Tíminn - 07.03.1996, Page 6

6
WWIww
Fimmtudagur 7. mars 1996
UR HERAÐSFRETTABLÖÐUM
FnÉTTnninnin
SELFOSSI
Átaksverkefni í feröamál-
um í austurhluta Rangár-
vallasýslu:
Sex sveitarfélög
sameinast um aö
fá fleiri feröa-
menn
Sex sveitarfélög í austur-
hluta Rangárvallasýslu hafa
sameinast um átaksverkefni í
ferðamálum. Verkefnið er
styrkt af Byggðastofnun, en
umsjón með því hefur Sælu-
búið á Hvolsvelli.
„Við vonumst til að ná
þeim árangri að fleiri ferða-
menn nýti sér þá' möguleika
sem eru í boði á þessu svæði.
Markmiðið er að sameina þá
krafta, sem hér eru í þessari
atvinnugrein, og fá fólk til að
stoppa meira hjá okkur," seg-
ir Helga Þorsteinsdóttir, odd-
viti Hvolhrepps.
Helga er í forystu fyrir sam-
starfshópi sveitarfélaganna
um þetta verkefni. Hún segir
það m.a. felast í meiri kynn-
ingu á svæðinu og brydda
upp á nýjungum í ferðaþjón-
ustu. Helga bendir á að sögu-
slóðir Njálu geti t.d. verið að-
dráttarafl fyrir ferðamenn og
ætiunin sé að merkja betur
ýmsa sögustaði á svæðinu.
„Við viljum líka styðja ein-
staklinga sem vilja hrinda
sínum hugmyndum í fram-
kvæmd, en eiga erfitt með að
gera þaö aleinir. T.d. hafi
sumir verið að velta því fyrir
sér að bjóða upp á fjöruferðir
og fleira mætti nefna. Þannig
getum við verið bakhjarl fyrir
fólk og kynningaraðili," segir
Helga.
Byggðastofnun styrkir verk-
efnið með einni og hálfri
milljón á tveimur árum.
Sveitarfélögin sex leggja til
sömu upphæð. Þau eru, auk
Hvolhrepps, Fljótshlíðar-
hreppur, Vestur- og Austur-
Landeyjahreppar og Vestur-
og Austur- Eyjafjallahreppar.
Smáþjóðaleikarnir 1997:
Bjóöast til áb
halda sund-
keppnina í Eyjum
Fyrir bæjarráði á mánudag-
inn lá fyrir bréf frá tóm-
stunda- og íþróttafulltrúa og
formanni sunddeildar ÍBV til
Sundsambands íslands þar
sem boðin er aðstaða í Vest-
mannaeyjum til keppni í
sundi á Smáþjóöaleikunum
sumarið 1997. Bæjarráð lýsti
sig hlynnt erindinu.
Elías Atlason, formaður
sunddeildar ÍBV, sagði að
Sundsambandið stæði
frammi fyrir því aö ekki yrði
hægt að keppa í sundi á Smá-
þjóðaleikunum, sem fram
fara í byrjun júní 1997, þar
sem ekki er til innilaug í
Reykjavík sem uppfyllir kröf-
ur sem gerðar eru.
„Nú liggur fyrir að Reykja-
víkurborg ætlar ekki að
byggja 50 metra innilaug og
stjórn Sundsambandsins tel-
ur að peningum, sem færu í
að byggja yfir sundlaugina í
Laugardal, yrði illa varið.
Verið er að tala um skýli, sem
kostar einhverjar milljónir,
sem yrði síðan rifið aftur.
Ekki liggur íyiir hvað gert
verður, en Olympíunefnd
mun gefa lokasvar í maí,"
sagði Elías.
Heimilt er að keppa í 25
metra innilaug, svo fremi að
hún uppfylli öll skilyrði. Elías
sagði að í bréfinu hefðu þeir
bent á að hér væri eina boð-
lega innilaugin í landinu til
aö halda keppni af þessari
stærð. „Búast má við um 90
þátttakendum frá átta lönd-
um og hér er nægt gistirými
og önnur aðstaða til að taka
á móti keppendum og fylgd-
arliði," sagði Elías að end-
ingu.
BOKGríRDM
BORGARNESI
Fjárhagsáætlun Borgar-
byggðar samþykkt:
86 milljónum
variö til íþrótta-
mannvirkja
Fjárhagsáætlun Borgar-
byggðar fyrir árið 1996 var
samþykkt á bæjarstjórnar-
fundi á mánudaginn meö
átta atkvæðum, varamaður
úr Sjálfstæðisflokki sat hjá.
Stærsti liðurinn á fjárhags-
áætluninni er framkvæmdir
við íþróttamannvirki. Sam-
þykkt var að 86 milljónum
yrði varið á árinu til þeirra. í
því felst aö gengið verður frá
frjálsíþróttaaðstöðunni í
Borgarnesi, m.a. tveimur
hlaupabrautum, og fyrsti
hluti nýrrar útisundlaugar
verður byggður, þ.e. vélahús.
Gert er ráð fyrir að sundlaug-
in verði byggð vorið 1997.
Af öðrum liðum má nefna
að ákveðið hefur veriö að
verja 3 milljónum króna í að
ganga frá rotþróm í dreifbýli.
3,3 milljónum verður varið
í skipulagsmál, þar af 2 millj-
ónum í að leggja gangstéttir.
Þrjár milljónir fara í tölvu-
væðingu í skrifstofu Borgar-
byggðar og 1 milljón vegna
fyrirhugaðra kaupa eða leigu
á jörð undir sorpurðun.
Litið til með tunglunum:
Eftirlitsstöö meö
fjarskiptahnött-
um reist í Snjó-
holti
Hafin er vinna við niður-
setningu búnaðar fyrir eftir-
litsstöð með fjarskiptahnött-
um, sem reist verður utan við
bæinn Snjóholt í Eiðaþinghá.
Að byggingu stöðvarinnar
stendur Motorola í Banda-
ríkjunum fyrir alþjóðafyrir-
tækið Iridium. Samningar
hafa verið gerðir við Póst og
síma um að sjá um rekstur
eftirlitsstöövarinnar og veita
aðstoð við uppsetningu
hennar. Stöðinni er ætlað aö
hafa eftirlit með gervihnött-
um, sem bæta eiga fjarskipti.
Alls verður skotið upp 72
tunglum, 66 verða í notkun
og 6 til vara. Áætlað var að
skjóta fyrsta hnettinum á loft
í júní, en það mun eitthvað
dragast frá á sumarið, vegna
tafa við smíði búnaðar.
Hnöttunum verður skotið á
loft ýmist í Kína, Bandaríkj-
unum eða Rússlandi og
munu fjórar eftirlitsstöðvar,
sem staðsettar verða á ís-
landi, í Alaska og í Kanada,
fylgjast með þeim og stýra á
rétta sporbraut umhverfis
jörðu. Að sögn Reynis Sigur-
þórssonar, umdæmisstjóra
Pósts og síma á Austurlandi,
munu gervitunglin bæta fjar-
skipti til muna, hægt verður
að ná í hvern sem er hvar
sem er, hafi hann aðgang að
einhverju símakerfi. Bið verð-
ur þó á að kerfið verði tekið í
notkun, þar sem það tekur
tvö og hálft ár að skjóta
hnöttunum á loft. Átta menn
— fjórir Bandaríkjamenn,
tveir starfsmenn Jarðstöðva-
deildar Pósts og síma í
Reykjavík og tveir starfsmenn
Pósts og síma á Egilsstöðum
— vinna við uppsetningu
stöðvarinnar, en reiknað er
með að hún taki þrjár til fjór-
ar vikur. Vakt verður í stöð-
inni á meðan geimskot
standa yfir og verða átta Ís-
lendingar þjálfaöir til að
sinna því starfi.
Búnaði eftirlitsstöðvarinnar
er komið fyrir í gámum, sem
hvíía á steinsteyptum undir-
stöðum sem byggðar voru í
haust. Enn fremur verða sett-
ar upp tvær loftnetskúlur.
Fyrsti áfangi nýrrar sundlaugar verbur byggbur á þessu ári, en auk þess verbur gengib frá frjálsíþróttaab-
stöbunni í Borgarnesi.
Ásta R. jóhannesdóttir.
Ingibjörg Pálmadóttir.
Hart deilt á heilbrigöisrábherra í umrœbu utan dag-
skrár á Alþingi í gaer:
Siðlaus og rang-
lát ákvörðun
„Þaö er siðlaus og ranglát
ákvörðun að skeröa bætur
til þeirra, sem samkvæmt
opinberri skilgreiningu geta
ekki framfleytt sér án
þeirra," sagði Ögmundur
Jónasson m.a. í umræðu ut-
an dagskrár á Alþingi í gær.
Hart var deilt á heilbrigðis-
ráðherra í umræðunni, þar
sem rætt var um lækkun há-
marksuppbótar til lífeyris-
þega almannatrygginga 1.
mars sl. Ráðherra sagðist
áfram mundu verja kjör
þeirra sem verst eru settir í
þjóðfélaginu.
Ásta Ragnheiður Jóhannes-
dóttir, þingmaður Þjóðvaka,
hóf umræöuna. Hún gerði
grein fyrir þeirri breytingu
sem varð 1. mars sl., þegar há-
mark svokallaðrar frekari upp-
bótar var lækkað. Frekari upp-
bót er heimilt að greiða til
elli- og örorkulífeyrisþega, „ef
sýnt þykir að þeir geti ekki
framfleytt sér án þess" eins og
það er oröað í reglugerð.
Talið er að breytingin hafi
áhrif á kjör 1800 lífeyrisþega.
Áætlaður sparnaður er 2 millj-
ónir á mánuði, eða 24 millj-
ónir á ári.
í máli Ástu Ragnheiðar kom
fram að þessi lækkun verði á
sama tíma og kostnaður
vegna lyfjakaupa og læknis-
þjónustu hækkar, bið eftir
sjúkrahúsvist lengist og sjúk-
lingar eru útskrifabir veikari
en áður. í framhaldi af máli
sínu spurði Ásta Ragnheiður:
„Er það mat ráðherra að um-
önnunarsjúklingar með
hæstu uppbótina, sem eru
veikustu og mest ósjálfbjarga
lífeyrisþegarnir og með lág-
marks framfærslueyri, séu þeir
sem helst eru aflögufærir um
að greiða niður fjárlagahall-
ann?"
Ögmundur Jónasson, þing-
maður Alþýðubandalagsins
og óháðra, tók í sama streng
og Ásta Ragnheiður. Hann
sagði lækkunina siðlausa og
rangláta og öll þjóbin væri
andsnúin henni, sama hvar í
flokki fólk stæbi.
Aögerðir sem vega
lækkunina upp
í andsvari Ingibjargar
Pálmadóttur heilbrigðisráð-
herra kom fram að hámarks-
bætur Tryggingastofnunar
hafa hækkab um 3.727 krón-
ur á mánuöi, þrátt fyrir lækk-
unina 1. mars, frá því hún tók
við embætti. Ingibjörg benti á
að þær bætur, sem hér er um
rætt, séu félagslegs eðlis, þ.e.
þær eru greiddar til einstak-
linga sem færa fram rök fyrir
því að þeir geti ekki framfleytt
sér án þeirra.
„Mín skoðun er sú að marka
eigi þá stefnu, að TR hafi með
höndum grunnframfærslu og
tryggingu fyrir einstaklinginn,
en ekki bætur sem ákvarðaðar
eru á grundvelli félagslegra
aðstæðna, það er hlutverk
sveitarfélaganna í landinu,"
sagði Ingibjörg.
Hún ítrekaði að hún ætlaði
áfram ab verja kjör þeirra sem
verst eru settir í þjóðfélaginu.
„Því hefur verið ákveðið að
tekjulágir einstaklingar og
fjölskyldur fái aukinn rétt til
endurgreiðslu á læknis- og
lyfjakostnaði. Þannig er að
ljúka endurskoðun á reglum
um endurgreiðslu umtals-
verðs læknis- og lyfjakostnað-
ar, sem mun gera meira en ab
vega upp á móti þeirri lækkun
sem hér er til umræðu."
Ingibjörg sagbi ab í sömu
reglugerð verbi gripið til sér-
stakra ráðstafana fyrir barna-
fjölskyldur, sem greiða háan
lyfjakostnaö vegna sýklalyfja
og sjúkdóma sem sérstaklega
herja á börn. -GBK
Senda ísraelsþjób sam-
úbarkvebjur:
Ekki verbi
hvikab frá
leib sátta
og fribar
Forsætisráöherra, Davíð
Oddsson, og utanríkisráö-
herra, Halldór Ásgrímsson,
hafa bábir vottaö Israelsþjóö
og fjölskyldum þeirra, sem
misst hafa ástvini í hryöju-
verkum síbustu daga, samúö
sína.
Davíð sendi Shimon Peres
forsætisráðherra samúðarskeyti
í gær þar sem hann ítrekar
stuðning við áframhaldandi
friðarumleitanir í löndum fyrir
botni Miðjarðarhafs. Utanríkis-
ráðherra fordæmir harðlega
hryðjuverkin, sem hann segir
ab stefnt sé gegn friðarferli sem
farið sé að skila árangri. Hvetur
hann til að ekki verði hvikab
frá leib sátta og friöar.
-JBP