóður
sé eign ríkisins, ætti málið
samkvæmt hlutarins eðli að
heyra undir fjármálaráðherra.
En Friðrik er svo upptekinn af
að sukka með ríkissjóðinn,
sem aldrei hefur verið um-
svifameiri en undir hans
stjórn, að hann hefur ekki not-
ið þess sjálfgefna réttar síns að
ásaka þá báða, Davíð og Þor-
stein, fyrir sjóðasukk eða til-
raunir til að sukka með Fisk-
veiðisjóðinn.
Þessi tiltekni sjóður var með
í brallinu góða, þegar Útvegs-
bankinn var gefinn með með-
gjöf. Veislustjórinn í því sukki
var Jón bankamálaráðherra,
sem enn gegnir því embætti.
Frá honum heyrist hvorki
hósti né stuna um hvort bank-
inn á Fiskveiðisjóð, eða hluta í
honum, eða ríkissjóður eða út-
gerðin eða jafnvel alltumlykj-
andi fjármögnunarkompaníið
Sumitomo, en aðstoðarmaður
forsætisráðherra segir blákalt
að heiðursmennirnir, sem reka
þá sjoppu, viti ekki betur
en að ríkissjóður íslands
eigi Fiskveiðisjóð.
I þeirri fullvissu lána
Japanir óspart í sjóðinn með
góðum kjörum.
Eins gott að þeir frétti ekki
af sjóðasukki íhaldsráðherr-
anna, sem ekki geta komið sér
saman um hver á að fá að
sukka meira með tröllaukinn
sjóð, sem ekki fæst skorið úr
um hver á.
Sukksukksukk
Það hlýtur að vera illt af-
spurnar að nútíðarvandi ráð-
herraliðs Sjálfstæðisflokksins
skuli tengjast sjóðasukki. Það
eru ekki andstæðingar flokks-
ins eða ótíndir strákar úti í bæ,
sem beina þungum ásökunum
að ráðherrunum, heldur saka
þeir hver annan um sjóðasukk
og á þeim bæ er ekki hægt að
finna upp svívirðilegri ávirð-
ingar að klína á stjórnmála-
frömuði.
Þegar Þorsteinn sjávarút-
vegsráðherra snýr aftur norð-
ur fyrir Fjall, gerði hann rétt í
að ná tali af Davíð forsætisráð-
herra til að freista þess að ná
samkomulagi um hver á Fisk-
veiðisjóð og hvor þeirra eigi
réttinn til að sukka með hann.
Það vill nefnilega svo til að
sjóður með fjögurra milljarða
króna eigið fé, sem slær stórar
fúlgur erlendis undir því yfir-
skini að hann sé ríkiseign, er
ekki prívatmál sjóðasukkara,
þótt ráðherrar séu.
OÓ