Morgunblaðið - 15.05.2006, Blaðsíða 31

MORGUNBLAÐIÐ MÁNUDAGUR 15. MAÍ 2006 31
DAGBÓK
GÓÐ HEILSA
GULLI BETRI
Extra sterkt
Lið-a-mót
FRÁ
www.nowfoods.com
APÓTEK OG HEILSUBÚÐIR
A
ll
ta
f
ó
d
ýr
ir
Ámorgun verður á Hótel Flúðum málþingum ferðamál og hefst það kl. 13 ogstendur til kl. 18.„Þetta málþing er haldið í tilefni af
tíu ára afmæli stefnumótunar í ferðamálum í upp-
sveitum Árnessýslu,“ segir Ásborg Arnþórsdóttir
ferðamálafulltrúi svæðisins.
En hvað á að taka fyrir á málþinginu?
„Við ætlum að líta til framtíðar í ferðaþjónustu,
það er meginþema málþingsins. Fjölmargir frum-
mælendur, allt sérfræðingar í greininni, munu
tala á þinginu. Má þar nefna Gísla B. Gíslason hjá
Upplýsinga- og þróunarsviði Ferðamálastofu,
Rögnvald Guðmundsson hjá Rannsóknum og ráð-
gjöf ferðaþjónustunnar, Maríu Guðmundsdóttur
upplýsinga- og fræðslustjóra hjá Samtökum
ferðaþjónustunnar, Markús Einarsson frá Banda-
lagi íslenskra farfugla og Arnar Guðmundsson
verkefnastjóra hjá Útflutningsráði, sem mun
kynna námskeiðið; Hagvöxtur á heimaslóð, sem
boðið verður upp á á svæðinu síðar á þessu ári.
Svo verða líka umræður og hópavinna, þannig að
fólki gefst kostur á að leggja sitt af mörkum og
spyrja um það sem leitar á hugann.“
Hvernig er staða ferðamála á þessu svæði?
„Vöxturinn hefur verið gríðarlega mikill und-
anfarin ár, ferðamönnum fjölgar og uppbygging
hefur orðið í ferðaþjónustu, fleiri staðir og fleiri
störf hafa orðið til. Uppsveitir Árnessýslu eru fjöl-
sóttasta ferðamannasvæði landsins. Við fáum
hingað yfir 415 þúsund gesti á ári.“
Hvað er þetta fólk að sækja?
„Það kemur fyrst og fremst til að skoða náttúr-
una, ekki síst frægar náttúruperlur eins og Gull-
foss og Geysi og sögustaði eins og Þingvelli og
Skálholt, – svo gera þeir auðvitað ýmislegt fleira í
leiðinni, ferðast víðar um svæðið og upplifa margt
skemmtilegt. Margir gista hjá ferðþjónustuað-
ilum og nýta sér fjölþætta afþreyingu sem er í
boði.“
Hafa miklar breytingar orðið í ferðaþjónustu-
málum síðari árin hjá ykkur?
„Já, það hafa orðið mjög miklar breytingar,
ferðavenjur breytast og kröfur í framhaldi af því,
þessu mæta ferðaþjónustuaðilar með ýmsum
breytingum á sinni starfsemi. Helsta breytingin
er líklega sú að nú ferðast æ fleiri á eigin vegum
og skipuleggja sínar ferðir sjálfir, þetta á við bæði
um útlendinga og Íslendinga sjálfa.
Ekki má gleyma þeim gríðarlega fjölda fólks
sem dvelur í sumarhúsum á svæðinu, bæði í hús-
um sem eru í eigu félagasamtaka og einkaaðila. Sá
hópur kallar á æ meiri þjónustu.“
Áttu von á mörgum á málþingið?
„Já, ég vona að margir komi, sérstaklega fólk
sem starfar við ferðaþjónustu eða sveitarstjórn-
armál, en allir eru velkomnir. Aðgangur er ókeyp-
is og öllum sem koma verður boðið upp á kaffi og
meðlæti.“
Ferðamál | Málþing um ferðaþjónustu á morgun á Hótel Flúðum
Litið til framtíðar

Ásborg Arnþórs-
dóttir fæddist 1957.
Hún er ferðamála-
fulltrúi uppsveita Ár-
nessýslu. Ásborg hefur
lokið námi í uppeldis-
og menntunarfræði og
náms- og starfsráðgjöf
frá Háskóla Íslands.
Hún hefur starfað við
ýmislegt varðandi
ferðamál um langt ára-
bil en síðastliðin tíu ár hefur hún unnið að
ferðamálum í uppsveitum Árnessýslu. Hún er
gift og á tvö börn.
Óvænt stefna.
Norður
♠–
♥ÁD864 A/En-
ginn
♦K107543
♣K5
Vestur Austur
♠1096532 ♠KG874
♥107 ♥92
♦9 ♦Á862
♣10843 ♣Á6
Suður
♠ÁD
♥KG53
♦DG
♣DG972
Þrátt fyrir sjálfgefna byrjun geta
sagnir skyndilega tekið óvænta
stefnu.
Hér opnar austur á einum spaða
og suður kemur inn á 15–17 punkta
grandi. Ekkert skrýtið og ekkert
óvænt.
Og það kemur heldur ekki á óvart
að vestur skuli stökkva hindrandi í
fjóra spaða.
En nú er tími hins sjálfsagða lið-
inn og allt getur gerst.
Hvað á norður að segja? Hann er
með 6–5-skiptingu í rauðu litunum,
eyðu í spaða og 12 punkta og verður
að gera eitthvað róttækt.
Spilið er frá vorleikunum í Dallas
og norður valdi að stökkva í fimm
grönd, sem hann meinti sem
slemmukröfu í tveimur litum.
Og hugðist auðvitað breyta sex
laufum í sex tígla og sýna þannig
rauðu litina.
Eins og sjá má vantar ásana í lág-
litunum, svo þessi keyrsla norðurs
virðist dæmd til að enda með
árekstri. En þá gerðist hið óvænta –
austur doblaði:
Vestur Norður Austur Suður
– – 1 spaði 1 grand
4 spaðar 5 grönd * Dobl Redobl
Pass Pass Pass
Doblið er ekki alvitlaust – austur
bjóst auðvitað við að NS væru á leið-
inni í slemmu og vildi fyrirbyggja að
makker fórnaði í sex spaða. Suður sá
sér hins vegar leik á borði og
redoblaði út á ÁD í spaða. Norður
treysti makker sínum og sagði pass.
Ellefu slagir eru öruggir, en austur
brann inni með laufásinn og sagnhafi
fékk tólf slagi og 1240.
Brids er furðulegt spil.
BRIDS
Guðmundur Páll Arnarson | dagbok@mbl.is
1. e4 c5 2. Rf3 Rc6 3. Bb5 g6 4. Bxc6
dxc6 5. d3 Bg7 6. h3 Rf6 7. Rc3 Rd7
8. Be3 e5 9. Dd2 De7 10. Bh6 f6 11.
Bxg7 Dxg7 12. a3 O-O 13. O-O Hf7
14. b4 b5 15. Re2 a5 16. c4 Ba6 17.
cxb5 Bxb5 18. bxa5 Df8 19. a4 Ba6 20.
Dc3 Dd6 21. Ha3 Rf8 22. Rd2 Re6 23.
Hb1 Hd7 24. Rc1 Kg7 25. Hab3 Rf4
26. Rc4 Bxc4 27. Dxc4 Hxa5 28. Hb7
Ha7 29. Hxd7+ Dxd7 30. Hb8 Df7 31.
Dc2 c4 32. dxc4 Dd7 33. Kh2 c5 34.
Hb5 Re6 35. Dd3 De7 36. a5 Rd4
Staðan kom upp á Evrópumeist-
aramóti einstaklinga sem lauk fyrir
skömmu í strandbænum Kusadasi í
Tyrklandi. Ungverski stórmeistarinn
Csaba Balogh (2576) hafði hvítt gegn
tyrkneska alþjóðlega meistaranum
Mert Erdogdu (2375). 37. Rb3! Snjöll
skiptamunsfórn sem kemur frípeðum
hvíts á hreyfingu. 37...Rxb5 38. cxb5
c4 39. Dxc4 Hc7 40. Dd5 Hd7 41. Dc5
Df7 42. Dc3 Hd1 43. b6 fátt getur nú
stöðvað frípeð hvíts. 43...Hb1 44. Rc5
Da2 45. Dd3 Da1 46. Re6+ Kh6 47.
Dd2+ g5 48. Dd7 Hh1+ 49. Kg3
Hxh3+ 50. Kxh3 og svartur gafst
upp.
SKÁK
Helgi Áss Grétarsson | dagbok@mbl.is
Hvítur á leik.
Forsetann í Viðey
NÚ hefur einhverjum snillingi dottið
í hug að flytja Árbæjarsafn út í Við-
ey. Hverjir sækja heim Árbæj-
arsafn?
Væntanlega einhverjir túristar,
en einnig töluvert af skólabörnum og
eldri borgurum.
Ætli þeir hafi áhuga á að leggjast í
sjóferðir um hávetur til að berja
safnið augum? Varla.
Árbæjarsafnið er ágætlega sett
þar sem það er, en ef þörf er á að
losa land þar mætti flytja safnið í
Vatnsmýrina. Þar gæti það verið
prýðileg túristagildra í göngufæri úr
101.
Ef flytja ætti eitthvað eða ein-
hvern út í Viðey, þá mætti gjarna
flytja forsetaembættið þangað. Þar
gæti forsetinn sýnt sig og séð aðra,
umluktur Atlantshafinu á alla kanta.
Hann gæti svo sýnt gestum sínum
friðarsúlu Jókó Ónó.
Við flutning forsetaembættisins
frá Bessastöðum losnaði mikið af
góðu byggingarlandi á Bessastaða-
landi og á Álftanesi. Þaðan mætti
svo byggja brú, leggja hraðbraut
eða grafa göng yfir til Reykjavíkur,
og þá er komin prýðileg tenging til
og frá Reykjavíkurflugvelli, við ná-
grannasveitarfélögin og Suðurnes.
Ertu með?!
Borgarbúi.
Gjaldfrjáls leikskóli
- leiðrétting
Í þættinum hjá Ingva Hrafni sl. mið-
vikudag var Svandís Svavarsdóttir
að ræða um leikskólamálin og nefndi
þá að hugmyndin um gjaldfrjálsan
leikskóla hefði fyrst komið fram hjá
Vinstri grænum árið 2001. Þetta er
ekki rétt því árið 1998 var það eitt af
kosningamálum Kópavogslistans/
Samfylkingarinnar í Kópavogi að 4
klst. skólavist yrði gjaldfrjáls hjá öll-
um börnum í leikskóla. Þessi hug-
mynd kom frá Pétri Má Ólafssyni,
þáverandi gjaldkera Kópavogslist-
ans.
Ég veit að stór hluti leikskóla-
kennara man eftir þessu, því hug-
myndin vakti sérstaka athygli
þeirra.
Með bestu kveðju,
Kristín Jónsdóttir,
fyrrv. bæjarfulltrúi
í Kópavogi.
Velvakandi
Svarað í síma 5691100 frá 10–12
og 13–15 | velvakandi@mbl.is
Fréttasíminn
904 1100
Staðurogstund
http://www.mbl.is/sos
Félagsstarf
Aflagrandi 40 | Opin handa-
vinnustofa frá kl. 9–16.30. Hár-
greiðslustofa og fótaaðgerðarstofan,
opið frá kl. 9–16 alla daga. Félagsvist
frá kl. 14.
Árskógar 4 | Bað kl. 8–16. Handa-
vinna kl. 9–16.30. Smíði/útskurður kl.
9–16.30. Söngstund kl. 10.30. Fé-
lagsvist kl. 13.30. Myndlist kl. 16.
Bólstaðarhlíð 43 | Almenn handa-
vinna, bútasaumur, samverustund,
fótaaðgerð.
Dalbraut 18–20 | Félagsstarfið er
öllum opið. Munið félagsvistina alla
þriðjudaga kl. 14. Vorhátíð 19. maí
hefst kl. 14. Skemmtun, uppákomur
og gott með kaffinu. Uppl. í síma
588 9533.
Félag eldri borgara í Kópavogi |
Skrifstofa félagsins verður opin í dag
kl. 10–11.30.
Félag eldri borgara í Kópavogi | Fé-
lagsvist verður spiluð í kvöld kl 20.30
í félagsheimilinu Gullsmára
Félag eldri borgara, Reykjavík |
Brids í dag kl. 13. Kaffitár með ívafi kl.
13.30. Danskennsla fellur niður.
Félagsheimilið Gjábakki | Handa-
vinna kl. 9–12. Boccia kl. 9.20. Gler-
og postulínsmálun kl. 9.30. Lomber
kl. 13.15.
Félagsmiðstöðin, Gullsmára 13 |
Handavinnustofan er opin alla mánu-
daga frá kl. 13–17, leiðbeinandi á
staðnum. Alltaf heitt á könnunni.
Góðar aðstæður til að taka í spil.
Félagsstarf aldraðra, Garðabæ |
Kvennaleikfimi kl. 9, 9.50 og 10.45 í
Kirkjuhvoli. Í dag verður farið í heim-
sókn á félagsmiðstöðvarnar í Norð-
urbrún og á Vesturgötu til að skoða
vorsýningar. Mæting í Garðabergi kl.
13.30 og rútugjaldið er 300 kr. Ekki
þarf að skrá sig. Lokað í Garðabergi
vegna ferðarinnar.
Félagsstarf Gerðubergs | Kl. 9–16.30
vinnustofur opnar, m.a. tréútskurður
og almenn handavinna. Kl. 11 sund og
leikfimiæfingar í Breiðholtslaug. Frá
hádegi spilasalur opinn. Kl. 14.30 kór-
æfing. Fimmtud. 18. maí og föstud.
19. maí fellur niður leiðsögn í vinnu-
stofum vegna undirbúnings sýningar
sem verður opnuð laugard. 20. maí
kl. 13.
Furugerði 1, Norðurbrún 1, | Bæj-
arferð verður þriðjudag 16. maí. Ekið
verður um ný hverfi borgarinnar og
síðan endað í Perlunni þar sem fólk
getur keypt sér veitingar. Lagt af
stað frá Norðurbrún kl. 13 og síðan
teknir farþegar í Furugerði. Skráning í
Norðurbrún, sími 568 6969 og Furu-
gerði, sími 553 6040.
Furugerði 1, félagsstarf | Í dag kl. 9
aðstoð við böðun, bókband. Kl. 13
leikfimi og kl. 13.30 koma í heimsókn
Hrafnistukórinn og Böðvar Magn-
ússon. Allir velkomnir. Minnum á bæj-
arferðina á morgun kl. 13.
Hraunbær 105 | Kl. 9 kaffi, spjall,
dagblöðin. Kl. 10 bænastund. Kl. 11
banki. Kl. 12 hádegismatur. Kl. 13 hár-
greiðsla. Kl. 15 kaffi. Handverkssýn-
ing í dag milli kl. 13–17. Allir velkomnir.
Hraunsel | Moggi, rabb og kaffi kl. 9.
Pútt kl. 10. Ganga kl. 9.30. Gafl-
arakórinn kl. 10.30. Tréskurður kl. 13.
Glerbræðsla kl. 13. Félagsvist kl.
13.30.
Hvassaleiti 56–58 | Opin vinnustofa
kl. 9–16 hjá Sigrúnu. Jóga kl. 9–11.
Frjáls spilamennska kl. 13–16. Böðun
fyrir hádegi. Fótaaðgerðir. Sími
535 2720.
Hæðargarður 31 | Félagsstarfið er
öllum opið. Fastir liðir eins og venju-
lega. Vorhátíð hefst kl. 14 föstudag-
inn 26. maí. Uppákomur og sérdeilis
gott með kaffinu. Púttið er hafið!
„Gönuhlaup“ alla föstudagsmorgana
kl. 9.30. „Út í bláinn“ alla laugardags-
morgna kl. 10. Sími 568 3132.
Korpúlfar, Grafarvogi | Á morgun er
sundleikfimi í Grafarvogslaug kl.
9.30.
Norðurbrún 1 | Handavinnusýning frá
kl. 14–17. Á sýningunni verða margir
fallegir munir sem hafa verið unnir af
gestum félagsmiðstöðvarinnar sl.
vetur. Kaffiveitingar og gott meðlæti,
allir velkomnir.
Vesturgata 7 | Kl. 9–16 hárgreiðsla
og fótaaðgerðir. Kl. 9.15–15.30
handavinna. Kl. 9–10 boccia. Kl. 11–12
leikfimi. Kl. 11.45–12.45 hádeg-
isverður. Kl. 13–16 kóræfing. Kl. 13.30–
14.30 leshópur. Kl. 14.30–15.45 kaffi-
veitingar. Handverkssýning frá kl. 13–
17. Sigurgeir Björgvinsson leikur á
flygilinn. Kl. 15 syngur kór fé-
lagsstarfs aldraðra, Söngfuglar, undir
stjórn Árna Ísleifs. Veislukaffi.
Vitatorg, félagsmiðstöð | Smiðja kl.
9–12.30, bókband og hárgreiðsla kl.
9, handmennt almenn kl. 9–16.30,
morgunstund og fótaaðgerðir kl.
9.30, boccia kl. 10, glerbræðsla kl. 13,
frjáls spilamennska kl. 13.
Kirkjustarf
Hjálpræðisherinn á Akureyri | Heim-
ilasamband kl. 15. Allar konur vel-
komnar.
Kristniboðssalurinn | Samkoma í
Kristniboðssalnum Háaleitisbraut
58–60 miðvikudag 17. maí kl. 20.
„Hve mörg brauð hafið þér?“ Mar-
grét Jóhannesdóttir talar. Bæna-
stund. Kaffi eftir samkomuna. Allir
eru velkomnir.
Langholtskirkja | Aðalsafn-
aðarfundur Langholtssóknar verður
haldinn í safnaðarheimilinu mánu-
dagskvöldið 15. maí kl. 20. Venjuleg
aðalfundarstörf – en engar kosningar
eru að þessu sinni. Sóknarbörn eru
hvött til að kynna sér starfið í kirkj-
unni. Kaffiveitingar.