Morgunblaðið - 15.05.2006, Blaðsíða 40

ÁSKRIFT-AFGREIÐSLA 569 1122 MÁNUDAGUR 15. MAÍ 2006 VERÐ Í LAUSASÖLU 220 KR. MEÐ VSK.
www.xf.is
www.f-listinn.is
ÁHUGI er á að endurgera gömlu slökkvistöðina
við Tjarnargötu og opna þar minjasafn. Mikið af
búnaði stöðvarinnar er enn til, t.d. hluti innrétt-
inga, útkallsborð, símar, búningar, slökkvibílar og
fleira. Að sögn Jóns Viðars Matthíassonar,
slökkviliðsstjóra Slökkviliðs höfuðborgarsvæð-
isins, reyndi Slökkvilið Reykjavíkur að fá gömlu
stöðina undir safn fyrir um áratug. „Þá var tekið
vel í hugmyndina, en henni samt hafnað því Borg-
arendurskoðun skorti húsnæði,“ sagði Jón Viðar.
Það myndi lífga mjög upp á bæjarmyndina að
hafa þarna slökkviliðsminjasafn, að mati Jóns Við-
ars. Hann sagði að ef húsnæðið í Tjarnargötu 12
losnaði væri mikilvægt að það yrði tekið frá fyrir
safn. „Við þurfum að vera næstir í röðinni ef sú
starfsemi sem þarna er fer annað. Það er þekkt
erlendis að hafa gamlar slökkvistöðvar í miðbæj-
arkjörnum. Svona slökkviliðsminjasöfn eru í flest-
um höfuðborgum Norðurlanda.“
Fjörutíu ár frá flutningi
Fjörutíu ár voru liðin í gær frá því að Slökkvilið
Reykjavíkur flutti höfuðstöðvar sínar úr Tjarn-
argötu 12 í Skógarhlíð 14. Af því tilefni hittust
slökkviliðsmenn, sem unnu í Tjarnargötunni, og
rifjuðu upp gamla daga. Að sögn þeirra Arnþórs
Sigurðssonar og Einars Gústavssonar eru 18
gömlu starfsfélaganna enn á lífi og mættu 13
þeirra í gær, en fimm voru erlendis eða uppteknir.
Fordson-stigabíll, árgerð 1932, var sóttur til
Hafnarfjarðar, þar sem hann er geymdur, og stillt
upp framan við gömlu slökkvistöðina í gær. Bíll-
inn kom hingað 1934, var lengstum staðsettur í
Tjarnargötunni, og þjónaði sem bakbíll til 1986.
Hann er enn í fullu standi og var haft á orði að all-
ir viðstaddir hefðu ekið þessum bíl. Bíllinn er bú-
inn teinabremsum sem kröfðust svo mikils átaks
að stundum þurfti bókstaflega að standa á brems-
unni.
Morgunblaðið/Júlíus
Fjörutíu ár voru liðin í gær frá því að Slökkvilið Reykjavíkur flutti úr Tjarnargötu 12 í Skógarhlíð 14. Af því tilefni hittust slökkviliðsmenn, sem unnu í
Tjarnargötunni, og rifjuðu upp gamla daga. Gamall slökkvibíll, Fordson árgerð 1932, var sóttur suður í Hafnarfjörð og stillt upp við gömlu stöðina.
Fjörutíu ár eru nú liðin frá flutningi slökkviliðsins úr Tjarnargötu í Skógarhlíð
Vilja opna safn í gömlu slökkvistöðinni
Eftir Guðna Einarsson
gudni@mbl.is
AÐALSTEINN Hallsson, sem er
lamaður fyrir neðan geirvörtur,
gekkst nýverið undir aðgerð í Sví-
þjóð þar sem allir fingur á hægri
hendi voru tengdir á nýjan hátt og
nú getur hann bæði hreyft fingurna
og gripið með þeirri hendi. Er hann
fyrstur Íslendinga til að fara í slíka
aðgerð. Aðalsteinn lenti í bílslysi
fyrir tveimur áratugum sem olli
lömuninni. Hann er með eðlilega
hreyfigetu um axlir en allir fingur
hans hafa hingað til verið lamaðir.
Hann er nú í endurhæfingu á
Grensásdeildinni og er mjög
ánægður með árangur aðgerð-
arinnar.
Addi Halls, eins og hann er jafn-
an kallaður, segist daginn eftir að-
gerðina hafa getað hreyft fingurna,
„og ég vissi ekki hvort ég ætti að
gráta, öskra eða hlæja“, útskýrir
hann. „Það var ólýsanlegt að sjá
puttana hreyfast í fyrsta skipti í
tuttugu ár og mér fannst tíminn
standa í stað.“
Addi býr á Húsavík, einn með tík-
inni Nítu og sér um sig sjálfur utan
þess að hann fær heimilishjálp
reglulega og á bíl sem er sérhann-
aður fyrir hann. „Ég hef haft að
leiðarljósi þá hugsun að maður get-
ur allt, þetta snýst bara um að finna
réttu aðferðina til að gera það,“
segir Addi. „Mér hefur oft tekist að
finna lausnir sem eru mjög einfald-
ar þegar fötlun mín hefur takmark-
að að ég geti eitthvað.“ | 14
Fingurnir tengdir upp á nýtt.
Fékk aftur
máttinn í
fingurna
UM 180 björgunarsveitarmenn og
lögregla tóku í gær þátt í leit að
sautján ára pilti, Pétri Þorvarðar-
syni, sem í gærkvöldi hafði ekkert
spurst til síðan um klukkan fjögur í
fyrrinótt. Leit stóð yfir frá því um
klukkan 14.30 í gær og leitað var á
stóru svæði í nágrenni Grímsstaða á
Fjöllum og var hann ófundinn þegar
Morgunblaðið fór í prentun.
Pilturinn var í gleðskap í Gríms-
tungu, sem er í nágrenni Grímsstaða,
en lagði af stað þaðan fótgangandi og
ætlaði austur á Egilsstaði á Héraði.
Hann var í einhverju síma- og sms-
sambandi fyrst eftir að hann yfirgaf
húsið en síðan hafði ekkert heyrst frá
honum, samkvæmt upplýsingum úr
stjórnstöð björgunarsveita í gær-
kvöldi.
Flugvél tók þátt í leitinni auk þess
sem þyrla frá dönsku herskipi fór á
leitarsvæðið í gærkvöldi. Báðar þyrl-
ur Landhelgisgæslunnar eru bilaðar
og ekki var hægt að fá þyrlu frá
varnarliðinu. Hundar tóku þátt í leit-
inni og í gærkvöldi var vonast til að
sporhundar sem voru á leið frá
Reykjavík með þyrlunni myndu kom-
ast á sporið. Björgunarsveitarmenn
sem tóku þátt í leitinni komu af
svæði 11, 12 og 13, eða frá Eyjafirði
og allt austur á firði.
Leitað að unglings-
pilti í kringum
Grímsstaði á Fjöllum
Leitað var í nágrenni Grímsstaða á
Fjöllum bæði á jörðu og úr lofti.
  

    













 



!

  

"#

   
EYÞÓR Arnalds, oddviti á lista
sjálfstæðismanna í Árborg, hefur
ákveðið að draga sig í hlé í kosn-
ingabaráttunni fyrir komandi
sveitarstjórnarkosningar. Hann
var handtekinn í Ártúnsbrekku
fyrir meintan ölvunarakstur að-
faranótt sunnudags eftir að hafa
ekið á ljósastaur á Sæbraut við
Kleppsveg í Reykjavík.
Að loknum fjölmennum fundi
sem stóð í um fjórar stundir í Val-
höll í gærkvöldi, þar sem m.a.
voru frambjóðendur flokksins í
Árborg, ýmsir fulltrúaráðsmenn
og forystumenn flokksins, las Ey-
þór eftirfarandi yfirlýsingu:
„Ég harma innilega það atvik
sem átti sér stað sl. nótt þegar ég
var tekinn við ölvunarakstur.
Slíkt hefur aldrei hent mig áður
en er engu að síður óafsakanlegt.
Með þessu brást ég trausti sam-
flokksmanna minna, stuðnings-
manna, fjölskyldu og þeirra kjós-
enda sem ég leita eftir stuðningi
hjá. Þessa iðrast ég af heilum hug
og biðst afsökunar á.
Í framhaldi af þessum atburði
hef ég, í samráði við samstarfs-
menn mína í Árborg og forystu-
menn Sjálfstæðisflokksins,
ákveðið að axla ábyrgð og draga
mig út úr kosningabaráttunni.
Nái ég kjöri mun ég að auki taka
mér frí frá störfum sem bæjar-
fulltrúi í Árborg á komandi kjör-
tímabili meðan á málinu stendur
og ég tek út mögulega ökuleyfis-
sviptingu eða aðra refsingu, eins
og lög segja til um.
Um þessa niðurstöðu er full
samstaða í frambjóðendahópi
Sjálfstæðisflokksins í Árborg
sem áfram mun vinna ótrauður
að sigri Sjálfstæðisflokksins í
kosningunum 27. maí.
Ég tel að áfengi hafi brenglað
dómgreind mína með alvarlegum
afleiðingum og hef í kjölfar þessa
atburðar ákveðið að fara í áfeng-
ismeðferð.“
Eyþór kvaðst hafa játað brot
sitt og mundi taka út refsingu
eins og lög gera ráð fyrir. Hann
sagði þetta vera hörmulegt atvik
sem að sjálfsögðu myndi skaða
Sjálfstæðisflokkinn í Árborg, en
hann vildi biðjast afsökunar og
taka á sínum málum.
Eyþór Arnalds
dregur sig í hlé
GEIR H. Haarde, formaður Sjálfstæðisflokksins, sagði þetta hörmu-
legt mál, sérstaklega fyrir Eyþór Arnalds. „Ég tel að hann hafi tekið
á því af myndarskap og axlað þá ábyrgð sem rétt er að hann axli
vegna þessa,“ sagði Geir. „Ég held að sá manndómur sem hann sýnir
í þessu máli og tekur á sig, sem hlýtur að vera honum persónulega
mjög þungbært, eigi að sýna að Sjálfstæðisflokkurinn víkur sér ekki
undan ábyrgð.“
Geir sagðist styðja niðurstöðu fundarins í Valhöll heilshugar. Að-
spurður hversu mikið áfall þetta væri fyrir flokkinn sagði Geir að
þetta væri fyrst og fremst persónulegt áfall þessa tiltekna frambjóð-
anda.
Persónulegt áfall