Skinfaxi

Árgangur

Skinfaxi - 01.10.1924, Blaðsíða 4

Skinfaxi - 01.10.1924, Blaðsíða 4
76 SKINFAXI legt, að þær geta tekið þátt í fleiri leikj- um en dansi. Og þar við bætist, að knattspyrna hefir þvi aðeins gildi, að skipulega og rétt sé æft, en á því hefir viljað verða misbrestur hér í Reykja- vík og er hætt við að svo verði viðar, en við það getur leikurinn orðið bæði ruddalegur og ósiðlegur, og ært upp sumt af því, sem verst er til í mann- iegu eðli. pessvegna eru það margir leikir fremur, sem ungmennafélögin ættu að leggja sig eftir. Leikir sem eru miklu betur við þeirra hæfi, — þurfa færri þátttakendur og piltar og stúlk- ur geta leikið jöfnum höndum. En af því að leikir eru svo lítið þekt- ir hér og fáir kunna, hefi eg lofað „Skin- faxa" að skrifa upp nokkra leiki handa honum til að birta. En eg skal taka það fram, að það er mjög örðugt að skrifa svo um leiki að hægt sé að læra þá til hlítar eftir því. En eg vil ráðleggja þeim ungmennafélögum, er halda íþrótta- námsskeið, að tryggja sér að kennar- inn kunni eitthvað dálítið af leikjum, því án þeirra verða námsskeiðin altaf dauf og fjörlaus. Framh. Valdemar Sveinbjörnsson. Þórður Hafliðason. (Minning um látinn félaga). pórður Hafliðason að Neðri-Bakka í Langadal við ísafjörð lést að heimili sínu hinn 19. ágústmánaðar s.l. Var hann ekki þrítugur að aldri. Hlýðir að hans sé ekki ógetið í Skinfaxa, þvi að hann var ungmennafélagi sannur og dugandi, svo að leit verður að öðrum slíkum. Hann var formaður ungmenna- fél. Huld á Langadalsströnd tvö til þrjú árin síðustu og reyndist f élagi sínu hinn ötulasti og ótrauðasti maður til allra framkvæmda, enda hefir félagið á þess- um árum umfangsmikil og erfið verk- efni með höndum (svo sem heimaiðju, námsskeið eitt eða fleiri á ári hverju, etarfrækslu sundlaugarinnar í Reykja- nesi o. fl.). — Að visu hefir félag þetta liaft ýmsum öðrum góðum félögum á að skipa, en pórður sál mun þó nú á síð- ari árum hafa haft alla forgönguna mest á höndum meðan hans naut við. Eg Iiafði nokkuð mikil kynni af J>órði heitnum fyrir starfsemi hans í ung- mennafélagsskapnum, bæði heima i fé- lagi hans, svo og fyrir samveru á f jórð- ungs- og héraðsþingum hér vestra, sem hann lét sig sjaldnast vanta til þrátt fyrir löng og erfið ferðalög. Minnist eg hans jafnan fyrir fram- úrskarandi áhuga, óeigingjarna fórn- fýsi og atorku að vinna þeim málstað hvervetna til heilla og umbóta. Auk starfseminnar i U. M. F. Huld og annars á vegum ungmennafélags- skaparins var J>órður heitinn og hinn nýtasli maður til allra starfa og lík- legur til enn meiri uppbyggingar fyrir bygðarlag sitt, hefði honum orðið lengra lífs auðið. — Styður þetta þá viðeigandi skoðun, að góðir ungmenna- félagar verði jafnan vænni menn og nýtari í hvívetna. pað er að vísu sárt og raun mikil, — einkum fyrir þá sem nákomnir eru — að sjá á bak svo nýt- um dreng og góðum á unga aldri. En það er líka mikil bót að geyma svo góða minningu sem hans, og að í mörgu getur hann verið öðrum fyrirmynd. Eg vil ekki lengja þessi orð frekar, þvi að þ>órði sál. ætla eg betur lýst en eg fæ gert í eftirmælum þeim, er hér fylgja, og einn góður félagi hans hefir réttilega um hann kveðið. Guðm. frá Mosdal.

x

Skinfaxi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Skinfaxi
https://timarit.is/publication/334

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.