Náttúrufræðingurinn - 1960, Page 42

208
NÁTTÚRUFRÆÐINGURINN
TAFLA I.
Nafn Hœðarlinur þéttar Jafnslétta llœtur Hellar
Yið Hemru 60-100 60 60 _
Fálkahólshamrar 140-260 135 — —
Slóruskriðuhamrar 160-300 150 220 235
Mosabólshamrar 180-300 160 220 240
Við Snæbýli 240-320 220 250 265
Skorufjall 220-360 200 230 —
Mœlingar. Tölur þær, sem ég he£ gefið upp hér að framan um
algildishæðir og aðrar, sem seinna verða upp gefnar, eru aðallega
fengnar eftir tveim leiðum. í fyrsta lagi eftir kortum, og hef ég
þá notað kort ameríska hersins í mælikvarða 1:50000 og uppdrátt
íslands, blað 68 í mælikvarða 1:100000. Þar, sem kortunum hefur
ekki borið saman, hef ég tekið ameríska kortið trúanlegra, því
mér virðist það miklu betra. f öðru lagi hef ég gert beinar mæling-
ar með loftvog og hæðarspegli.
Tafla II er niðurstöður hæðarmælinga. í síðasta dálki er hæð á
lofti í munna hellanna. Þetta er stærðin, sem færð er inn í töflu I.
Utan á heiði eru einnig smáhamrar. Þeir eru allir lágir og stuttir
og afdrepin undir þeim lítil. Mun ég ekki hér minnast á aðra en
Fremri Einhyrningshamra. Þeir eru þar, sem Hólmsá kemur út úr
gljúfrum, suðaustur af Einhyrningi. Breiðir Mýrdalssandur úr sér
vestan árinnar og er vesturbakki hennar mun lægri en rætur hamr-
anna, sem eru í 305—310 m hæð. Sjálfir hamrarnir eru lágir, í
hæsta lagi um 10 m, og ekki samhangandi. í allt innan við 1 km á
lengd.
Nokkru sunnar en Fremri Einhyrningshamrar, í og upp af gilja-
skorningum, sem Þríklofi heita, sá ég tvo greinilega malarhjalla (4.
mynd). Er auðvelt að fylgja þeim langan spöl norður á bóginn. Ég
stóð á neðri malarhjallanum, þar sem 4. mynd er tekin, þegar ég
tók eftir þeim. Las ég þar af loftvoginni, og eftir því á hæð malar-
hjallans að vera 311 m yfir sjó, en efri malarhjallann áætla ég 20 m
hærri.
Gljúfrin. Vatnaskil á heiðinni liggja vestur við vesturbrún henn-