Fréttablaðið - 05.08.2009, Blaðsíða 15

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
KNATTSPYRNUSKÓLI BOBBYS CHARLTON
Skráning í Knattspyrnuskóla Bobbys Charlton 2010 á Eng-
landi hefst 1. september 2009. Nánari upplýsingar veittar í
síma 588 9900 eða með því að senda póst á
fyrirspurn@itferdir.is.
„Þetta er búið að vera frábær-
lega skemmtilegt,“ segir Guð-
rún Helga þegar hún er spurð út
í göngur sumarsins. „Ég hef allt-
af notið þess að fara í fjallgöng-
ur og ekki spillir að fá ferðafélaga
eins og þá sem ég hef haft síðustu
vikurnar, forvitna, áhugasama og
skemmtilega. Fólk sem vill kynn-
ast íslenskri náttúru af eigin raun
en kann að meta öryggið sem felst
í að vera með manneskju sem
þekkir til og fræðast af henni.“
Þó að Guðrún Helga hafi víða
gengið um ævina hefur hún ein-
beitt sér að ferðum á tvö fjöll í
sumar, Helgafell í Hafnarfirði og
Esjuna. Helgafellsgangan tekur
um þrjá tíma og Esjugangan sex
til átta. „Það er misjafnt hversu
lengi ég er og fer eftir því hversu
hratt ferðafélagarnir vilja ganga.
Ef farið er of rösklega í byrjun
reyni ég að gíra aðeins niður en
ég rek ekki á eftir enda eru þetta
skemmtigöngur en ekki áætlunar-
ferðir. Samt stansa ég á vissum
áningarstöðum til að spjalla og
bjóða upp á hressingu en staldra
gjarnan við oftar ef hópurinn
óskar þess. Mér finnst mikilvægt
að fólk taki með sér minningar
úr ferðunum og myndataka er til
dæmis partur af þeim. Allir fá
líka skriflegt vottorð að lokinni
ferð og einn sem fór með mér á
Esjuna sagðist ætla að hengja það
hjá skjalinu frá Kilimanjaro. Það
fannst mér fallegt.“
Guðrún Helga byrjaði sumar-
ið á að stofna heimasíðuna www.
mountainclimbing.is, taka meira-
próf og kaupa litla rútu til að geta
sótt ferðafélagana þangað sem
þeir óska, innan höfuðborgar-
svæðisins, og skila þeim þang-
að aftur. „Þeir sem fara á Helga-
fellið geta til dæmis hoppað úr í
Hafnarfirði til að skoða bæinn,
fara í Hellisgerði eða hvert sem
er,“ bendir hún á. Hún býður líka
upp á kvöldgöngur á fjöllin tvö
og var reyndar með miðnætur-
göngur í júní og frameftir júlí.
Þær segir hún hafa mælst vel
fyrir. „Útlendingar sem ekki upp-
lifa björt kvöld í sínu heimalandi
kunna vel að meta það að standa á
fjallstoppi um miðnætti með víðan
sjóndeildarhring.“ gun@frettabladid.is
Í félagsskap ferðamanna
upp um fjöll og hlíðar
Göngur og útivist hefur lengi verið eftirlætisiðja Guðrúnar Helgu Sigurðardóttur fjölmiðlakonu. Hún
ákvað að gera það áhugamál að atvinnu, stofnaði fyrirtæki í vor með eiginmanninum og býður nú leið-
sögn í fjallgöngum í nágrenni höfuðborgarinnar, einkum á Helgafell í Hafnarfirði og hina vinsælu Esju.
Á leið á fjallið helga, það er að segja Helgafellið í Hafnarfirði. FRÉTTABLAÐIÐ/VILHELM