Fréttablaðið - 05.08.2009, Blaðsíða 2

2 5. ágúst 2009 MIÐVIKUDAGUR
Gísli, var þetta mikið hval-
ræði?
„Nei, þetta var líkamlega erfitt en
ánægjulegt.“
Gísli H. Friðgeirsson reri í fylgd hvala og
sjófugla í kajakferð sinni hringinn í kring-
um landið sem lauk á sunnudag.
fyrir alla sem
gríska fyrir byrjendur!
– Það er sniðugt að setja hárið í teygju þegar maður grillar! www.gottimatinn.is
ÍÞRÓTTIR „Þetta er í fyrsta skipti sem íslenskt lands-
lið kemst í lokakeppni stórmóts og því hefðu nú fleiri
miðar mátt seljast. En svona er þetta bara, það er
auðvitað kreppa og margir sem halda að sér höndum.
Leikirnir verða líka sýndir í sjónvarpinu hér heima,“
segir Ragnheiður Elíasdóttir, ritari hjá Knattspyrnu-
sambandi Íslands (KSÍ). Sambandið hefur selt á bilinu
fjörutíu til sjötíu miða á hvern leik íslenska kvenna-
landsliðsins í riðlakeppni úrslitakeppni Evrópumóts-
ins, sem hefst í Finnlandi hinn 24. ágúst næstkomandi.
Að sögn Ragnheiðar samanstendur hópurinn sem
festi kaup á miðum á leikina í riðlakeppninni mikið til
af fjölskyldum landsliðskvennanna. „En það er líka
nokkuð um að fyrrverandi landsliðskonur ætla að
skella sér til Finnlands með dætrum sínum, og það er
gaman að því. Svo er auðvitað alltaf einn og einn sem
ætlar að fara vegna einskærs áhuga, en þeir mættu
vera fleiri.“
Ef svo fer að landsliðið komist upp úr riðli sínum á
mótinu mun KSÍ bjóða upp á miða á leiki í útsláttar-
keppninni. „Ég er viss um að þeir miðar muni rjúka
út. Við Íslendingar erum svolítið þannig að við lifnum
við þegar vel gengur,“ segir Ragnheiður.
Sigurður Ragnar Eyjólfsson, þjálfari kvennalands-
liðsins, tilkynnir 22 manna leikhópinn fyrir Evrópu-
mótið á blaðamannafundi í hádeginu í dag. - kg
Milli 40 og 70 Íslendingar fylgjast með leikjum kvennalandsliðsins í Finnlandi:
Hefðu mátt seljast fleiri miðar
LANDSLIÐIÐ Fjölskyldur landsliðskvennanna verða áberandi á
áhorfendapöllunum í Finnlandi í lok mánaðarins.
FRÉTTABLAÐIÐ/DANÍEL
LÖGREGLUMÁL Fjórir harðir
árekstrar urðu á tveggja og hálfs
klukkustundar löngu tímabili í
Reykjavík í gær.
Þrír bílar rákust saman á
gatnamótum Háleitisbrautar og
Miklubrautar laust fyrir klukk-
an 17. Talið var að einn ökumaður
hefði rifbeinsbrotnað og var hann
fluttur á slysadeild. Um svipað
leyti varð umferðarslys á mótum
Laugavegs og Kringlumýrarbraut-
ar. Ekki var tilkynnt um slys á
fólki.
Aftanákeyrsla varð á umferð-
arljósum á Sæbraut um sexleytið.
Farþegi í bílnum sem keyrt var á
var fluttur á slysadeild. Þá rák-
ust tveir bílar saman í Mjóddinni
laust fyrir klukkan hálf átta. Öku-
menn beggja bílanna voru flutt-
ir á slysadeild. Ekki var vitað um
alvarleika meiðsla í gærkvöldi. - kg
Annir hjá lögreglu:
Fjórir árekstrar
á stuttum tíma
NORÐUR-KÓREA, AP Bandarísku
blaðakonurnar Laura Ling og Euna
Lee voru náðaðar og leystar úr
haldi eftir óvænta heimsókn Bills
Clinton, fyrrverandi Bandaríkja-
forseta, til Norður-Kóreu í gær.
Blaðakonurnar, sem báðar eru
á fertugsaldri, hafa starfað fyrir
bandaríska fjölmiðlafyrirtækið
Current TV, sem er í eigu Als Gore,
fyrrverandi varaforseta Clintons.
Þær voru handteknar þegar þær
héldu í óleyfi yfir landamærin til
Norður-Kóreu frá Kína í mars síð-
astliðnum. Þær voru ákærðar fyrir
„fjandsamlega tilburði“ og voru í
júní dæmdar til tólf ára vistar í
ströngum vinnubúðum.
Clinton hitti meðal annarra Kim
Jong Il, leiðtoga kommúnistastjórn-
ar landsins. Ríkisrekna fréttastof-
an KCNA sagði í gær að „Clin-
ton hefði beðið Jong Il innilegrar
afsökunar á fjandsamlegri hegðun
bandarísku blaðakvennanna eftir
að þær fóru ólöglega inn í landið.“
Fréttastofan sagði einnig frá því að
á fundinum hefðu Clinton og Jong
Il rætt ítarlega um samskipti þjóð-
anna tveggja og náð samkomulagi
um leiðir til að bæta þau.
Norður-Kóreumenn fögnuðu
Bill Clinton með blómum og hlýj-
um handtökum þegar hann birt-
ist skyndilega á flugvelli höfuð-
borgarinnar Pjongjang í gær í
ómerktri einkaþotu. Vonast er til
að ferð Clintons geti brotið ísinn
í samskiptum Bandaríkjanna og
Norður-Kóreu sem hafa verið stirð
undanfarið, eins og reyndar oft-
ast nær þá rúmu sex áratugi sem
Norður-Kórea hefur verið sjálf-
stætt ríki.
Tortryggnar raddir telja þó lík-
legra að heimsókn Clintons verði
aðeins til að efla Kim Jong Il, hinn
sérstæða leiðtoga kommúnista-
stjórnar landsins.
Engin opinber samskipti eru á
milli ríkjanna, en talið er að emb-
ættismenn beggja ríkja hafi á bak
við tjöldin unnið að samkomulagi
um að konurnar verði látnar laus-
ar.
Þetta er fyrsta ferð Clintons til
Norður-Kóreu, en meðan hann
var forseti voru samskipti ríkj-
anna vinsamlegri en bæði áður og
síðar. Talið var að annaðhvort Al
Gore eða Bill Richardson, ríkis-
stjóri Nýju-Mexíkó, færi til Norð-
ur-Kóreu að tryggja lausn kvenn-
anna, en á óvart kom að Clinton
fór.
Enginn Bandaríkjaforseti hefur
farið í opinbera heimsókn til Norð-
ur-Kóreu, en áður hefur Jimmy
Carter farið til landsins eftir að
hann lét af embætti. Carter hitti
Kim Il Sung, föður Kim Jong Il,
í heimsókn sinni árið 1994 þegar
spenna milli ríkjanna var mikil,
rétt eins og nú.
gudsteinn@frettabladid.is
kjartan@frettabladid.is
Lausar úr haldi eftir
heimsókn Clintons
Tvær bandarískar blaðakonur voru leystar úr haldi í Norður-Kóreu í gær eftir
óvæntan fund Bills Clinton, fyrrum Bandaríkjaforseta, og Kim Jong Il. leiðtoga
kommúnistastjórnarinnar. Vonast er til að samskipti ríkjanna batni.
KIM JONG IL OG BILL CLINTON Einungis einu sinni áður hefur fyrrverandi Bandaríkja-
forseti lagt leið sína til Norður-Kóreu. FRÉTTABLAÐIÐ/AP
FÉLAGSMÁL Vinnumálastofnun
greiddi rúmlega fimmtán þúsund
einstaklingum rúmlega 1,7 millj-
arða króna í atvinnuleysisbætur
nú um mánaðamótin að sögn Lín-
eyjar Árnadóttur, forstöðumanns
greiðslustofu Vinnumálastofnun-
ar.
Svipaður fjöldi fólks fékk
greiddar atvinnuleysisbætur um
síðustu mánaðamót, en þá voru
rúmir 1,9 milljarðar greiddir út.
Fyrir maímánuð voru 2,3 millj-
arðar greiddir til ríflega 16 þús-
und einstaklinga. Um töluverða
fækkun er því að ræða yfir
sumarmánuðina.
Nauðsynlegt er að staðfesta
atvinnuleysi við Vinnumálastofn-
un fyrir hver mánaðamót til þess
að fá greitt. „Ég held hreinlega
að yfir hásumarið séu fleiri sem
hafa gleymt að staðfesta sig,“
segir Líney. Hún segir að venju-
lega sé það svo að um 600 manns
afskráist um hver mánaðamót.
Það sé ýmist vegna þess að þeir
fái vinnu eða gleymi að skrá sig.
„Við greiðum aðalgreiðslurn-
ar fyrsta virka dag mánaðarins
en reynum að greiða á hverjum
degi næstu fimm daga þar á eftir
til þeirra sem gleymdu að stað-
festa sig en eru að gera það fram
til þriðja virka dags hvers mán-
aðar.“ Tölur um útborgarnir séu
því alltaf lægri um mánaðamót-
in en raunin verði svo fyrir hvern
mánuð. - þeb
Atvinnuleysisbætur voru greiddar út til rúmlega 15 þúsund manns í gær:
Færri fá bætur yfir sumarið
VINNUMÁLASTOFNUN Rúmlega
15 þúsund manns fengu greiddar
atvinnuleysisbætur um mánaðamótin.
FRÉTTABLAÐIÐ/GVA
SLÖKKVILIÐ Töluvert tjón varð
þegar eldur kom upp í efnalaug-
inni Björgu um kvöldmatarleytið
í gærkvöldi. Húsið var mannlaust
þegar eldurinn kom upp.
Að sögn vaktstjóra hjá slökkvi-
liðinu er talið að rekja megi eld-
inn til þurrkara í efnalauginni.
Í honum var verið að þurrka
fatnað frá veitingahúsum. Eldur-
inn sem braust út var ekki mikill.
Skemmdirnar hlutust að megninu
til vegna mikils svarts reyks sem
fylgdi eldinum.
Tveir dælubílar og körfubíll
voru sendir á staðinn auk tveggja
sjúkrabíla. Slökkvistarf tók um
tuttugu mínútur og gekk vel. - kg
Töluvert tjón vegna reyks:
Eldur í Efna-
lauginni Björgu
EFNAHAGSMÁL „Reynslan sýnir að
með samstilltu átaki og mark-
vissri vinnu getum við náð eyrum
alþjóðasamfélagsins,“ segir í
fréttatilkynningu frá InDefence-
hópnum. Í tilkynningu samtak-
anna segir að ljóst sé að Icesave-
samningurinn verði afgreiddur á
næstu dögum. Hver svo sem nið-
urstaða Alþingis verði sé nauð-
synlegt að Íslendingar samein-
ist um að kynna málstað sinn vel
fyrir erlendum fjölmiðlum.
Af þessum sökum óskar In-
Defence hópurinn eftir liðsinni
Íslendinga sem telja sig hafa
tengsl eða þekkingu sem nýst
gætu, svo sem tengsl við erlenda
fjölmiðla og gott vald á tungu-
málum á borð við hollensku og
þýsku. Áhugasamir eru beðnir
um að senda tölvupóst á info@
indefence.is.
InDefence snýr vörn í sókn:
Kynna málstað
Íslands erlendis
Banaslys í lendingu
Flugstjóri lést og nokkrir farþegar slös-
uðust þegar farþegaflugvél frá Bang-
kok Airways hlekktist á í lendingu í
gærmorgun á flugvelli á eyjunni Koh
Samui við Tæland sem vinsæl er á
meðal ferðamanna. Atvik eru enn
óljós en vitni segja að flugvélin hafi
rekist á flugturn á vellinum sem var
mannlaus. Um sjötíu manns voru um
borð í vélinni.
TÆLAND
TÖLVUR Einn af hverjum þrem-
ur hefur aldrei notað internetið,
samkvæmt könnun sem gerð var
á vegum Evrópusambandsins.
Frá þessu er greint á fréttavef
BBC.
Í könnuninni var tölvunotk-
un íbúa Evrópusambandsland-
anna á síðustu fimm árum mæld.
Niðurstöður könnunarinnar sýna
einnig fram á að rúmlega einn af
hverjum fjórum íbúum landanna
hefur aldrei notað tölvu.
Rúmlega einn af hverjum
þremur þeirra sem ekki hafa
notað internetið gáfu upp þá
ástæðu að þeir þyrftu ekki á
netinu að halda. Um 25 prósent
þeirra sögðust ekki hafa efni á
nettengingu. - kg
Könnun Evrópusambandsins:
Þriðjungur
aldrei notað
internetið
Á NETINU Þriðjungur þeirra sem notar
ekki netið segist ekki þurfa á því að
halda. FRÉTATBLAÐIÐ/E. ÓL
SPURNING DAGSINS