Skinfaxi - 01.04.1975, Blaðsíða 29

sæmdi formaður UMFÍ, Hafsteinn Þor-
valdsson, Hjört Jóhannsson starfsmerki
UMFÍ, en Hjörtur hefur starfað lengst
allra sem formaður UFHÖ. Sunddeild
félagsins söng og sýnd var mynd frá
landsmóti UMFÍ í Hveragerði 1949 en
síðan var dansað til kl. 2. e. m.
Á þrettándanum var álfabrenna. í
heimsókn komu Grýla, Leppalúði og
jólasveinarnir auk Kölska og hans fylgd-
arliðs. Síðan var dansað í Hótelinu til
miðnættis.
Af öðrum atriðum má nefna mót í
borðtennis, en þar var sigurvegari Þórð-
ur Snæbjörnsson, og skákmót þar sem
Helgi Hauksson bar sigur úr býtum.
Mikið fjölmenni var á bingókvöldi félags-
ins og fullt hús á kvikmyndasýningu. Þá
má nefna almennan dansleik þar sem
hljómsveit Þorsteins Guðmundssonar lék
fyrir dansi og barnaskemmtun með fjöl-
breyttum skemmtiatriðum og dansi á
eftir.
Afmælishátíðinni lauk með skemmti-
kvöldi sunnudaginn 12. janúar. Hljóm-
sveitin Jómfrú Ragnheiður, sem stofnuð
var til þess að skemmta á þessari hátíð,
lék fyrir dansi 5 kvöld við góðar undir-
tektir.
Þótti þessi hátíð takast vel og vill stjóm
félagsins þakka öllum þeim, sem að stóðu
fyrir framlag þeirra. Sérstakar Jrakkir til
Sigríðar og Eiríks í Hótel Hveragerði,
sem ávallt hafa sýnt félaginu mikinn vel-
vilja.
Íþróttahátíð er fyrirhuguð á komandi
sumri. Verða Jrar m. a. gestir frá Helle
kommune í Danmörku, en sunddeild
UFHÖ fór í keppnis- og skemmtiferð
þangað á sl. ári.
Nú er verið að vinna að útgáfu af-
mælisblaðs. Þar verður rakin saga félags-
ins í höfuðdráttum auk annars efnis.
Sundfólk UFHÖ sem
fór í keppnis- og kynn-
isferð til Danmerkur
sl. sumar og dvaldi
þar í boði danskra
ungmennafélaga.
SKINFAXI
29