Morgunblaðið - 15.05.2006, Blaðsíða 4

4 MÁNUDAGUR 15. MAÍ 2006 MORGUNBLAÐIÐ
FRÉTTIR
Heimsferðir bjóða frábært tilboð til
Mallorca í maí. Þú bókar flug og
gistingu og 4 dögum fyrir brottför
færðu að vita hvar þú gistir. Njóttu
lífsins á þessum vinsæla
sumarleyfisstað. Gríptu tækifærið og
kynnstu einum eftirsóttasta
áfangastað ferðamanna í Evrópu.
Skógarhlíð 18 • sími 595 1000 • www.heimsferdir.is
Stökktu til
Mallorca
25. maí
frá kr. 29.990
Síðustu sætin
Verð kr. 29.990
Netverð á mann, m.v. hjón með 2 börn,
2-11 ára, í íbúð í viku. Flug, skattar,
gisting og íslensk fararstjórn.
Aukavika kr. 10.000.
Munið Mastercard
ferðaávísunina
Verð kr. 39.990
Netverð á mann, m.v. 2 í herbergi/stúdíó/
íbúð í viku. Flug, skattar, gisting og
íslensk fararstjórn.
Aukavika kr. 10.000
ELDUR kom upp í íbúð á Rauð-
arárstíg 40 um sjöleytið í gær-
morgun og voru þrír fluttir á slysa-
deild vegna gruns um reykeitrun,
eigandi íbúðarinnar sem kviknaði í
og tveir íbúar annars staðar í hús-
inu. Mikill hiti myndaðist, en Jó-
hann Viggó Jónasson, aðstoðar-
varðstjóri slökkviliðsins, segir
upptök eldsins hafa verið í stofu
íbúðarinnar. Hafi hitinn verið svo
mikill að erfitt sé að segja til um
hvort upptökin hafi verið í sófa,
hljómflutningstækjum eða sjón-
varpi.
Að sögn Jóhanns Viggós notuðu
reykkafararnir nýjar hitamynda-
vélar sem hefðu reynst ákaflega vel
við slökkvistarfið. Með vélunum má
sjá hvar hitinn er mestur og hvar
upptök eldsins eru þó að skyggnið
sé slæmt og aðstæður erfiðar.
Laugardagskvöld og aðfaranótt
sunnudags voru annasöm hjá
slökkviliði höfuðborgarsvæðisins.
Eldur kom upp í kæli í kjallara
veitingastaðarins Skólabrúar og
voru starfsmenn búnir að rýma
húsið er slökkviliðið kom á vett-
vang en farið var með fjóra starfs-
menn upp á slysadeild sökum
gruns um reykeitrun. Þá var eld-
sprengju varpað á Álftanesskóla
klukkan ellefu í gærkvöldi og læst-
ist eldur í klæðningu en greiðlega
gekk að slökkva hann.
Að lokum var haft samband við
slökkviliðið vegna þess að sést
hafði til manns í sjónum við
Gróttuvita á Seltjarnarnesi og var
kafarabíll slökkviliðsins sendur á
staðinn. Kafari náði í manninn sem
hafði verið í sjónum í um 20 mín-
útur og var hann ringlaður eftir
volkið. Var maðurinn sendur upp á
slysavarðstofu til aðhlynningar.
Annasamt hjá Slökkviliði höfuðborgarsvæðisins um helgina
Þrír á spítala
með reykeitrun
Morgunblaðið/Júlíus
Mikill hiti varð við eldsvoðann við Rauðarárstíg og skemmdir töluverðar,
bæði af reyk og hita. Þrír voru fluttir á sjúkrahús með grun um reykeitrun.
Morgunblaðið/Júlíus
Slökkviliðsmenn geta nú notað sérstakar hitamyndavélar við reykköfun til
að auðvelda störf sín. Komu þær að góðum notum við Rauðarárstíg í gær.
BJARKI Birgisson og Gyða Rós
Bragadóttir leggja af stað kl. 9 í dag
í hjólreiðaferð hringinn í kringum
landið. Ferðin er farin undir yf-
irskriftinni „Hjólað fyrir velferð
barna“ og hefst við Barna- og ung-
lingageðdeild LSH við Dalbraut í
Reykjavík. Bjarki og Gyða vilja
vekja athygli á börnum með geð-
raskanir og fjölskyldum þeirra.
Einnig ætla þau að sýna með ferða-
laginu að allt sé öllum fært ef viljinn
er fyrir hendi. Bjarki sýndi það með
þátttöku sinni í gönguferðinni „Halt-
ur leiðir blindan“ í fyrrasumar þegar
hann gekk ásamt
Guðbrandi Ein-
arssyni hringinn í
kringum landið.
Að sögn Bjarka
verður nú safnað
fjárframlögum
fyrir Barna- og
unglingageðdeild
og verður reikn-
ingsnúmerið aug-
lýst síðar. „Við ætlum að hjóla norð-
ur um og fara bæði á Vestfirði og
Austfirðina alla,“ sagði Bjarki. Leið-
in sem ætlunin er að hjóla er tæp-
lega 2.700 km og hefur verið skipt
upp í 50–100 km dagleiðir. „Ég geri
þetta til að vekja athygli á málefnum
sem þörf er að njóti athygli í þjóð-
félaginu. Mér finnst þörf á opnari
umræðu um börn með geðraskanir.“
Bjarki fékk Gyðu Rós Bragadótt-
ur í lið með sér við verkefnið. Hún
starfar við heimili á vegum Svæð-
isskrifstofu fatlaðra í Reykjavík og
er nemandi í Fjölbrautaskólanum í
Breiðholti. Þau buðu Velferðarsjóði
barna að taka þátt og samþykkti
fagráð sjóðsins að gera það með
Ingibjörgu Pálmadóttur, fram-
kvæmdastjóra sjóðsins, í far-
arbroddi. Bjarki og Gyða hafa þjálf-
að sig fyrir ferðina frá því í janúar
síðastliðnum. Þau hafa bæði æft í
Sporthúsinu, sem styrkti þau til æf-
inganna, og hjólað nokkrar stundir á
dag.
Að sögn Bjarka liggur nákvæm
ferðaáætlun ekki fyrir en þau munu
gefa sér tíma til að kynna málefnið
og haga seglum eftir vindi. „Það er
hægt að ganga í næstum hvaða veðri
sem er, en það er ekki eins auðvelt
að hjóla í hvaða veðri sem er,“ sagði
Bjarki.
Ætla að hjóla hringinn í kring-
um landið fyrir velferð barna
Bjarki Birgisson
UNGUR maður fannst á gangi,
hróflaður og marinn, við Guð-
mundarlund sunnan við Elliða-
vatn um kl. 20.30 á laugardags-
kvöld. Talið er að hann hafi orðið
fyrir líkamsárás þriggja til fjög-
urra manna.
Samkvæmt upplýsingum lög-
reglunnar í Kópavogi tilkynnti
vegfarandi lögreglumönnum, sem
voru í eftirlitsferð við Vatnsenda,
að hann hafi séð til bíls og taldi
að verið væri að lúskra á manni í
bílnum. Lögreglubíllinn hélt þeg-
ar af stað til að leita að bílnum,
samkvæmt lýsingu vegfarandans.
Meðan leitin stóð yfir hringdi
hestamaður og tilkynnti að hann
hafi riðið fram á meiddan mann á
gangi við Guðmundarlund. Lög-
reglan fór þegar á vettvang og
hitti þar fyrir 18 ára pilt, sem
bar sig vel þrátt fyrir að vera
hruflaður og marinn. Honum var
ekið á slysadeild og kom þar í
ljós að meiðsli hans voru meiri en
talið var í fyrstu.
Fórnarlambið hefur ekki viljað
tjá sig mikið um atvik við lög-
regluna, en talið er að árás-
armennirnir hafi verið þrír eða
fjórir. Lögreglan í Kópavogi ósk-
ar eftir því að vegfarandinn, sem
tilkynnti atvikið, hafi samband
við hana.
Hruflaður og
marinn eftir árás
FJÓRIR gistu í fangageymslum
lögreglunnar á Akureyri í fyrri-
nótt. Þrír voru teknir fyrir ölvun
og óspektir á almannafæri og
einn maður velti bifreið sinni á
Ólafsfjarðarvegi á milli Akureyr-
ar og Dalvíkur. Að sögn lögregl-
unnar var hann ölvaður og rétt-
indalaus og á honum fannst
einnig lítilræði af fíkniefnum.
Eftir skoðun á sjúkrahúsinu fékk
hann næturgistingu hjá lögregl-
unni.
Ölvaður
og réttindalaus
RÚMLEGA 1.800 farþegar komu
með Herjólfi til Eyja á laugardag.
Voru þeir í tank og tveimur fiskikör-
um. Þetta voru bleikjur sem luku
löngu og ströngu ferðalagi sínu und-
an Eyjafjöllunum og í eldiskví í Klett-
svík sem lengi var íverustaður há-
hyrningsins Keikós. Þarna á að ala
bleikjuna í sumar og er reiknað með
að það taki þrjá til fjóra mánuði að ná
henni í sláturstærð.
Verkefnið gengur undir nafninu
Eyjableikja og að því standa Eyja-
maðurinn og byggingaverktakinn
Guðmundur Adólfsson sem býr í
Hafnarfirði, Ásgeir Ásmundsson,
Björgvin Sigurðsson og Örn Hlíðdal.
Samstarfsaðilar þeirra í Eyjum eru
Sigurjón Óskarsson og félagar ásamt
Páli Marvin Jónssyni, útibússtjóra
Háskóla Íslands í Vestmannaeyjum.
Flutningur á bleikjunni, sem kem-
ur undan Eyjafjöllum og Fellsmúla í
grennd við Galtalæk, var mikið
vandaverk og krafðist mikils und-
irbúnings. „Við byrjuðum á að sækja
bleikjuna sem við fengum undan
Eyjafjöllunum á föstudaginn og á
laugardagsmorguninn sóttum við
fiskinn í Fellsmúlastöðina. Ferðalag-
ið gekk mjög vel en við urðum að
stoppa reglulega á bensínstöðvum til
að skipta um vatn í tanknum og ker-
unum. Í Herjólfi var dælt sjó og súr-
efni á fiskinn og þar hófst aðlögunin
úr ferskvatni í sjó,“ sagði Guð-
mundur. Gekk allt að óskum til Eyja.
Þar var fiskinum komið um borð í
bát sem flutti hann út í kvína í Klett-
svík. „Í Eyjum voru ekki klárar sjó-
dælur og mátti litlu muna að illa færi
því um leið og súrefnið minnkaði fór
fiskurinn að slappast og sýna kviðinn.
Það tókst að redda rafmagnsdælum
og um leið hresstist fiskurinn og
komst óskaddaður í sín nýju heim-
kynni. Afföllin eru nánast engin og nú
erum við búnir að sýna að þetta er
hægt,“ sagði Guðmundur sem segir
að næsti skammtur komi eftir hálfan
mánuð og þá koma þeir með urriða.
Guðmundur segir þetta lítið til-
raunaverkefni en gangi allt að óskum
sé um spennandi nýjung að ræða í
Vestmannaeyjum.
Páll Marvin segir aðstæður til
bleikjueldis eiga að vera góðar í
Klettsvíkinni, sérstaklega hvað hita-
stig varðar en hann kemst í 14 gráður
á sumrin. „Þetta er unnið í samstarfi
við Sigurjón Óskarsson og félaga en
þeir eiga kvína. Við hér á setrinu
komum til með að fylgjast með vexti
og fóðra. Þetta er tilraunaverkefni
sem gengur út á að koma þessu í slát-
urstærð á sem skemmstum tíma,“
sagði Páll Marvin.
Bleikjur í kjölfar Keikós
Morgunblaðið/Sigurgeir
Björgvin sleppir seiðum í kar eftir
að hafa veitt þau upp úr tanki þar
sem seiðin voru á leið sinni af fasta-
landinu til Eyja.
Eftir Ómar Garðarsson
ÚTAFAKSTUR varð á Hrútafjarð-
arhálsi á fimmta tímanum í gær-
morgun. Ökumaður var einn í
bílnum, karlmaður á fertugsaldri,
og var hann flutttur með sjúkra-
bifreið suður til Reykjavíkur til
aðhlynningar á sjúkrahúsi. Ekki
er vitað um líðan mannsins en lög-
reglan á Blönduósi segir að grun-
ur leiki á að um ölvunarakstur
hafi verið að ræða. Maðurinn var
einn í bílnum.
Grunaður
um ölvun