Tíminn - 02.07.1994, Blaðsíða 6

6
SöíiijliMuiElCSu.
wywyyww
r 2. júlí 1994
Hagyrbingaþáttur
Aö gefnum tilefnum
Allir vilja vera skáld
í voru landi,
sérhver auli yrkir bögur
eða þylur lygasögur.
En hófer best að hafa á sér
í hverju eina,
og ekki láta úr sér buna
endalausa skáldsprœnuna.
(GH)
Rétt er það hjá GH og ekki skal því mótmælt að
hóf sé á flestu best, jafnvel yrkingum. En heldur
eru hagyrðingar farnir að láta deigan síga og verða
þeir að spjara sig og senda vísur, ef takast á að
halda úti þessum þætti í þeirri mynd sem hann
hefur búið við til þessa. Það er að birta nýortar vís-
ur, gjarnan um atburði líðandi stundar. Þó eru
engin skilyrði sett um hvað prentað er, og er allur
góður vísnakveðskapur vel þeginn.
Þyrlukaup
Þorsteinn Daníelsson er ekki við eina fjölina
felldur í kveðskap sínum og er jafnvígur á fer-
skeytlur og limrur. Birtist hér sín af hvoru tagi:
Um þyrlukaup rœðast við reiðir
ráðherrar, flestöllum leiðir.
Jón fór til Kína
með konuna sína.
Hún Bryndís þá svarthœrðu seiðir.
Hlekkir
Vandinn eykst en vitið ekki
valdhöfunum hjá.
Fjötraðir í hugans hlekki
Hrafni og Baldri frá.
Þórður Kárason ættfræðingur setti eftirfarandi
inn í formála Hjarðarfellsættar:
Um hrúta og kýr við höfum skrá,
um hestakyn bœkur geyma.
En hvaðan vér sjálfir komum frá
kynslóðir stundum gleyma.
Eftirfarandi orti Þórður að gefnu tilefni, en kveð-
skapurinn gæti átt við þau mörg:
Þjóöarplottið
Efí blöðum satt ég sé,
sýnist málið þjóðarplott.
Þingmenn gefa og þiggja fé,
það er ekki nógu gott.
Atómljóðin
Áður fyrr við lásum Ijóð
og lifðum djúpt í speki-djúpi.
Nú yrkjum við atómljóð
í ömurlegum hvunndagshjúpi.
Hagmœlskan var honum gyrt,
og hvergi gylling.
Vísan ort og aðeins birt
sem eyðufylling.
Bragi Björnsson sendir nýjan botn við gamlan
fyrripart. Heil er vísan svona:
Hljóma finnst mér furðu snjallt
ferskeytlunnar háttur.
Þess vegna — og þrátt fyrir allt
þœr við ég er sáttur.
Botnar og vísur sendist til Tímans
Stakkholti 4.
105 Reykjavík. P.s. SKRIFIÐ GREINILEGA!
Stúlka spyr hvort það sé
allt í lagi að fullorðnar
konur klæði sig eins og
ungar stúlkur og kvartar yfir
því að mamma sín sé alltaf að
herma eftir sér og hún megi
varla kaupa flík án þess að
mamma kaupi eitthvað svip-
að. Gildir sama tíska fyrir ungt
fólk og fullorðið?
Svar: Ef fólk fylgist betur með
tísku yfirleitt og lætur ekki
bara matast af því sem hér ber
mest á, þá er auövitað tíska
fyrir allan aldur. Ef maður til
dæmis horfir á tískusýningar
eða myndir frá tískuhúsum
eins og Chanel, Yves St. Laur-
ent og öðrum þessum stóru
nöfnum, þá er þar í raun og
veru um að ræða tísku vor og
haust fyrir alla aldurshópa.
Það eru til tvítugar stúlkur,
sem hafa valið þann kostinn
að giftast eldri mönnum til að
hljóta fjárhagslegt öryggi. Þær
klæða sig gjarnan á glæsilegan
máta eins og fimmtug kona.
Síðan eru fimmtugar konur
sem örvast aðeins við það að
yngri menn líti til þeirra. Og
hafi þær góðan og unglegan
vöxt, freistast þær.til að klæða
sig eins og ungar stúlkur og
getur farið það vel. En tíska fer
miklu meira eftir vexti en
aldri. Þá á ég ekki við að það sé
sérlega skemmtilegt að ganga
á sólarströnd á eftir reglulega
vel vaxinni konu, sem klæðist
eins og unglingur, og horfa.
Svo snýr hún sér við og er þá
hrukkótt og sjötug. Þetta skeð-
ur og þetta kemur engri tísku
við. Þetta er ósmekklegt.
Aldur og tíska
En kona, sem er kannski sex-
tug, falleg og vel vaxin, getur
farið í tískuverslun og fundið
þar ýmsa hluti við hæfi — ekki
endilega stelpupúffermakjóla
— og verslað sömu vöru og
tvítug kona kann að gera.
Svo getur verið tuttugu og
fimm ára kona með tvö börn,
sem misst hefur þann vöxt
sem ungar konur yfirleitt hafa.
Sú kona þarf að leita að fötun-
um sínum, þar sem ætlast er
til að fimmtugar konur versli.
En í tískuheiminum er gert
ráð fyrir að æskublóminn fari
af jafnt og þétt, frá unglings-
aldri fram á fullorðinsár. En í
reyndinni skeöur það ekkert
svona, því að stúlkur, jafnvel á
gelgjuskeiði, fá sumar fullorð-
insvöxt og það eru margar sex-
tugar eða sjötugar konur sem
hafa unglingaskrokk. Og að
sjá unglega vaxna sextuga
konu í gamalmennafötum er
ekki smekklegt. Og að sjá unga
stúlku, sem hefur ekki góðan
vöxt, kunna ekki að klæða sig
miðað við aldur og vöxt og
vera komin í það sem sextuga
konan ætti að vera í, er ekki
smekklegt heldur.
Það er mjög erfitt að gefa út
nokkra yfirlýsingu um hvaða
tíska hæfi hverjum aldri, held-
ur verður hver og einn að nota
sínar gáfur og smekk og gera
sitt besta til að klæða sig vel.
Eins og með annað eru allar
öfgar af hinu verra og allt óhóf
í klæðaburði og förðun fer
engum vel. ■
/ m
e>
3
/
MSE’’""
Hvernig
áég að
vera?
HEIÐAR JÓNSSON SNYRTIR
svarar spurningum lesenda