Tíminn - 22.12.1992, Blaðsíða 9

JÓLABLAÐ 1992 Tíminn 9
VIGDÍS
FINNBOGADÓTTIR
Vigdís Finnbogadóttir var sæmd Fflsorð-
unni 25. febrúar 1981. Skjaldarmerki hennar
er einnig gert af Aage Wulff. Það er skjöldur
sem skiptist í lóðrétta reiti, bláan, silfraðan,
rauðan, silfraðan, bláan. Silfruðu reitimir
eru raunar rendur til þess að fullnægja þeirri
reglu skjaldarmerkjafræðinnar að eigi komi
saman litur og litur, heldur skiptist á litur og
málmur (silfur eða gull). Miðreiturinn rauði
er miklu breiðastur og á honum er mynd af
teinungi eða ungu tré. Er þar höfðað til al-
kunns áhuga forsetans á ræktun lands og
lýðs. Upp af hjálmi skjaldarins eru fugls-
vængir, sem eiga að minna á hið margbreyti-
lega fuglalíf íslands. — Hugmynd skjaldar-
merkjamálarans var í fyrstu að reyna að nota
að einhverju leyti fornt merki landsins í
merki forsetans, en þessi varð niðurstaðan.
— Umhverfis skjöldinn er letrað: DOM. VIG-
DÍS FINNBOGADÓTTIR PRAESES REIPU-
BLICAE ISLANDIAE. DIE XXV. FEBR. AN.
MCMLXXXI. — í boga umhverfis skjöldinn
er máluð mynd af stórmeistarakeðju Fflsorð-
unnar.
MAGNÚS
STEPHENSEN
Magnús Stephensen landshöfðingi var
sæmdur stórkrossi Dannebrogsorðunnar 27.
janúar 1904 í þann mund sem hann lét af
landshöfðingjaembætti og hinn fyrsti ís-
lenski ráðherra tók við. Skjaldarmerki hans
er blár skjöldur með hvítri (silfraðri) mynd
af einhyrningi. Umhverfís skjöldinn er hvít
(silfruð) rönd og upp af honum hjálmur og
einhymingsmynd. Yfir skildinum eru letruð
einkunnarorðin: FESTINA LENTE (Flýttu
þér hægt).
JÓN
MAGNÚSSON
Jón Magnússon forsætisráðherra var sæmd-
ur stórkrossi Dannebrogsorðunnar 9. sept-
ember 1921. Skjaldarmerki hans er gert af
Hans Chr. Caspersen árið 1923. Skjöldurinn
er bogadreginn að neðan, skipt í þrjá reiti,
bláan, hvítan (silfraðan) og rauðan. Hvíti
hlutinn er breiður geisli frá skjaldarsporði,
mjókkandi upp og nær yfir 3/4 af hæð skjald-
arins. Þar tekur við vogarás með gylltum
vogarskálum í reitunum rauðu og bláu. Á
hjálminum yfir skildinum situr hvítur fálki
með þanda vængi. Þar fyrir ofan eru ein-
kunnarorðin: AE ÆQUUM BONUMQUE
(Réttlæti og gæði). Latneski textinn er dular-
fullur. AE í upphafinu er ekki til sem sérstakt
orð í latínu. Er hugsanlegt að í upphaflegu
handriti til skjaldarmerkjamálarans hafi ver-
ið gert ráð fýrir valkosti; að skrifa annað-
hvortÆquum eða Aequum, sem hvort-
tveggja getur staðist, — segir dr. Jakob
Benediktsson, sem hefur þýtt latínutextana.
Sk]ald*ra*rkl H*(nd«*r Cuðaundaaonar
rdðbarra
MAGNÚS
GUÐMUNDSSON
Magnús Guðmundsson ráðherra var sæmd-
ur stórkrossi Dannebrogsorðunnar 7. maí
1926. Skjaldarmerki hans er gert árið 1927
af Gether Caspersen. Skjöldurinn er blár,
skjaldarsporðurinn mjór. Á skjöldinn er
dregið gyllt merki er líkist þríarma ljósa-
stiku. Yfir skildinum eru skráð einkunnar-
orð: SUAVITERIN MODO FORTITER IN RE
(Mildilega í formi, sterklega í raun).
Óskum starfsfólki
okkar og viðskiptavinum
gleðilegra jóla og
farsœldar á komandi ári
Kaupfélag
Árnesinga