Morgunblaðið - 11.06.2006, Side 14

14 C SUNNUDAGUR 11. JÚNÍ 2006 MORGUNBLAÐIÐ
Össur hf.
Grjóthálsi 5
110 Reykjavík
515 1300
www.ossur.com
ferðaráðgjafi
Við óskum að fá til liðs við okkur metnaðargjarnan einstakling sem hefur áhuga á að starfa hjá
fyrirtæki í alþjóðlegu rekstrarumhverfi.
Viðkomandi þarf að búa yfir hæfni í mannlegum samskiptum, sýna frumkvæði, geta unnið
sjálfstætt og vera skipulagður.
hlutverk:
• Skipulagning og umsjón með ferðum starfsmanna víða um heim
• Samskipti við aðila í ferðageiranum
hæfniskröfur
• Reynsla innan ferðageirans
• Góð þekking á Amadeus kerfinu
• Reynsla af fargjaldaútreikningum
• Góð enskukunnátta nauðsynleg
Vinsamlegast fylltu inn umsókn á www.ossur.is, eða sendu okkur umsókn merkta:
Össur – ferðaráðgjafi, b.t. starfsmannastjóra, Grjótháls 5, 110 Reykjavík.
Umsókn þarf að berast fyrir 20. júní.
Nánari upplýsingar veitir starfsmannastjóri í síma 515 1300.
Farið verður með allar umsóknir sem trúnaðarmál og öllum umsóknum svarað.
LÍTIÐ lát virðist enn á miklum halla á vöruskiptum, segir í
Morgunkorni Glitnis, en rætur hallans liggja í æ ríkari mæli í
fjárfestingu og framleiðslu og þáttur innfluttrar neyslu virðist
fara minnkandi.
Bent er á að samkvæmt nýbirtum bráðabirgðatölum Hag-
stofunnar yfir utanríkisviðskipti í maí hafi verðmæti útflutnings
verið 24 milljarðar króna en verðmæti innflutnings 35 millj-
arðar. Halli hafi því verið á vöruskiptum upp á 11 milljarða í
maímánuði. Bæði innflutningur og útflutningur í maí séu með
því mesta sem sést hefur, í krónum talið.
Glitnismenn segja að lægra gengi krónu spili hér inn í. Með-
algildi gengisvísitölu í maí var 126,6. Einnig kunni hátt verð og
aukið útflutt magn áls að eiga þátt í aukningu útflutningsverð-
mætis. Þó beri að hafa í huga að óreglulegir liðir á borð við kaup
og sölu skipa og flugvéla geti einnig haft áhrif á mánaðartölur,
en engin sundurliðun liggi fyrir varðandi bráðabirgðatölur fyrir
útflutning. Sveiflur í eldsneytisinnflutningi hafi einnig töluverð
áhrif á mánaðartölur yfir innflutning. Undanfarið hafi innflutn-
ingur eldsneytis að langmestu leyti átt sér stað annan hvern
mánuð og verið sáralítill í apríl en verulegur í maí.
Hægir á innflutningi neysluvara
Greiningardeild Glitnis bendir á að fjármálaráðuneytið hafi
fjallað frekar um samsetningu innflutnings í vefriti sínu í vik-
unni. Raunar muni 700 milljónum króna á bráðabirgðatölum
þeirra og Hagstofu. Í vefritinu komi fram að staðvirt aukning
innflutnings, að frádregnum skipum og flugvélum, nemi rúmum
23% milli ára.
„Af skrifum fjármálaráðuneytis má ráða að vöxtur innflutn-
ings sé að stærstum hluta drifinn af fjárfestingar- og rekstr-
arvörum, enda eru stóriðjutengdar framkvæmdir í hámarki
þessa dagana. Aftur á móti dregur jafnt og þétt úr vexti inn-
flutnings neysluvara. Til að mynda virðist vera að draga úr inn-
flutningi á bifreiðum eftir geysihraða aukningu á síðasta ári.
Kemur þar bæði til óhagstæðara gengi en ekki síður mettunar-
áhrif enda takmörk fyrir því hvað íslenskir neytendur geta bætt
við bílaflota sinn. Einnig hægir nú á vexti innflutnings annarra
varanlegra og hálf-varanlegra neysluvara, sem sömuleiðis var
ör á síðasta ári,“ segir Morgunkorni Glitnis.
Ekkert lát á mikl-
um viðskiptahalla
Á SÍÐASTA voru 115 verkalýðsleiðtogar myrtir fyrir baráttu
sína fyrir mannsæmandi kjörum, 1.600 urðu fyrir alvarlegu of-
beldi og 9.000 voru handteknir. Frá þessu er greint á vefsíðu VR
og vitnað þar í nýja skýrslu frá ICFTU, Alþjóðasambandi
frjálsra verkalýðsfélaga.
Tíu þúsund manns munu hafa misst vinnuna á síðasta ári fyrir
það eitt að tengjast baráttu verkalýðsfélags. Rómanska Am-
eríka er sögð viðsjárverður staður fyrir verkalýðsleiðtoga og
aðra þá sem taka þátt í baráttu stéttarfélaga, sérstaklega Kól-
umbía en þar voru 70 verkalýðsleiðtogar myrtir fyrir baráttu
sína. Önnur lönd á heimslistanum eru m.a. Írak, Íran, El Salva-
dor, Kína og Kambódía.
„Skýrslan þetta árið sýnir mjög alvarlega þróun, einkum
hvað varðar réttindi kvenna, farandverkamanna og þeirra sem
vinna hjá hinu opinbera,“ var haft eftir Guy Ryder, formanni
ICFTU.
Á vef VR segir að í Austur-Evrópu sé mikil andstaða við
stofnun frjálsra verkalýðsfélaga meðal vinnuveitenda og hjá
hinu opinbera. Þá sé einnig annað alvarlegt vandamál í nokkr-
um ríkjum í austanverðri Evrópu, þ.e. að vinnuveitendur neiti í
sumum tilfellum að leggja félagsgjöld starfsmanna sinna inn á
reikninga stéttarfélaga. Verst sé ástandið í Hvíta-Rússlandi,
segir í skýrslunni, íhlutun hins opinbera og truflun á starfsemi
frjálsra stéttarfélaga sé daglegt brauð. Í vesturhluta álfunnar
er m.a. fjallað um fjöldauppsagnir í Bretlandi, tregðu fyrirtækja
í Þýskalandi og Belgíu til að heimila kjarasamninga eða við-
urkenna rétt stéttarfélaga til að koma að kjarasamningagerð og
fleira.
Reuters
115 verkalýðs-
leiðtogar myrtir