Fréttablaðið - 05.08.2009, Blaðsíða 26

22 5. ágúst 2009 MIÐVIKUDAGUR
sport@frettabladid.is
FÓTBOLTI Stjörnumenn eru svo sann-
arlega með spútniklið sumarsins í
Pepsi-deild karla en nýliðarnir
úr Garðabæ eru nú í fimmta sæti
deildarinnar eftir fyrstu fjórtán
umferðirnar.
Það eru margir á því að Stjörnu-
menn hafi forskot með því að spila
heimaleiki sína á gervigrasvelli.
Tölfræðin styður það, enda hefur
Stjörnuliðið náð í 19 af 23 stigum
sínum á gervisgrasinu og aðeins
náð í eitt stig utan þess frá því um
miðjan maí.
Stjarnan hefur unnið 6 af 7
heimaleikjum sínum á gervigras-
vellinum, þar af fimm þeirra með
tveimur mörkum eða meira. Á
meðan Stjörnumenn eru að skora
3,0 mörk að meðaltali á gervi-
grasinu er liðið aðeins að skora 1,7
mörk í leik á venjulegu grasi, þar
af aðeins 1,0 mark að meðaltali í
síðustu sex leikjum. Stjarnan er
eina liðið í íslensku úrvalsdeildinni
sem spilar heimaleiki sína á gervi-
grasi en liðið á sér nokkra kollega í
norsku og sænsku deildinni. Það má
sjá svipaðar tölur hjá þeim liðum.
Í Noregi leika 6 af 16 liðum
heimaleiki sína á gervigrasi. Þetta
eru liðin Odd Grenland, Stabæk, Tromsö, Aalesund, Stromsgodset
og Bodö/Glimt. Alls hafa þessi lið
náð í 69 prósent stiga sinna og 76
prósent sigranna á þessu tímabili
á gervigrasinu sínu. Þessi lið eiga
öll sameiginlegt að hafa unnið fjóra
heimaleiki eða fleiri og engu þeirra
hefur tekist að vinna fleiri en tvo
útileiki. Þarna virðist ekki skipta
máli að liðin raða sér í sæti 3 til 15 í
norsku úrvalsdeildinni eins og stað-
an er í dag.
Stabæk er nýjasta liðið í þess-
um flokki en hinn nýi og glæsilegi
leikvangur liðsins, Telenor Arena,
er lagður gervigrasi. Stabæk vann
norska meistaratitilinn í fyrra en
í ár hefur liðinu ekki gengið alveg
eins vel. Árangurinn á nýja gervi-
grasheimavellinum er svipaður í
tölum en miklu mikilvægari þegar
kemur að hlutfallslegri stigasöfnun.
Í stað þess að taka 59 prósent stiga
sinna á heimavelli á grasinu í fyrra
hefur Stabæk-liðið náð í 68 prósent
stiga sinna í sumar á gervigrasinu
í Telenor Arena.
IF Elfsborg er eina liðið í sænsku
úrvalsdeildinni sem spilar heima-
leiki sína á gervigrasi. IF Elfsborg
varð í 2. sæti í deildinni í fyrra og
er sem stendur í 3. sæti í Allsvensk-
an á eftir Helsingborg og Kalmar. Í
fyrra vann Elfsborg 13 af 15 heima-
leikjum sínum, skoraði 63 prósent
marka sinna og tók inn 63 prósent
stiganna á Borås Arena sem er lagð-
ur gervigrasi. Markatalan var 31-
2 á gervigrasinu en aðeins 18-16 á
útivelli. Í ár hefur Elfsborg unnið 6
af 8 heimaleikjum sínum og fengið
61 prósent stiga sinna á heimavelli.
Markatalan er 16-3 á gervigrasinu
en 11-11 á útivelli.
Í Finnlandi spila þrjú lið á
gervigrasi í úrvalsdeildinni, topp-
liðið HJK Helsinki og tvö neðstu
liðin, RoPS Rovaniemi og KuPS
Kuopio. HJK er með lægsta hlut-
fallið af öllum þessum „gervi-
gras-liðum“ en aðra sögu er að
segja af botnliðunum tveimur
en 19 af 21 stigi RoPS og KuPS
hafa komið í hús á gervigrasinu
þeirra. Bæði liðin eiga enn eftir
að vinna leik á venjulegu grasi á
þessu tímabili.
Það er því ekkert einsdæmi að
gervigras reynist liði vel eins og
það hefur gert hjá Stjörnumönn-
um í sumar. Gervigrasið kallar á
öðruvísi fótbolta og lið sem æfa og
keppa að jafnaði við þær aðstæð-
ur eru í betri stöðu að nýta sér
þær gegn óvönum mótherjum.
ooj@frettabladid.is
Gervigrasið hjálpar mörgum liðum
Stjörnumenn hafa náð í 83 prósent stiga sinna í sumar á gervigrasi sínu og það má líka sjá stingandi tölur
hjá þeim liðum í norsku, sænsku og finnsku úrvalsdeildinni sem spila heimaleiki sína á gervigrasi.
21 MARK Í 7 LEIKJUM Stjörnumenn hafa fagnað mörgum mörkum á gervigrasinu sínu í sumar. FRÉTTABLAÐIÐ/XX
STIG LIÐANNA Á GERVI-
GRASINU SÍNU 2009
(HLUTFALL MARKA INNAN SVIGA)
Ísland
Stjarnan 83 prósent (64)
Svíþjóð
IF Elfsborg 61 prósent (59)
Noregur
Odd Grenland 64 prósent (62)
Stabæk 68 prósent (71)
Tromsö 64 prósent (48)
Aalesund 65 prósent (57)
Stromsgodset 90 prósent (76)
Bodö/Glimt 70 prósent (52)
Finnland
HJK Helsinki 55 prósent (57)
RoPS Rovaniemi 91 prósent (60)
KuPS Kuopio 90 prósent (77)
Arnar Darri Pétursson, 18 ára íslenskur markvörður sem er uppalinn
hjá Stjörnunni, fékk í fyrrakvöld sitt fyrsta tækifæri í aðalliðinu í 2-2
jafntefli Lyn á móti Brann í norsku úrvalsdeildinni.
„Ég var búinn að undirbúa mig alla vikuna eins og ég væri
að fara að spila. Ég sá það að þeir vildu láta mig spila,“
sagði Arnar Darri, sem fékk þó ekki að vita að hann yrði í
markinu fyrr en á síðustu stundu. „Það voru eins erfiðar
aðstæður og hægt var. Það var búið að rigna rosalega
mikið og það voru pollar á vellinum,“ segir Arnar Darri sem
var bara sáttur við leikinn.
„Þetta gekk mjög vel en ég fékk á mig tvö vafamörk. Ég hefði
getað betur í marki sem var skorað á mig beint úr auka-
spyrnu og í markmannshornið. Ég misskildi aðeins
aðstæður. Þetta var algjört reynsluleysi. Ég er
búinn að skoða þetta fram og til baka og veit
alveg hvað ég átti að gera,“ segir Arnar Darri.
„Ég setti mér það markmið í byrjun ársins að
ná því að spila allavega einn leik þegar ég
væri orðinn átján ára. Ég er búinn að bæta
mig þvílíkt mikið sem markmaður,“ segir Arnar.
Lyn hefur gengið í gegnum erfitt tímabil enda hefur slæm fjárhags-
staða liðsins þýtt að liðið hefur þurft að selja marga sterka leikmenn.
„Það er hægt að líta björtum augum á það að vera ungur maður
í liði sem er að losa sig við alla gömlu karlana. Þetta er því
frábært tækifæri fyrir mig,“ segir Arnar, en Lyn er núna búið að
kaupa annan markmann. „Ég er ekki að fara hleypa honum frítt
í markið,“ segir Arnar ákveðinn.
Lyn mætir enska úrvalsdeildarliðinu Liverpool í æfingaleik í
kvöld en Arnar veit ekki hvort hann spilar. „Ég veit ekki hvort
ég fæ að spila á móti Liverpool en ég ætla að hugsa jákvætt,“
segir Arnar en Lyn hefur lofað ungu strákunum að þeir fái
að spreyta sig á móti stjörnunum í Liverpool „Þessi
leikur verður sýndur um allan heim. Ég vona að
það verði eitthvað fylgst með þessu heima ef ég
fæ að spila. Liverpool verður með alla sína sterk-
ustu menn og það verður skemmtilegt að sjá
hvað gerist,“ segir Arnar Darri. Leikurinn verður í
beinni á Stöð2 Sport 2 í kvöld.
ARNAR DARRI PÉTURSSON: LÉK FYRSTA LEIKINN MEÐ LYN OG VONAST TIL AÐ VERA Í MARKINU Á MÓTI LIVERPOOL
Ég er ekki að fara hleypa honum frítt í markið
FÓTBOLTI Atli Viðar Björnsson
úr FH var valinn í landsliðshóp
Íslands sem mætir Slóvakíu í vin-
áttulandsleik á Laugardalsvelli
þann 12. ágúst. Atli er markahæsti
leikmaður Pepsi-deildarinnar en
hann er eini nýliðinn í hópnum
sem Ólafur Jóhannesson valdi.
Markverðir: Árni Gautur Ara-
son (Odd Grenland), Gunnleifur
Gunnleifsson (HK).
Varnarmenn: Hermann Hreiðars-
son (Portsmouth), Indriði Sig-
urðsson (Viking), Kristján Örn
Sigurðsson (Brann),
Grétar Rafn Steinsson (Bolton),
Ragnar Sigurðsson (Gautaborg),
Sölvi Geir Ottesen (SönderjyskE).
Miðjumenn: Brynjar Björn Gunn-
arsson (Reading), Stefán Gísla-
son (Bröndby), Emil Hallfreðsson
(Reggina), Aron Einar Gunn-
arsson (Coventry), Ólafur Ingi
Skúlason (Helsingborg), Atli
Viðar Björnsson (FH).
Framherjar: Eiður Smári Guð-
johnsen (Barcelona), Heiðar
Helguson (QPR), Arnór Smárason
(Heerenveen), Garðar Jóhanns-
son (Fredrikstad). - egm
Atli Viðar Björnsson úr FH:
Eini nýliðinn
NÝLIÐI Atli Viðar hefur leikið frábærlega
með FH í sumar. FRÉTTABLAÐIÐ/ANTON
FÓTBOLTI Fyrir helgina var Þor-
steinn Halldórsson ráðinn aðal-
þjálfari Þróttar í stað Gunnars
Oddssonar. Þorsteinn var aðstoð-
armaður Gunnars en stýrir Þrótt-
urum út þessa leiktíð. Liðið heim-
sækir Fjölni í Pepsi-deildinni í
kvöld og segir Þorsteinn að undir-
búningur liðsins hafi verið í föst-
um skorðum þrátt fyrir verslunar-
mannahelgina.
„Undirbúningurinn var bara
hefðbundinn og engin breyting
gerð þó þetta hafi verið þessi helgi.
Það voru ekkert nein öðruvísi frí,
bara á laugardeginum og svo búið.
Ég held að það sé bara liðinn tími
í fótboltanum að gefa sérstök frí
um þessa helgi,“ segir Þorsteinn
sem hefur lagt áhersluna á að laga
varnarleikinn síðan hann tók við.
„Þetta hafa verið hörkuleikir við
Fjölni undanfarin ár og ég á ekki
von á neinni breytingu á því núna.
Við mætum bara tilbúnir í þetta,
við höfum verið að stilla okkar
strengi og skerpa á ákveðnum
hlutum. Það gefur augaleið að eftir
tvo síðustu leiki höfum við þurft að
taka til í varnarleiknum.“
Þróttur hefur fengið á sig 36
mörk í deildinni í sumar og því
ekki vanþörf á að laga varnarleik-
inn. „Það er í grunninn sú vinna
sem við höfum verið í þessa daga
sem við höfum haft síðan ég tók
við. Svo höfum við líka verið að
vinna aðeins í kollinum á mönnum.
Það hefur verið reynt að koma með
nýjan vinkil á hlutina þó að það séu
ekki til nein töfrabrögð í fótboltan-
um,“ segir Þorsteinn.
Grafarvogsliðið hefur breytt
um mynd og áhersla þeirra á þétt-
an varnarleik verið mikil síðustu
leiki eftir dapra byrjun á tímabil-
inu. „Fjölnismenn eru mjög agað-
ir og það er þeirra stærsti kostur.
Þeir eru orðnir mjög skipulagðir
varnarlega og skyndisóknirnar
hafa verið að nýtast þeim ágæt-
lega undanfarið,“ segir Þorsteinn.
Ekki má búast við stórum breyt-
ingum á byrjunarliði Þróttar í
kvöld. „Það eru alltaf einhverjar
tilfærslur en það eru engar stór-
ar breytingar. Þetta er náttúrulega
sami hópurinn og hefur þetta aðal-
lega snúist um að skerpa menn og
undirbúa þá undir þetta.“
Þróttur situr á botni deildarinn-
ar með átta stig en þar fyrir ofan
eru Fjölnir og Grindavík með tólf
stig. Það er því ljóst að leikurinn
í kvöld er algjör sex stiga leikur.
„Staða okkar í deildinni er þannig
að við þurfum að fara að vinna
leiki. Það skiptir miklu máli að
missa ekki frá okkur liðin sem eru
rétt fyrir ofan okkur. Þetta snýst
um að safna stigum,“ segir Þor-
steinn Halldórsson. - egm
Þorsteinn Halldórsson stýrir Þrótti í fyrsta sinn í kvöld þegar liðið heimsækir Fjölni í Grafarvoginn:
Ekki til nein töfrabrögð í fótboltanum
FYRSTI LEIKURINN Þorsteinn Halldórs-
son þjálfari Þróttar. FRÉTTABLAÐIÐ/STEFÁN
> Finnlandshópurinn opinberaður
Knattspyrnusamband Íslands heldur blaðamannafund
í dag þar sem Sigurður Ragnar Eyjólfsson, þjálfari
kvennalandsliðsins, kynnir leikmannahóp sinn fyrir
lokakeppni Evrópumótsins í Finnlandi. Alls verða 22
leikmenn valdir en sami hópur tekur þátt í leik gegn
Serbíu í undankeppni HM 2011. Sá leikur fer
fram á Laugardalsvelli, laugardaginn
15. ágúst. Það verður nóg að gerast
í höfuðstöðvum KSÍ í dag því fyrir
blaðamannafund kvennalandsliðs
verður dregið í undanúrslit VISA-
bikars karla þar sem Breiðablik,
Fram, Keflavík og KR eru í
pottinum.
FÓTBOLTI Real Madrid heldur
áfram að versla og í gær komst
félagið að samkomulagi við
Liverpool um kaupverðið á
spænska miðjumanninum Xabi
Alonso. Hann mun gangast undir
læknisskoðun í dag og í kjöl-
farið skrifa undir samning við
spænska risaliðið.
Alonso er 27 ára og hefur verið
í herbúðum Liverpool síðan 2004.
Hann var á síðasta tímabili einn
besti leikmaður liðsins. Kaup-
verðið er talið vera í kringum 30
milljónir punda en Real Madrid
hefur eytt háum fjárhæðum í að
styrkja sitt lið í sumar og ætlar
greinilega ekki að fara í gegnum
annað titlalaust tímabil. - egm
Real Madrid heldur áfram:
Alonso mættur
til Madrídar
ÓSKIN RÆTTIST Alonso hafði lýst yfir
vilja sínum til að fara í spænska stórliðið
Real Madrid. NORDICPHOTOS/GETTY