Náttúrufræðingurinn - 1960, Síða 21

NÁTTÚRUFRÆÐINGURINN
187
grunnri tjörn nálægt Skálateigi í Norðfirði, þar sem hún var um
30 cm á lengd og með hálfþroskuðum aldinum.
8. Ruppia maritima L. Lónajurt.
í Flóru ísl., III. útg., 1948, bls. 34, er þessarar tegundar aðeins
getið frá einum stað á landinu, Lónsfirði á Suðausturlandi.
Sumarið 1948 rekst svo Ingimar Óskarsson á hana við sunnan-
verðan Hvammsfjörð í Dalasýslu (Ingimar Óskarsson, 1949, bls.
185), 18. ágúst 1954 finnur Guðbrandur Magnússon hana við Hraun
í Fljótum (Ingimar Óskarsson, 1956, bls. 104) og sama sumar finn-
ur Steindór Steindórsson tegundina við Stakkhamar á Snæfellsnesi
(Steindór Steindórsson 1956, bls. 26).
28. júní 1956 kemur svo fimmti fundarstaðurinn hérlendis, en
þann dag finn ég hana í 10—15 cm djúpu, hálfsöltu vatni á Grýtu-
bakkaflæðum í Höfðahverfi.
Þessi tegund er allbreytileg og hefur verið lýst nokkrum afbrigð-
um af henni, sumir höfundar hafa jafnvel viljað kljúfa hana í
fleiri tegundir og er þá aðallega farið eftir lögun og stærð aldina,
axleggja og smáaldinleggja. Þannig eru eintökin frá Lónsfirði talin
til R. maritima L. f. rostellata Koch í Flóru ísl., III. útg., 1948.
Þessi eintök mín frá Höfðahverfi eru ekki það þroskuð, ekki
blómguð, að á þeim verði séð með nokkurri vissu, hvaða afbrigði
þau líkjast mest. Aftur á rnóti lief ég atliugað öll þau íslenzku ein-
tök af þessari tegund, sem til eru í Náttúrugripasafni íslands, og að
minnsta kosti ekkert þeirra, sem eru með blómum eða aldinum,
virðist mér geta talizt til aðaltegundarinnar R. maritima L., né
heldur tilbrigðisins R. maritima L. f. rostellata Koch, sem sumir
nefna sjálfstæða tegund, R. rostellata Kocli, eins og þeim er lýst í
þeim flórum, sem ég hef við hendina (axleggurinn styttri en smáald-
inleggirnir), t. d. C. A. M. Lindman, 1926, bls. 54. Þau líkjast lang-
mest ameríska afbrigðinu R. maritima L. var. longipes Hagstr. eins
og því er lýst í Gray’s Manual of Botany, 8. útg., gerðri af M. L.
Fernald, 1950, bls. 79—80, enda hefur Steindór Steindórsson (1956)
hiklaust talið eintökin frá Snæfellsnesi til þessa afbrigðis og Ingi-
mar Óskarsson (1956) talið eintökin frá Hrauni í Fljótum standa
mjög nærri því. Aftur á móti telja Doris og Áskell Löve (Áskell
Löve og Doris Löve, 1956, bls. 127) öll íslenzk eintök, sem þau
hafa séð, til R. rostellata Kocli.