Sjómannablaðið Víkingur - 01.02.1940, Blaðsíða 13

Höfrungurinn hefir tekið loftköst og snúið við
til heimkynna sinna, sem hann er að ná á 4. mynd.
ann fyrir þeim, þótt smáir (aðeins 2 m langir)
séu, ef þeir ráðast á þær í hópum og er þá varla
líklegt að vor daufgerði, norræni hákarl geti
haft í fullu tré við þessa snöru og aðsúgsmiklu
„merði“ hafsins, þegar þeir ráðast á þá marg.
ir saman.
Eins og aðrir hvalir, eiga höfrungarnir 1—
2 unga (kálfa), sem þeir næra á hinni kosta-
miklu mjólk sinni. Er vöxturinn afar ör fyrsta
aldurs árið, eins og hjá hvölum yfirleitt, svo
ör, að hvalurinn nær kynsþroska veturgamall
og fullri stærð á fáum árum.
Viðvíkjandi vaxtarlagi, lit og sundstelling-
um höfrunganna skal vísað til myndanna, sem
fylgja þessum línum (þær eru teknar úr ame-
ríska tímaritinu ,,Life“) og þess að lokum get-
ið, að hér við land eru þekktar með vissu 2
höfrungategundir: hundfiskurinn, hinn eigin-
iegi höfrungur, sjaldséður, suðrænn úthafs-
hvalur og hnýðingurinn, norrænn strandahval-
ur, sem oft sést inni við land á sumrin 1 stór-
hópum, þegar síldin og smokkfiskurinn eru á
ferðinni. En svo eru sennilega 2 tegundir til
hér við land, þó að vísindamenn hafi ekki orð-
ið þeirra varir, en hafa sést hér norður um við
Færeyjar og Noreg og báðar eiga sér íslenzk
nöfn, stökkullinn, úthafshvalur, stærstur allra
höfrunga og leifturinn, strandahvalur, minnst-
ur allra norrænna höfrunga.
4. mynd.
Um höfrungana má annars fá nokkura
fræðslu í Spendýrabók höf. greinar þessarar.
— Hvert ert þú að fara, Sveinn?
— Til læknis. Eg er með ógurlegan hausverk.
— Þegar ég fæ höfuðverk, læt ég konuna mína strjúka
á mér ennið í kortér eða svo og snarbatnar. Af hverju
reynirðu þetta ekki?
— Ágæt hugmynd og gaman að reyna hana. Er konan
þín heima?
Einn af verkamönnum Henry Fords dreymdi, að Ford
væri dauður. Hann sá átta af samverkamönnum og
beztu vinum Fords koma berandi kistuna. Þegar þeir
fóru fram hjá verkamanninum, reis Ford gamli upp í
kistunni og sagði:
— Ef þið settuð hjól undir kassann, mundu menn
sparast!
13
VÍKINGUR