Morgunblaðið - 03.03.2008, Page 5

MORGUNBLAÐIÐ MÁNUDAGUR 3. MARS 2008 F 5
FASTEIGNIR
ÞETTA HELST …
Velta á markaði
 Fjöldi þinglýstra kaupsamninga á
höfuðborgarsvæðinu 22. febrúar til
og með 28. febrúar 2008 var 97. Þar
af voru 76 samningar um eignir í
fjölbýli, 11 samningar um sérbýli og
10 samningar um annars konar eign-
ir.
Þetta kemur fram á vefsíðu Fast-
eignamats ríkisins. Heildarveltan
var 3.338 milljónir króna og með-
alupphæð á samning 34,4 milljónir
króna.
Á sama tíma var 8 kaupsamn-
ingum þinglýst á Akureyri. Þar af
voru 5 samningar um eignir í fjöl-
býli, 1 samningur um sérbýli og 2
samningar um annars konar eignir.
Heildarveltan var 148 milljónir
króna og meðalupphæð á samning
18,5 milljónir króna.
Á sama tíma var 5 kaupsamn-
ingum þinglýst á Árborgarsvæðinu.
Þar af voru 3 samningar um sérbýli
og 2 samningar um annars konar
eignir. Heildarveltan var 87 millj-
ónir króna og meðalupphæð á samn-
ing 17,4 milljónir króna.
Rúmlega 80 íbúðir á melnum
 Verið er að jafna við jörðu síðasta
húsið sem mun víkja á Hrólfs-
kálamel á Seltjarnarnesi fyrir nýrri
íbúabyggð. Í umræddu húsnæði var
áður verslun Bónus til húsa. Áður
höfðu verið rifin hús sem á síðustu
öld hýstu starfsemi frystihúss Ís-
bjarnarins. Á melnum munu á
næstu misserum rísa þrjú fjölbýlis-
hús með bílakjöllurum. Hófust fram-
kvæmdir við fyrsta húsið á síðasta
ári. Fyrstu 26 íbúðirnar verða af-
hentar í nóvember og gengur salan
ágætlega samkvæmt upplýsingum
frá framkvæmdaaðila, Íslenskum
aðalverktökum. Liðlega 80 íbúðir
verða í húsunum þremur. Deili-
skipulag við Hrólfskálamel á Sel-
tjarnarnesi var samþykkt árið 2005 í
kjölfar íbúakosninga um skipulag
svæðisins. ÍAV keypti fasteignir á
svæðinu til niðurrifs og byggingar
nýrra.
Frítt í strætó á Skaganum
 Á fundi bæjarstjórnarAkraness á
þriðjudag í síðustu viku var sam-
þykkt samhljóða að frítt verði í
strætó sem keyrir innanbæjar á
Akranesi frá og með 1. mars. Sam-
kvæmt samþykktinni er gert ráð
fyrir viðbótarkostnaði á árinu sem
nemur 2,3 milljónum króna. Í grein-
argerð sem fylgdi tillögu meirihluta
bæjarstjórnar segir að umferð hafi
vaxið gífurlega síðustu tvö árin í
bæjarfélaginu með aukinni bifreiða-
eign og fjölgun í bæjarfélaginu.
Reiknað er með að samþykktin muni
draga úr þessarri miklu bílaumferð
og minnka umferðarálag og slysa-
hættu.
Gagnrýna mislæg gatnamót
 Íbúasamtök Háaleitis norður hafa
sent borgarstjóra Reykjavíkur og
fleiri borgarfulltrúum bréf vegna
fyrirhugaðra mislægra gatnamóta
við Kringlumýrar- og Miklubraut.
Samtökin vilja að Miklabraut verði
sett í lofthreinsuð jarðgöng frá
Grensásvegi og í lokaðan lofthreins-
aðan stokk framhjá íþróttasvæði
Fram. Þá vilja þau að Kringlumýr-
arbraut verði einnig sett í loft-
hreinsaðan, lokaðan stokk frá
gatnamótum Miklubrautur og a.m.k.
niður fyrir gatnamót Kringlumýr-
arbrautar og Háaleitisbrautar.
Morgunblaðið/Árni Sæberg