Tíminn - 15.01.1993, Blaðsíða 3

Föstudagur 15. janúar 1993
Tíminn 3
Pétur Blöndal hafnar tilboði Sparisjóðs Hafnarijarðar:
Tilboð Spari-
sjóðsins reyndist
óaðgengilegt
Síðdegis í gær virtist ljóst að fyrir-
tækið SH-verktakar yrði gjaldþrota.
„Tllboðið var óaðgengilegt og það
verður ekki til að bjarga fyrirtæk-
inu. Sparisjóðurinn ætlar að fá pen-
inga út á það að ég bjargi fyrirtæk-
inu,“ sagði Pétur Blöndal, stjómar-
maður í fyrirtækinu um nýtt tilboð
Sparisjóðs Hafnafjaröar sem lagt
var fram á hádegi í gær. Hann vildi
ekki segja hvað hefði falist ná-
kvæmlega í því.
„Ég gerði ákveðið tilboð um að
kaupa fyrirtækið og forsendur þess
tilboðs eru ekki uppfylltar. Spari-
sjóðurinn leggur ekkert fram sjálf-
ur. Ég legg fram 25 milljónir kr. og
við það fær hann þessar greiðslur yf-
irleitt en fengi þær ella ekki. Það er
alveg á tæru,“ segir Pétur.
Pétur segir að sparisjóðurinn hafi
fallið frá greiðslunum að stórum
hluta en vildi ekki segja hversu stór-
an hluta um væri að ræða. Hann á
ekki von á öðru en að þetta verði
lokaniðurstaða málsins. „Ég er bú-
inn að Ieggja töluvert á mig til að
bjarga þessu og það nær bara ekki
lengra þegar það strandar á þessu.
Forsendur tilboðsins eru ekki til
staðar og það gengur því ekki upp,“
segir Pétur.
I gærmorgun þegar Tíminn náði
tali af Pétri Blöndal sagði hann að
það eina sem strandaði á til bjargar
SH- verktökum, væri ávísun frá
sparisjóðnum. Pétur sagði þá að bú-
ið væri að semja við alla kröfuhafa
og undirverktaka og taldi sparisjóð-
inn hafa fengið mjög góðar upplýs-
ingar um stöðu fyrirtækisins.
Þór Gunnarsson sparisjóðsstjóri
áleit stöða SH-verktalá aðra en Pét-
ur telur að hún sé og nefnir sem
Pétur Blöndal
dæmi að hann hafi ekki séð mat á
stöðu fyrirtækins í heilt ár. „Stjórn-
in sjálf vissi ekki betur og sem dæmi
keypti ég hlutabréf í SH- verktökum
í sumar sem nú eru seld fyrir nánast
ekki neitt. Ég vissi nú ekki meira
um stöðuna en það. Stjómin gekk
til samninga um verulegar björgun-
araðgerðir og menn hefðu nú varla
staðið í því ef fyrirtækið væri hvort
sem er gjaldþrota. Það sem gerist er
að farið er sífellt dýpra ofan í bók-
haldið og þá komu upp vandamál
sem höfðu verið dulin. Ég held því
að sparisjóðurinn hafi fengið mjög
góðar upplýsingar," segir Pétur.
„Þeir hluthafar sem em að tapa
sextíu milljónum og lögðu fram fé
fyrir tveimur ámm létu undan for-
tölum um að selja þetta fyrir slikk.
Þeir em allir búnir að samþykkja
ásamt undirverktökum sem þurfa að
halda áfram fyrir milljónir og fá ekki
greitt fyrir það sem liðið er. Það er
ákaflega erfiður biti fyrir einstak-
linga að þurfa jafnvel að tapa millj-
ónum króna. Þetta em mjög erfið
mál alls staðar og menn hafa flestir
orðið að bíta í það súra. Sparisjóður
Hafnarfjarðar verður að falla frá
þessum ávísunum sem hann hefur á
greiðslur úr verkum og rökfræði-
lega þannig að ef verkið myndi ekki
fara í gang vegna gjaldþrots þá verða
þær greiðslur aldrei greiddar þannig
að sparisjóðurinn fengi aldrei neitt.
Verkin ganga ekki og dæmið geng-
ur ekki upp nema að fyrirtækið fái
þessar greiðslur," segir Pétur.
—Sparisjóðsstjóri hefur látið liggja
að því að ekki sé búið að semja við
alla kröfuhafa.
„Það er búið að semja við þá ásamt
undirverktökum og þeir em búnir
að skrifa upp á að þeir muni vinna
áfram. Einnig er búið að semja við
alla verkkaupa utan einn. Síðan em
fyrirtæki með ávísanir eins og spari-
sjóðurinn. Ég var að tala við einn í
morgun og ég hygg að hann muni
falla frá sinni ávísun þegar hann
horfir á dæmið eins og það liggur
fyrir," segir Pétur. „Gjaldþrot er það
sem allir standa frammi fyrir, og þá
sparisjóðurinn sem aðrir, og þá tapa
allir," bætir Pétur við.
Hann bendir á að það hafi komið
mjög illa við fyrirtækið þegar spari-
sjóðurinn felldi niður yfirdrátt og til
marks um það segir hann að fyrir-
tækið hafi ekki einu sinni átt fyrir
beiðni um greiðslustöðvun upp á
3.000 kr. „Fjármálastjórinn þurfti að
greiða fyrir hana úr eigin vasa,“ seg-
ir Pétur. „Svona skilur sparisjóður-
inn við fyrirtækið, leitar til við-
skiptabanka síns um aðstoð,“ segir
Pétur. —HÞ
Sparisjóðsstjóri Sparisjóðs Hafnafjarðar um Pétur Blöndal:
Menn eru oft á
tíðum ofmetnir
JHenn eru oft ofmetnir," segir Þór
Gunnarsson, sparisjóðsstjóri
Sparísjóðs Hafnafjarðar um Pétur
Blöndal sem starfsmenn SH-verk-
taka hafa talið bjargvætt fyrirtækis-
ins.
Þór vill meina að þær 10 milljónir
króna sem rætt hefur verið um að
strandi á, séu hluti af stærra dæmi.
„Einu staðfestu upplýsingamar sem
ég hef frá félaginu eru ársgamlar.
Þær sýndu allt aðra mynd en við
stöndum frammi fyrir í dag. Við
megum ekki kippa neinum þætti úr
svo stóru máli. Félagið er talið vera
með 800 millj. kr. veltu og skuldir
hátt f 400 millj. kr. Ég get ekki séð
aö það brotni fyrir þeirri tölu sem
hér er verið að ræða um og því er
bara stillt upp þannig af þeim
mönnum sem hafa verið með há-
vaða í fjölmiðlum," segir Þór.
Þór Gunnarsson segir að fundur-
inn hefði haft mikil áhrif á sig sem
einstakling og hann geri sér grein
fyrir því hvað það þýði fyrir jafn
stóran hóp manna að missa vinn-
una.
Þór vildi ekkert um það segja hvort
sparisjóðurinn hefði verið blekktur
með upplýsingum um stöðu SH-
„Einu staðfestu upplýsingarnar
sem ég hef um stööu fyrirtækis-
ins eru árs gamlar," segir Þór
Gunnarsson, sparisjóðsstjóri
Sparisjóðs Hafnafjarðar.
verktaka.
Þór telur að Pétur Blöndal hafi not-
fært sér bæði starfsmenn og fjöl-
miðla. „Það vita allir það að við get-
um ekki svarað í smáatriðum um
stöðu einstakra aðila við sparisjóð-
inn,“ segir Þór. Hann bendir á að
Pétur nýti sér einnig tilfinningaleg
viðbrögð manna sem séu að missa
vinnuna og geti ekki séð sómasam-
Iega fyrir fjölskyldu sinni. „Ég vek
athygli á því að haldi menn því fram
að þetta sé á kostnað sparisjóðsins
núna er það kannski vegna þess hve
sparisjóðurinn hefur teygt sig langt
til að aðstoða félagið áffam," segir
Þór.
Þór telur að ef forsvarsmenn félags-
ins hefðu í einlægni viljað ganga til
samninga og reynt að ná samstöðu
um að bjarga félaginu þá hefðu þeir
ekki beitt starfsmönnum fyrir sig og
vakið hjá þeim kröftuga tilfinnga-
bylgju og hótað þeim atvinnuleysis-
vofunni eins og hann orðar það.
„Það er auðvelt að byggja upp
óhróðursöldu gagnvart stofnun eins
og sparisjóðnum sem bundinn er
ákveðnum lagafyrirmælum og
starfsvenjum að gefa ekki upp starfs-
venjur einstakra fyrirtækja," segir
Þór.
Þór segir að það sé erfitt að tala við
hóp sem hafi verið fóðraður á ein-
hæfum upplýsingum og reyna að
snúa honum.
-HÞ
TSWJV ýj-jsMÍ
TS (JTSW^
fm
Kwl H g|3R Sfik afe
f: '• v" 1 9 v nJB n 1

m
W3 .
co -
lisM
ttýtt 9tel
xs\okor'°'im
STAÐ6REIÐSLUAFSLÁTTUR
greiðslukortaþjo
'ZKL
AIIKUOflRDUR
MARKAÐUR VIÐ SUND