Morgunblaðið - 07.07.2007, Blaðsíða 23

MORGUNBLAÐIÐ LAUGARDAGUR 7. JÚLÍ 2007 23
AKUREYRI
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Barcelona
í júlí
frá kr. 39.990
Vikuferð ótrúlegt verð!
Heimsferðir bjóða frábært tilboð á vikuferðum til Barcelona í júlí.
Barcelona er einstök perla sem Íslendingar hafa tekið ástfóstri við. Frá-
bært mannlíf og óendanleg fjölbreytni í menningu og afþreyingu að
ógleymdu úrvali fjölbreyttra verslana í borginni. Gríptu þetta frábæra tæki-
færi - takmörkuð gisting og sætafjöldi í boði!
Verð kr. 39.990
Netverð á mann, m.v. gistingu í tvíbýli
á Travelodge Hospitalet í 7 nætur með
morgunverði, 13. , 20. og 27. júlí.
Verð kr. 49.990
Netverð á mann, m.v. gistingu í tvíbýli
á Hotel NH Numancia ***+ í 7 nætur
með morgunverði, 13. , 20. og 27. júlí.
Eftir Hjálmar Stefán Brynjólfsson
hsb@mbl.is
MARGRÉT H. Blöndal opnar sýn-
ingu í Galleríi BOXi í dag kl. 14. Mar-
grét, sem tilnefnd var til sjónlista-
verðlaunanna fyrir ári, vinnur
yfirleitt með þrívíða hluti, skúlptúra
og innsetningar,
en mun bregða út
af venjunni og
sýna teikningar.
„Teikningarn-
ar gerði ég í júní
sl., en þær eru
unnar úr vatnslit-
um og ólífuolíu,“
segir Margrét.
„Ég byrjaði að
vinna slíkar
teikningar þegar ég var í vinnustofu
í Vestur-Noregi fyrir rétt rúmu ári.
Vinnustofan var mjög falleg, hátt til
lofts og gler náði frá gólfinu og upp í
loft. Birtan sem skein í gegn var svo
falleg að ég vildi njóta hennar og eira
við skoðun; ég gat eiginlega ekki
hugsað mér að vinna neina skúlpt-
úra.“
Ólífuolían næringarrík fyrir
augu og til inntöku
Margrét hefur áður unnið tvívíð
verk, og notaðist þá við silkiþrykk,
sem hún málaði í eftir á. Teikning-
arnar sem um ræðir eru áframhald á
því vinnuferli sem hún notaðist við
þá. Í raun voru það samt kostir ólífu-
olíunnar sjálfrar sem drógu hana út í
teikningarnar sem nú eru til sýnis:
„Mér finnst ólífuolía eitt fallegasta
efni sem til er. Hún er næringarrík
fyrir augu og líka til inntöku. Hún er
líka svo lifandi efni.
Mig hafði lengi langað til að finna
aðferð til aðteikna og í Noregi voru
kjöraðstæður. Það tók mig tíma að
finna rétta nálgun því mér finnst svo
gott að handfjatla efni og teikning-
arnar höfðu tilhneigingu til að verða
flatar. Ólífuolían breytir efniskennd-
inni í vatnslitunum, þeir verða seig-
fljótandi og skúlptúrískari. Um leið
og ég dýfi penslinum upp úr olíunni
og reyni að blanda hann litunum
verður til einhver kemía sem kallar
safann fram í fingurgómunum.“
Breytist við hverja sýningu
Ólífuolían spilar stóra rullu í verk-
unum í Galleríi BOXi, en gerir það
einnig í fleiri verkum Margrétar:
„Ég hef til dæmis notað hana í texta-
teikningum sem unnar voru á flug-
bréfsefni. Þar horfði ég út um
gluggann, festi augun við fyrirmynd
og lét hugann leiða mig áfram. Þetta
voru ekki beinlínis ljóð eða prósar
sem ég skrifaði heldur notaði ég
textann eins og teikniáhald. Svo mál-
aði ég skuggann af hlutum sem voru
nálægt mér á pappírinn með ólífuolíu
og formin breyttust eftir því sem
pappírinn drakk í sig olíuna. Skugg-
arnir túlkuðu þá nærveru.“
Þessi nærvera sem Margrét ræðir
um er líka til staðar í verkunum sem
sýnd verða í Galleríi BOXi. Mynd-
irnar eru teiknaðar eftir ljósmynd-
um sem hún hefur tekið á ferðalög-
um eða í hvunndeginum: „Þetta eru
augnablik sem fest á mynd veita mér
tækifæri til að detta inn í skoðunina
og draga hana upp. Myndefnið er
fjölbreytt: líkamsstöður á lífverum,
mynstur í klæðum, hreyfingar, drop-
ar, handtök. Ljósmyndin er akkerið
en svo leiðir teikningin mig áfram.“
Myndanna er að sögn Margrétar
hægt að njóta sem heildar en líka
hverrar fyrir sig: „Þetta er verkefni
sem heldur áfram og ég bæti stöðugt
í klasann, þannig að samsetningin
breytist við hverja sýningu.“
Bregður ljósi á
vatnsliti og ólífuolíu
Margrét H. Blöndal fetar tvívíða slóð í Galleríi BOXi
Morgunblaðið/Árni Sæberg
Tvívíð „Ljósmyndin er akkerið en svo leiðir teikningin mig áfram,“ segir lista-
konan Margrét H. Blöndal um verkin sem sýnd verða í Galleríi BOXi í dag.
Margrét H. Blöndal
ÞAÐ var varla hægt að líta út úr
húsi á Akureyri í gær án þess að fót-
boltaleik bæri fyrir augun. Að vísu
stóð Akureyrarvöllurinn sjálfur
ónotaður en úr því rætist í kvöld. Þá
mætast í fyrsta skipti öldungalands-
lið Dana og Íslendinga. Hann fer
fram kl. 19.30 og á meðal þátttak-
enda verða Guðni Bergsson, Arnór
Guðjohnsen og Þorvaldur Örlygsson
en í liði Dana verða t.a.m. John Sive-
bæk og Mogens Krogh. Leikið verð-
ur í 2 x 35 mínútur.
Í tengslum við landsleikinn stend-
ur nú 19. Pollamótið sem hæst og fer
úrslitaleikurinn fram seinnipartinn í
dag. Karlar leika í þremur deildum:
Polladeild, lávarðadeild og öðling-
adeild. Einnig eru tvær kvennadeild-
ir: Skvísudeild og ljónynjudeild.
Mótinu lýkur í kvöld og lokahóf
hefst kl. 22.
Á KA-vellinum hefur svo verið
spriklað frá því sl. miðvikudag, en
stefnt er að því að úrslitaleikur 5.
flokks drengja fari fram í dag kl.
17.20. 142 lið hafa staðið í ströngu á
þessu 21. móti, sem nú ber heitið N1-
mótið. Hafa liðin að sama skapi sett
sterkan svip á bæinn síðustu daga,
enda ekki óalgengt að sjá heilu hers-
ingarnar af drengjum á vappi í
skrautlegum keppnisbúningum.
Barátta Kapp er best í hófi eru kjörorð Pollamótsins, en það var hins vegar
hart tekist á í viðureignum gærdagsins á Þórsvellinum.
Fótbolti á öllum völlunum
Mark! Heimamenn í KA koma engum vörnum við og leikmaður Breiðabliks skorar. Leikurinn sá var heldur ójafn
og skoruðu Blikar fjögur mörk gegn engu á meðan ljósmyndari Morgunblaðsins fylgdist með leiknum.
Morgunblaðið/Hjálmar S. Brynjólfsson
Danirnir koma! Danska landsliðið mætti í bæinn seinnipartinn í gær og þá
mæddi nokkuð á Halldóri Áskelssyni (fyrir miðju) sem skipuleggur leikinn.