Morgunblaðið - 23.01.2007, Blaðsíða 17

MORGUNBLAÐIÐ ÞRIÐJUDAGUR 23. JANÚAR 2007 17
MENNING
E
N
N
E
M
M
/
S
ÍA
/
N
M
2
4
3
4
6
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00 - 18.00 og laugardaga kl. 12.00 - 16.00
Selfossi
482 3100
Umboðsmenn
um land allt
Njarðvík
421 8808
Akranesi
431 1376
Höfn í Hornafirði
478 1990
Reyðarfirði
474 1453
Akureyri
461 2960
2.790.000kr.
Saab 9-3 Linear 1.8 i, beinskiptur
Saab
Ertu ekki örugglega í þotuliðinu?
Framleiðendur hinna virtu Saab bifreiða eiga að baki áratugalanga sögu sem flugvélaframleiðendur. Saab
9-3 hefur fengið fjölda verðlauna fyrir frábæra aksturseiginleika og öryggi. Sannkölluð evrópsk gæði,
skemmtileg hönnun, öflug vél og ríkulegur staðalbúnaður er það sem gerir Saab 9-3 að afburða bíl.
Nú bjóðum við þér eina af þotunum í Saab bílaflotanum, 9-3 Linear, á frábæru verði.
Komdu og reynsluaktu, finndu muninn!
ÉG ÞEKKTI eitt sinn konu sem
bjó í Eyjafirði í hartnær áttatíu ár
og taldi aldrei ástæðu til að bregða
sér til Reykjavíkur, svo þótti henni
fjörðurinn fagur. Það var alveg
hægt að skilja hana á sunnudag-
inn, hvítur snjór yfir öllu, blæja-
logn, og smástund flögruðu dreifð
snjókorn yfir Samkomuhúsið eins
og einhver sæti þarna lengst uppi
og væri að minna okkur á kankvís-
an og leikrænan hátt á að hér væri
verið að halda upp á hundrað ára
afmæli.
Inni í Samkomuhúsinu var þessu
hins vegar þveröfugt farið. Þar
sáu menn bara svart: Svartan kött
og svartan húmor. Sögur úr írsk-
um veruleika hafa löngum heillað
okkur á leiksviði og skilið eftir
markverð spor í leikritun okkar.
Hér dregur Lundúnabúinn Martin
McDonagh upp enn eina myndina
fyrir okkur úr þeim ranni, nú tæt-
ir hann í sundur í háði liðsmenn
IRA, ofbeldisaðgerðir og tilgangs-
laus, tilefnislaus morð. Og ef svo-
lítið lengra er litið hversu hvers-
dagsleg hryllingurinn og
ódæðisverk umheimsins eru orðin
okkur öllum.
Þótt samúð mín hafi ætíð verið
með þeim kaþólsku í stríði þeirra
við mótmælendur og Breta, senni-
lega vegna áhrifa íslensks leik-
húss, þá gat ég ekki annað en
skemmt mér yfir smellna, þétt-
riðna plottinu sem leiðir af dauða
svarta kattarins hans Patreks; en
sá ofbeldisfulli drengur elskar ekki
beinlínis mennina en þennan kött
svo mikið að það leiðir til blóðugra
hefnda í stíl Íslendingasagna og
Quentins Tarantinos. Samtöl eru
líka hnyttin og lipurlega þýdd af
Hávari Sigurjónssyni.
Allir eru íbúar afskekkta byggð-
arlagsins Inishmore aular og skop-
myndir í sýningu LA og leikstjórn
Magnúsar Geirs. Skemmtilega
teiknaðar klisjur úr nútímamenn-
ingu, einkum einfaldur, heillandi
klikkhausinn Patrekur í meðförum
Ívars Arnar Sverrissonar og kyn-
legur, útsmoginn faðir hans leikinn
af Þráni Karlssyni, hann á líka
bestu brandarana í verkinu – eða
skilar þeim best. Páll S. Pálsson
leikur kostulega sjálfumglaðan
IRA-mann og „besserwisser“ og
gaman að fylgjast með hversu ná-
kvæmlega hann vinnur. Guðjón
Davíð Karlsson vinnur líka vel úr
hlutverki fórnarlambs en gerir
kannski ekki mikið nýtt. Ólafur
Steinn Ingunnarson er skemmti-
legur smábófi með lítið hjarta og
vekur samúð. Gísli Pétur Hinriks-
son getur hins vegar betur en
hann gerði á þessari sýningu og
Þóra Karítas Árnadóttir, sem hér
stígur sín fyrstu spor á leiksviði
sem snaggaraleg, forvitin, áhrifa-
gjörn ung stúlka, hefur skemmti-
legt vald á hreyfingum og lát-
bragði en verður að bæta
framsögn sína.
Gervi Rögnu Fossberg eru auð-
vitað mjög góð og búningar Fil-
ippíu Elísdóttur eru fyndnir og
styðja persónusköpunina ákaflega
vel. Filippía gerir hér sína fyrstu
leikmynd, óræðan, dulúðugan,
innilokaðan stað milli sundurskor-
inna húsa, vísandi til lamandi for-
tíðar en einnig grænnar eyjar, og
þar sem mögulegt er að leika á
mörgum plönum. Hún á vonandi
eftir að gera þær fleiri. Ég sá aðra
sýningu á þessu verki, daginn eftir
frumsýningu, sem er eiginlega óaf-
sakanlegt, enda var hún svolítið
sein í gang og sums staðar óslípuð
eins og í hlátrasköllum ómennanna
þriggja. Ég mæli samt með Svört-
um ketti, einkum fyrir unnendur
svarts húmors og Íslendingasagna.
Tónlistin er líka góð.
Svart í hvítum snjó
LEIKLIST
Leikfélag Akureyrar
Eftir Martin McDonagh í þýðingu Hávars
Sigurjónssonar. Leikstjóri: Magnús Geir
Þórðarson. Leikmynd og búningar: Fil-
ippía Elísdóttir. Lýsing: Þórður Orri Pét-
ursson. Gervi: Ragna Fossberg. Tónlist:
Hlómsveitin SKE. Leikarar: Gísli Pétur
Hinriksson, Guðjón Davíð Karlsson, Ívar
Örn Sverrisson, Ólafur Steinn Ingunn-
arson, Páll S. Pálsson, Þóra Karítas Árna-
dóttir, Þráinn Karlsson. Samkomuhúsið
Akureyri, sunnudaginn 21. janúar.
Svartur köttur
Morgunblaðið/Skapti Hallgrímsson
Svartur húmor „Sögur úr írskum veruleika hafa löngum heillað okkur á leiksviði …“María Kristjánsdóttir
Fréttir á SMS