Skinfaxi - 01.07.1912, Blaðsíða 8

56
SKINFAXI
12 konur
úr Ungmennafél. Iðunn sýndu nýlega
leikfimi undir stjórn Björns Jakobssonar.
Sýningin var veglegri en undangengnar
leikfimissýningar í Reykjavík, svo vanda-
samar en fagrar og vel af hendi leystar
voru æfingar þeirra. Skinfaxi veit að eins
um einn kvenleikfimisflokk annan hér á
landi, sá mynd af honum, það voru 10
konur norður a Sauðárkrók, undir stjórn
Jóns Björnssonar.
Afreksverk á sundi.
í vor vildi það til, að maður féll úr
uppskipunarbát hér á höfninni og varð ekki
bjargað frá b'átnum. Snarráðir drengir á
landi brugðu þegar við er þeir vissu hvað
um var að vera, skutu fram báti og náðu
þangað sem maðurinn barðist við dauðann
á ótrúlega skömmum tíma. Þórhallur Árna-
son (bróðir Astu málara) sem fyrir þeim
var, stökk fyrir borð, náði í manninn og
fengu þeir félagar komið honum upp í bát-
inn. Má óhætt þakka þetta mannslífið
Þórhalli og þeirn félögum, og Geir kaup-
manni Zoega, sem hafði séð svo um, að
læknir yrði við hendina þegar að landi
var komið, — því að maðurinn var aðfram
kominn.
Annað þrekvirkið vann Benedikt G.
Waage verzlunarmaður hér í bænum, er
hann synti milli Engeyjar og lands, en sú
vegalengd er míluþriðjungur (4000 álnir).
Er það lengsta seinni tiðar sund hér við
land, svo menn viti, og mun ganga næst
Grettis sundinu fræga, er hann synti milli
Drangeyjar og lands, þó mikið sé á mun-
um. Vill ekki margur reyna að verða á
milli þeirra? Benedikt fór þetta á59mín.
Hitt og þetta.
Samanburður.
„Það bezta er ekki ofgott handa börn-
unum“ segja Ameríkumenn. Þeir leggja í
afarmikinn kostnað til að byggja leikvelli
og íþróttasvæði banda æskunni. Einn slík-
ur garður í stórborg þar, hefir kostað 38
miljónir seinustu 10 árin. Leikvellir þess-
ir reyna að sameina alt það, sem dregið
getur að sér ungt fólk, þvi til heitla og
ánægju. Þar skiftast á skógarteigar og
grasvellir, fimleikasalir og sundhallir. Sum-
staðar eru grunnar tjarnir handa ungum
börnum að baða sig í. Þar á milli standa
lestrarstofur og bókasöfn opin hverjum, sem
kemur. I Chicago einni notuðu árið sem
leið:
Leikfimissalina............... 275,000
Böðin......................... 230,000
Sundlaugarnar................. 106,000
Lestrarsalinn................. 107,000
Til samanburðar má geta þess, að höfuð-
staður íslands hefir ekki ráð á að hafa fyrir
1000 börn sín nema eina leikfimishúsnefnu,
baðlausa (sem mun vera einsdæmi í heim-
inum), engan leikvöll — nema götuna. Ef
til vill er heimska og kæruleysi orsök
þess, að þessi sami bær þarf þrjú „Bíó“
til að skemta íbúum sínum. „Leikvallar-
lausi drengurinn er faðir vinnulausa manns-
ins“, er orðtæki í Ameríku.
Skógræktarrítið kenslubók.
Góðs viti er það og ekki ómerkur at-
burður, að ákveðið er að gera Skógrækt-
arrit Guðm. Davíðssonar að kenslubók við
bændaskólann á Hvanneyri þegar á næsta
vetri. Þetta virðist þeim hafa verið gert
hæst undir höfði, skógræktarvonum. Vænt
væri ef bændaskólinn á Hólum og búnað-
arskólinn á Eiðum færu eins að.
Ritstjóri og' afg-reiðslumaður
Skinfaxa eru báðir fjarverandi. Guð-
brandur Magnússon gegnir störtum þeirra
uns þeir koma heim aftur.
17. júní
var lagður sveigur lifandi blóma á leg-
stað Jóns Sigurðssonar, í nafni Ungmenna-
félaga íslands.
Félagsprentsmiðjan.