Morgunblaðið - 16.06.2006, Blaðsíða 12
12 B FÖSTUDAGUR 16. JÚNÍ 2006 MORGUNBLAÐIÐ
bílar
ÞAÐ hefur væntanlega ekki farið
framhjá neinum sú mikla aukning
sem hefur orðið á andvísitölubílum á
sl. misserum. Fyrir rúmum fimmtán
árum, þegar blaðamaður var nýbúin
að fá sitt bílpróf, voru meðal fínustu
bíla landsins Toyota Corolla GTi,
Toyota Celica Supra 2,8 og Mitsub-
ishi Starion. Í dag finnast á götum
landsins alls konar bílar sem flestir
höfðu talið að ættu ekkert erindi til
Íslands, bílar eins og Jagúar, Bent-
ley, Rolls Royce, Dodge Viper,
Porsche 911 í öllum hugsanlegum
útgáfum, Maserati, Lotus og meira
að segja Ferrari.
Þó að bílaáhuginn hafi gengið í
endurnýjun lífdaga á hagvaxtar-
skeiðinu um síðustu aldamót má
telja líklegt að veraldarvefurinn hafi
átt sinn þátt í að blása lífi í bíla-
menninguna á Íslandi. Á næstu vik-
um skoðum við því hvaða spjallsíður
eru í boði fyrir fróðleiksþyrst bíla-
áhugafólk. Í þessum tilgangi ræddi
bílablað Morgunblaðsins við sex for-
svarsmönnum íslenskra bílaspjall-
síðna sem sitja fyrir svörum í kom-
andi pistlum.
Live2cruize.com
Fyrsti óháði bílaspjallvefurinn
sem náði miklum vinsældum var
www.live2cruize.com. Vefurinn, sem
upprunalega var stofnaður af ís-
lenskum áhangendum japanskra
bíla til að auka samheldni á meðal
áhugfólks bíla af þessum ættum, á
rætur sínar að rekja til klúbbs með
sama nafni sem var komið á lagg-
irnar 2. febrúar 2001. Stofnendur
klúbbsins voru þau Steven Páll og
Vilhelmína Eva. Vilhelmína, sem er
þekktari undir nafninu Villý, sagðist
einmitt vera á kafi í bíladellunni og
stóð hún einmitt í vinnu fyrir sport-
bílasýninguna Bílar&Sport, http://
www.bilarogsport.is/syning.html,
sem haldin var í Laugardalshöllinni
um síðustu helgi.
Spjallsíðan hefur frá stofnun notið
mikilla vinsælda en spjallmeðlimir
höfðu framan af mestan áhuga á
breyttum bílum. Breytingarnar á
bílunum eru fólgnar í öllu frá ein-
földum útlitsbreytingum s.s. límmið-
um og sérsprautuðum mynstrum,
vindskeiðum, lækkuðu fjöðrunar-
kerfi og til vélar, fjöðrunar og
bremsubreytinga til að auka afköst
bílanna. Í dag er hópurinn mun
breiðari og takmarkast síður en svo
af japönskum bílum.
Í dag eru rúmlega þrjú þúsund
skráðir notendur á L2C eins og
spjallsíðan er nefnd í daglegu tali.
Líklega eru virkir notendur að
minnsta kosti fimm hundruð manns,
sem flestir líta á síðuna daglega, láta
það vera sitt fyrsta verk á morgnana
að skoða ólesinn póst og eru jafnvel
með L2C sem upphafssíðu í vef-
vafranum sínum.
L2C heldur samkomur að jafnaði
einu sinni í mánuði, oftast á fimmtu-
dögum, og hefur fyrirkomulagið ver-
ið sveigjanlegt líkt og hjá flestum
öðrum bílaklúbbunum. Vinsælir
samkomustaðir hafa verið Bílastæði
Kringlunnar og Smáralindar og
Miðbakki á móts við Kolaportið. Á
samkomur eru öll þau sem geta haft
hemil á hægri fætinum velkomin.
BMWKraftur.is
Bílablað Morgunblaðsins náði tali
af tveimur af forsvarsmönnum
BMWKrafts á Íslandi, þeim Sæ-
mundi Stefánssyni, sem oft er kall-
aður bangsapabbi, og Ingimar Ró-
bertssyni. Klúbburinn BMWKraftur
var stofnaður 9. júlí 2002 og fylgdi
spjallsíðan www.bmwkraftur.is fljót-
lega í kjölfarið. Klúbburinn hefur
jafnframt náð þeim áfanga að vera
viðurkenndur í samfélagi alþjóð-
legra BMW-klúbba og þykir það
mikill heiður.
Spjallsíðan er lykillinn að vel-
gengni klúbbsins en þar getur
áhugafólk um BMW sameinast um
áhugamálið og hefur vöxtur síðunn-
ar sýnt að spjallsíður sem einbeita
sér að ákveðinni bílategund eiga
fullan rétt á sér. Spjallmeðlimum
hefur fjölgað úr fimmtíu notendum
eftir fyrsta mánuðinn í rúmlega
1.600 skráða notendur í dag en lík-
lega eru virkir notendur um eða yfir
400.
Þeir Sæmundur og Ingimar segja
að klúbburinn sé nokkuð virkur þó
alltaf megi gera betur; „samkomur
hafa verið á þriggja vikna fresti í
vetur og verða á tveggja vikna fresti
í sumar“, en á þessar samkomur er
yfirleitt mjög vel mætt.
Ingimar segir að haldin hafi verið
bíllaus kvöld, sem hann kallar
reyndar bjórkvöld, en þá skilja með-
limir bílinn eðlilega eftir heima. Svo
hafa verið haldin poolmót og spurn-
ingakeppnir auk þess sem það er
orðin fastur liður að keyra í halarófu
á Bíladaga Bílaklúbbs Akureyrar.
Þar er svo slegið upp tjöldum og
grillað á kolagrilli með BMW merk-
inu á lokinu.
Tegundartengdir klúbbar hafa
lagt mikla áherslu á þjónustu og góð
kjör eigendum bílanna til góða og er
þar kannski einna mikilvægastur af-
sláttur í varahlutaverslunum um-
boðanna auk þess sem margir nýta
sér myndasvæði á netinu þar sem
meðlimir geta hlaðið upp myndum af
bimmunum sínum.
Reiknivél BMWKrafts hefur
sömuleiðis vakið athygli, en með
henni er hægt að reikna út með
ágætri nákvæmni hvað innfluttur
bíll frá meginlandinu kostar á göt-
una hér á Íslandi með tilheyrandi
tollum og aðflutningsgjöldum.
Flestar spjallsíðurnar eru með
nokkra spjallflokka og meðal þeirra
finnast yfirleitt flokkar þar sem gert
er ráð fyrir tæknilegum umræðum.
Þar hafa margir fundið lausn á ein-
földum vandamálum sem geta hrjáð
nútíma bíla með því að útlista vanda-
málið á spjallinu. Oftast eru gagnleg
svör komin innan skamms tíma frá
reyndum mönnum sem oftar en ekki
hafa sérþekkingu á viðkomandi
merki.
Spjallmeðlimir hafa einnig verið
duglegir við að fara í þjóðvegatúra
og hafa þá iðulega sent inn myndir
og haldið dagbækur þar sem klúbb-
félagar geta fylgst með framgangi
ferðarinnar. Þessi akstursþrá hefur
skilað ökumönnum á fræga staði
eins og Nurburgring Nordschleife,
sem er Mekka flests bílaáhugafólks.
Er þá gjarnan ekið til Egilsstaða, og
Norræna tekin yfir á meginlandið
svo hægt sé að spretta úr spori á
eigin bíl, löglega.
Umfjölluninni um bílaspjallsíð-
urnar verður haldið áfram í næstu
viku.
Ljósmynd/Ingimar Róbertsson
Samkoma við Perluna í september árið 2004.
Ljósmynd/ Ingimar Róbertsson
Bíladagar 2005, Gunni „forseti“ með fánann góða
Bílaspjallsíður landsins
njóta mikilla vinsælda
TENGLAR
..............................................
http://www.bmwkraftur.is/
innflutningur/
Eftir Ingvar Örn Ingvarsson
ingvarorn@mbl.is
Í ÁLABORG í Danmörku taka 300
ungir ökumenn þátt í samstarfi við
Álaborgarháskóla og trygginga-
félagið Topdanmark sem miðar að
því að draga úr ökuhraða og auka
umferðaröryggi. Ef tilraunin gengur
vel gæti farið svo að allt að
400.000 eigendur og ökumenn bif-
reiða með GPS myndu nýta sér
tæknina til að temja sér rólegri
akstursmáta.
Samkvæmt Jyllands-Posten eru
bundnar miklar vonir við að GPS-
búnaðurinn geti bjargað mannslífum,
en kostnaðurinn, sem er talinn nema
120 milljónum íslenskra króna, er
aðeins brot af þeim fjármunum sem
árlega er varið í umferðaröryggi í
Danmörku. Áætlaður rekstrarkostn-
aður kerfisins mun svo aðeins
hlaupa á sem nemur um 24 millj-
ónum íslenskra króna á ári.
Umferðaryfirvöld hafa þó ekki tek-
ið vel í þessa tækninýjung og því
hefur Norður-Jótlandskommúna
tekið kerfið upp á sína arma og stutt
átakið.
Kerfið virkar þannig að ökumenn
fá sjálfkrafa viðvörun þegar ekið er
yfir hámarkshraða, en haldið er utan
um hraðatakmarkanir með hjálp
GPS gervihnattastaðsetningarkerf-
isins.
Lægri rekstrarkostnaður er hvatinn
Hvatinn í kerfinu kemur frá samn-
ingi við tryggingafélagið Top-
danmark. Með hjálp skráningar á öll-
um hraðatakmörkunum í Álaborg
getur tryggingafélagið fylgst með
ökuhraða ungra ökumanna og umb-
unað þeim fyrir rólegan akstur en að
sama skapi hækkað iðgjaldið þegar
of greitt er ekið.
Þeir ungu ökumenn sem þegar
hafa prófað kerfið segja það hafa af-
slappandi áhrif að vita til þess að
þeir aki ávallt á löglegum hraða.
Sömuleiðis er fjárhagslegur hvati
kerfisins sterkur, ökumenn komast
bæði lengra á hverjum lítra af elds-
neyti og þeir njóta allt að 30% lægri
tryggingariðgjalda. Iðgjaldið hækkar
hins vegar ef hraðinn er aukinn en
ökumenn hafa 10 sekúndur til að
hægja á sér eftir að kvenmannsrödd
lætur vita að komið sé yfir hámarks-
hraða. Enn sem komið er lofa nið-
urstöður tilraunarinnar góðu, en í
Svíþjóð hafa sambærilegar tilraunir
skilað 20% lægri slysatíðni.
Ungir ökumenn beislaðir
með GPS í Danmörku
Morgunblaðið/RAX
Danir vonast til þess að GPS-tækin
muni draga úr aksturshraða.
QUADSKI er nafnið á frumgerð
af nýju hraðskreiðu fjórhjóli sem
einnig getur ferðast á vatni og
sagt var frá í breska dagblaðinu
Daily Telegraph á dögunum.
Farartækið, sem nær allt að 72
km hraða á klukkustund, er
hannað af nýsjálenska fyrirtæk-
inu Gibbs Technologies, sem auk
óvenjulegra farartækja framleið-
ir m.a. skipaskrúfur. Bensíntank-
urinn leyfir allt að tveggja tíma
siglingu eða 600 km vegalengd á
landi og það tekur innan við
fimm sekúndur og stillingu eins
takka að breyta farartækinu
þannig að það sé fært í siglingu
eftir aksturinn.
Quadski notar samskonar vél
og Aquada, bíll sem einnig getur
ferðast á vatni og þegar hefur
komist á heimsmetalista fyrir að
vera fyrsti bíllinn til að keyra yf-
ir Ermarsundið.
Á láði sem legi
Það er ekki amalegt að geta keyrt beint í sjóinn.