Fréttablaðið - 28.04.2009, Qupperneq 2

2 28. apríl 2009 ÞRIÐJUDAGUR
LÖGREGLUMÁL Lögregla höfuð-
borgarsvæðisins handtók í gær tvo
karlmenn og tvær konur í tengsl-
um við húsbrot og rán á Arnarnesi
á laugardagskvöld. Fólkið fannst
eftir ábendingu frá almenningi, en
fjölmargar ábendingar bárust lög-
reglu vegna málsins.
„Þetta er nánast fordæmis-
laust að svona alvarlegt brot eigi
sér stað, við lögðum allt kapp á að
upplýsa þetta mál,“ segir Friðrik
Smári Björgvinsson, yfirlögreglu-
þjónn rannsóknardeildar Lögreglu
höfuðborgarsvæðisins.
Stefán Eiríksson, lögreglustjóri
höfuðborgarsvæðisins, segir ránið
með því alvarlegra sem hann hafi
séð. Hann er sannfærður um að
dómstólar muni taka mjög hart á
þessu máli, en hægt er að dæma
fólk í allt að sextán ára fangelsi
fyrir rán.
Karlmennirnir játuðu í gær að
hafa ráðist grímuklæddir inn á
heimili eldri hjóna, rænt þau og
hótað að myrða þau með hnífum.
Önnur kvennanna játaði að hafa
beðið í bílnum meðan mennirn-
ir athöfnuðu sig innandyra. Ekki
hefur verið upplýst hver tengsl
hinnar konunnar við málið eru.
Farið verður fram á gæsluvarð-
hald yfir fólkinu í dag, annað hvort
á grundvelli rannsóknarhagsmuna,
eða almannahagsmuna, enda er
ógn talin stafa af fólkinu gangi það
laust, segir Friðrik Smári.
Lögregla telur brotið afar alvar-
legt, og lagði gríðarlega áherslu á
að ná ræningjunum sem fyrst,
segir Friðrik Smári. Hann segir
milli 20 og 25 ár frá því líkt mál
kom síðast upp hér á landi.
Fréttablaðið hefur heimildir
fyrir því að ugg hafi sett að mörgu
eldra fólki við fréttir af ráninu á
Arnarnesi. Friðrik Smári segir að
með hörðum viðbrögðum lögreglu
séu send skýr skilaboð að svona
verði einfaldlega ekki liðið.
Hann segir rannsókn málsins á
frumstigi, en vildi ekki upplýsa um
hvort tengsl séu milli hinna hand-
teknu og fórnarlamba þeirra.
Annar karlmaðurinn og önnur
konan voru handtekin um hádegi
í gær. Þau eru á þrítugsaldri. Hitt
parið var handtekið síðdegis, og er
það fólk á tvítugsaldri.
Mennirnir hafa báðir komið
við sögu lögreglu vegna ofbeldis-
og fíkniefnabrota, segir Friðrik
Smári. Konan sem játað hefur
aðild að málinu hefur komið lítil-
lega við sögu lögreglu.
„Við settum allt á fullt og höfum
unnið sleitulaust að rannsókn
þessa máls frá því það kom upp,“
segir Friðrik. Fólkið rændi um
60 þúsund krónum í reiðufé, auk
skartgripa, fartölvu, farsíma og
fleiri muna. Lögregla hefur endur-
heimt hluta ránsfengsins.
brjann@frettabladid.is
Gunnar, var þetta eins og best
verður á kosið?
„Já, eins og staðan er þá er ég mjög
ánægður með hvernig var kosið.“
Borgarahreyfingin fékk fjóra menn kjörna
í alþingiskosningum. Gunnar Sigurðsson
leikstjóri er einn af stofnendum fram-
boðsins.
Sæktu um ÓB-lykilinn á www.ob.is
-5kr.
við fyrstu no
tkun
TB
W
A
\R
EY
K
JA
VÍ
K
\
SÍ
A
og síðan alltaf 2 kr. ásamt
Vildarpunktum með ÓB-lyklinum
AKUREYRI „Hvort þjóðfélags-
ástandið er að fara svona illa í
fólk skal ég ekki segja um. En
maður hefði haldið að svona bygg-
ingar fengju að vera í friði,“ segir
Stefán Arnaldsson, kirkjuvörður í
Akureyrarkirkju. Talsvert hefur
verið um skemmdarverk á kirkj-
unni að undanförnu.
Um síðustu helgi var gang-
stéttarhellu kastað í gegnum
steindan glugga. Áður höfðu fleiri
gluggar verið brotnir, skilaboð
tússuð á veggi og rist í kirkju-
dyrnar með dúkahníf.
Þorgeir segir ástandið leiðin-
legt. „Steinda gluggann þarf að
panta sérstaklega frá Bretlandi.
Það er bæði kostnaðarsamt og
tímafrekt að laga svona hluti,“
segir Stefán. - kg
Steindur gluggi brotinn:
Skemmdarverk
tíð á kirkjunni
TYRKLAND, AP Skotbardagi braust
út í gær á götum Istanbúl milli
lögreglu og herskárra Kúrda.
Bardaginn stóð í klukkustund
og að honum loknum lágu þrír í
valnum. Einn hinna látnu var lög-
reglumaður, annar Kúrdi og sá
þriðji saklaus vegfarandi. Auk
þess særðust átta aðrir.
Átökin hófust þegar lögregla
lét til skarar skríða gegn herská-
um hópum vinstrimanna, mús-
lima og Kúrda. Meira en fjörutíu
manns voru handteknir. - gb
Skotbardagi í Istanbúl:
Þrír féllu í átök-
um við Kúrda
IÐNAÐUR Tómas Sigurðsson, for-
stjóri Alcoa, segir fyrirtækið
halda ótrautt áfram í undirbún-
ingi fyrir álver á Bakka. Hann
eigi reglulegan fund með iðnað-
arráðuneytinu í
dag og ætli ekki
að láta stjórnar-
myndunarvið-
ræður vinstri
flokkanna hafa
áhrif á áætlanir
fyrirtækisins.
„Við höldum
okkar striki og
vinnum eftir
viljayfirlýsing-
unni. Við höfum unnið af heilum
hug að verkefninu og fjárfest
mikið í tengslum við það og erum
að vinna umhverfismat um þessar
mundir.“ Viljayfirlýsingin rennur
út í haust og Tómas segir fyrir-
tækið hafa fullan hug á að endur-
nýja hana. - kóp
Forstjóri Alcoa bjarstýnn:
Alcoa heldur
sínu striki
TÓMAS ÁRNASON
EVRÓPUMÁL Til að sækja um aðild að Evrópusamband-
inu nægir að ákvörðunin um að gera það hafi verið
samþykkt af einföldum meirihluta þings og ríkis-
stjórnin sendi í framhaldinu bréf til Brussel þar sem
óskað er eftir aðildarviðræðum.
Bréf þetta er sent á skrifstofu ráðherraráðs ESB í
Justus-Lipsius-byggingunni að Lagastræti 175 (Rue
de la Loi/Wetstraat) í „Evrópuhverfinu“ í belgísku
höfuðborginni. Eftir móttöku bréfsins er það sent
áfram af skrifstofu ráðherraráðsins skáhallt yfir göt-
una, á stækkunarmálaskrifstofu framkvæmdastjórn-
ar sambandsins, með beiðni um að hún leggi mat á
aðildarhæfni viðkomandi umsóknarríkis.
Vinnsla þessa mats framkvæmdastjórnarinnar
getur tekið fáeina mánuði. Í tilfelli Íslands, sem er
nátengt sambandinu í gegn um EES-samninginn,
ætti það mat þó að vera fljótunnið.
Þegar þetta mat liggur fyrir er það lagt fyrir
ráðherraráðið, skipað utanríkisráðherrum aðild-
arríkjanna 27. Á grundvelli þessa mats tekur ráðið
afstöðu til þess hvort hefja beri aðildarviðræður við
umsóknarríkið. - aa
BRÉF TIL BRUSSEL Bygging ráðherraráðs ESB í Brussel, þangað
sem aðildarumsóknir eru sendar. FRÉTTABLAÐIÐ/AUÐUNN
Til að sækja um aðild að ESB nægir samþykkt þings og bréf frá ríkisstjórn:
Eitt A4 bréf dugar til ESB
Játa rán á Arnarnesi
Tvö pör voru handtekin í gær vegna húsbrots og ráns á Arnarnesi. Þrennt hefur
játað aðild að málinu. Ábending frá almenningi kom lögreglu á spor fólksins.
Um það bil 20 til 25 ár frá því líkt mál kom síðast upp hér á landi.
HÖRÐ VIÐBRÖGÐ Þeir Stefán Eiríksson lögreglustjóri (til hægri) og Friðrik Smári
Björgvinsson yfirlögregluþjónn segja lögreglu hafa lagt gríðarlegt kapp á að upplýsa
húsbrot og rán hjá eldri hjónum á Arnarnesi sem fyrst. FRÉTTABLAÐIÐ/STEFÁN
Þetta er nánast fordæmis-
laust að svona alvarlegt
brot eigi sér stað, við lögðum allt
kapp á að leysa þetta mál.
FRIÐRIK SMÁRI BJÖRGVINSSON
YFIRLÖGREGLUÞJÓNN
RANNSÓKNARDEILDAR
NÁTTÚRA Íslenskum ferðalöngum
sem voru að taka upp úr töskum
sínum eftir dvöl í Taílandi brá í
brún þegar þeir fundu lófastóran
frosk í einni ferðatöskunni.
Froskinum var komið til Nátt-
úrufræðistofnunar Íslands, sem
komst að þeirri niðurstöðu að um
væri að ræða tegund sem kalla
mætti málaða asíska froskinn.
Tegundin er útbreidd í Suð-
austur-Asíu. Hún er hættulaus
og vinsælt gæludýr. Samkvæmt
upplýsingum frá Náttúrufræði-
stofnun var froskinum lógað,
enda ómögulegt að geta sér til
um hvaða óværa geti borist með
dýrum frá þessum heimshluta. - bj
Langförull taílenskur froskur:
Flutti til lands-
ins í ferðatösku
LÓFASTÓR Froskurinn var talsvert stór,
og með bleikar rendur á hliðunum.
MYND/ERLING ÓLAFSSON
LÖGREGLUMÁL Rannsóknargögn
lögreglu úr ýmsum málum, til
að mynda úr Pólstjörnumálinu,
fundust í ruslagámi við Þing-
vallavatn í gær. Lögmaður sem
stóð í flutningum er ábyrgur, að
því er fram kom í fréttum Frétta-
stofu Stöðvar 2 í gær.
Bjarni Hauksson hjá lögfræði-
stofunni Lega sagði fréttastof-
unni að um mistök hafi verið að
ræða, og hann sé miður sín vegna
málsins. Ekki náðist í Bjarna í
gærkvöldi.
Ólafur Helgi Kjartansson,
sýslumaður á Selfossi, vildi ekki
tjá sig um málið þegar eftir því
var leitað. - bj
Henti lögregluskýrslum í gám:
Gögnin fyrir
allra augum
SRI LANKA, AP Stjórnvöld á Srí
Lanka sögðu í gær að herinn
myndi hætta þegar í stað loft- og
stórskotaliðsárásum á síðustu vígi
Tamíltígra. Með þessari ákvörðun
var stjórnin að bregðast við mikl-
um þrýstingi alþjóðasamfélagsins
um að hlífa óbreyttum borgurum
á átakasvæðinu.
Ekki var fullljóst hver áhrif
ákvörðunarinnar yrðu. Herinn
segist hafa hætt að beita slíkum
vopnum fyrir nokkrum vikum, en
talsmaður Tamíltígra segir loft-
árásir hersins hafa haldið áfram,
jafnvel eftir tilkynninguna um að
þeim hefði verið hætt. Fréttamönn-
um er ekki hleypt inn á átakasvæð-
ið.
Stjórnin sendi tilkynninguna
frá sér daginn eftir að hún hafn-
aði beiðni skæruliða um vopnahlé.
Sú beiðni var borin fram til þess
að þeim tugþúsundum óbreyttra
borgara, sem eru innikróaðar á
svæðinu þar sem síðustu bardaga-
sveitir Tamíltígra eru umkringd-
ar á norðausturströndinni, gæfist
færi á að koma sér í öruggt skjól.
Fulltrúi Sameinuðu þjóðanna segir
að nærri 6.500 óbreyttir borgarar
hafi verið drepnir í átökunum síð-
astliðna þrjá mánuði. - aa
Srí Lankastjórn hafnar vopnahlésbeiðni Tamíltígra en segist hætt loftárásum:
Tugþúsundir tamíla innikróaðar
NEYÐARAÐSTOÐ Í VAVUNIYA Flóttafólk af átakasvæðum fær matvæli afhent.
FRÉTTABLAÐIÐ / AP
SPURNING DAGSINS