Tíminn - 23.10.1992, Side 3

Föstudagur 23. október 1992
Tíminn 3
Vélarafl flotans 1991 samsvarar426 megavöttum eða tæpum
helmingi af afli allra orkuvera Landsvirkjunar:
Minnstu skipunum
fækkar en þeim
stærri fjölgar
Árið 1991 fækkaði skipum í íslenska fiskiskipaflotanum um þrjú
eftir fjölgun undanfarin fjögur ár, en á þeim tíma bættust 178 skip
við flotann. Mest fækkaði skipum í minnsta flokknum en fjölgaði
í þeim stærri. Rúmlestatala flotans hækkaði á árinu og vélarafl að-
alvéla jókst um 2%. Þá hefur meðalaldur flotans hækkað frá fyrra
ári, eða úr því að vera 16,6 ár í tæp 17 í ár.
Alls taldi flotinn 993 skip í árslok í
fyrra, samkvæmt skipaskrá Fiskifé-
lags íslands og greint er frá í Útvegi,
riti hagdeildar félagsins fyrir árið
1991. A skrá Siglingamálastofnunar
fækkaði opnum bátum um 18, en
alls voru 1798 opnir bátar á skrá um
síðustu áramót. Aftur á móti komu
aðeins 1236 slíkir bátar með afla að
landi í fyrra og hafði þeim fækkað
um 89, eða 6,7% frá fyrra ári.
Fækkun skipa á árinu var nær öll í
minnsta flokknum, eða sjö skip en
einnig fækkaði um eitt skip í stærð-
arflokknum 51-110 brúttórúmlestir.
Aftur á móti fjölgaði skipum um
fimm í stærðarbiiinu 111-800 brút-
tórúmlestir. En við endurnýjun
skipa hafa veiðiheimildir tveggja eða
fleiri skipa verið sameinaðar fyrir
eitt nýtt skip og því fækl ar í minni
stærðarflokkunum en fjölgun eða
óbreyttur fjöldi verður í þeim stærri.
Að mati Fiskifélagsins er fækkun
skipa í flotanum mun meiri þar sem
talsvert hefur verið úrelt af opnum
bátum í stað þilfarsskipa og enn
meiri ef tillit er tekið til þess að 87
þilfarsskip komu ekki með afla að
Iandi í fyrra og þar af eru 73 skip í
minnsta stærðarflokknum og af hin-
um 14 eru þrír skuttogarar.
Ef breytingarnar á fiskiskipaflotan-
um eru skoðaðar eftir landshlutum
fækkaði skipum á Norðurlandi
vestra, Reykjanesi og Suðurlandi en
fjölgaði á Vestfjörðum Norðurlandi
eystra og Austfjörðum, en fjöldinn
stóð í stað á Vesturlandi.
Rúmlestatala flotans hækkaði um
1815brúttórúmlestirogvar 121.630
brúttórúmlestir í árslok 1991. Sem
fyrr eru að jafnaði elstu skipin í
stærðarflokknum 51-110 brl., eða að
meðaltali 26 ára sem er heldur eldra
en frá fyrra ári. Yngstu skipin eru í
minnsta flokknum, eða 11,7 ára og
togarar eru að jafnaði næstyngstir
eða 14,5 ára gamlir.
-grh
Göngu-
dagur
var í
Mikil þátttaka var í göngudegi sam-
takanna íþróttir fyrir alla og er vitað
um á . .nmta hundrað skipulagðar
gönguferðir hópa fólks um allt land,
þar af munu tæplega 200 hópar hafa
tekið sig saman á höfuðborgarsvæð-
inu og gengið lengri eða skemmri
yegalengdir. Að mati samtakanna
íþróttir fyrir alla má telja að tugþús-
undir íslendinga hafi tekið sér
gönguferð í gær. Hér er frísklegur
hópur eldri borgara að leggja af stað
niður í Laugardalinn.
Aðalfundur Samtaka sveitarfélaga á höfuðborgarsvæðinu lýsir sig fylgjandi hug-
myndum um flutning verkefna frá ríki til sveitarfélaga:
Verkefni sem kosta tugi
milljarða flutt frá ríkinu?
Aðalfundur Samtaka sveitarfélaga á höfuðborgarsvæðinu (SSH),
sem haldinn var um síðustu helgi, samþykkti ályktun þar sem lýst
er yfir stuðningi við hugmyndir um að flytja rekstur grunnskóla,
rekstur heilsugæslustöðva, hafnargerð, málefni fatlaðra og málefni
aidraðra til sveitarfélaganna. Fundurinn taldi ennfremur rétt að
kanna til hlítar möguleika á því að fela sveitarfélögum rekstur fram-
haldsskóla og sjúkrahúsa, löggæslu og þjóðvega í þéttbýli.
Sú verkefnatilfærsla sem aðal-
fundur SSH er að leggja til snýst
ekki um neina smáaura. Um er að
ræða opinbera þjónustu sem kost-
ar ríkissjóð á þriðja tug milljarða
að halda uppi. Eins og nærri má
geta leggja sveitarfélögin áherslu
á að flytja verði tekjustofna sam-
hliða frá ríkissjóði til sveitarfélag-
anna ef þau eiga að taka að sér
aukin verkefni.
Um markmið með þessum breyt-
ingum segir aðalfundur SSH:
„Markmið með þessari verkefna-
tilfærslu er að sveitarfélögin hafi
með höndum verkefni sem ráðast
af staðbundnum þörfum og þar
sem ætla má að þekking á aðstæð-
um ásamt frumkvæði heima-
manna leiði til betri og ódýrari
þjónustu. Einnig verður með
þessum hætti gerð einfaldari skil á
milli verkefna ríkisins og að sveit-
arfélögin verði minna háð ríkis-
valdinu en nú er.“
Umræður um verkaskiptingu rík-
is og sveitarfélaga fara nú fram í
nefnd sem skipuð er fulltrúum
sveitarfélaganna, ríkisins og
stjórnmálaflokkanna. Eitt aðal-
verkefni nefndarinnar er að vinna
að tillögum um sameiningu sveit-
arfélaga, en almennt er litið svo á
að sameining sveitarfélaga sé for-
senda þess að hægt verði að færa
fleiri verkefni til sveitarfélaganna.
Aðalfundur SSH fjallaði einmitt
um sameiningu sveitarfélaga.
Fundurinn lagði áherslu á að vilji
íbúanna ráði þegar tekin verði
ákvörðunum sameiningu sveitar-
félaga, en ekki verði um lög-
bundna þvingun að ræða.
Aðalfundurinn ályktaði einnig
um atvinnumál. Samþykkt var
ályktun þar sem hvatt er til þess
að hin almennu skilyrði atvinnu-
rekstrarins verði lagfærð til jafns
við það sem gerist í viðskiptalönd-
um okkar. í því felst m.a. endur-
skoðun launatengdra gjalda og
skatta á fyrirtæki.