Stúdentablaðið - 31.10.1959, Blaðsíða 7
Stúdentablað
:* 7
Aukið húsrými stúdentaráðs.
Síðustu árin hefur stúdenta-
ráð reynt að fá aukið húsnæði
til afnota fyrir stúdenta, innan
veggja háskólans. Loforð hefur
fengist fyrir 2—3 herbergjum í
kjallara og stóðu vonir til að
hægt yrði að fá þau strax í
haust, en það brást, sökum
þess, að eðlisfræðirannsóknar-
stofa, sem þar er til húsa, hef-
ur ekki enn verið flutt á brott
en þess verður væntanlega
skammt að bíða.
Ferðaþjónusta stúdenta
hefur starfað með miklum
blóma í sumar og leituðu
margir stúdentar til hennar
stúden
um fyrirgreiðslu í utanferðum.
Einnig komu hingað nokkrir
tugir erlendra stúdenta sem
ferðaþjónustan leiðbeindi um
ferðir eða útvegaði vinnu.
BÓKASALA
STÚDENTA
Stúdentar hafa nú tekið bók-
söluna í sínar hendur. Var
unnið að undirbúningi þess í
sumar, og annaðist Ingólfur
Blöndal hana að mestu leyti,
svo sem bókapantanir o.fl.
Fimmtudaginn 22. okt. var
haldinn almennur stúdentafund-
ur þar sem lögð var fram til-
laga stúdentaráðs, um lög bók-
sölunnar. Nokkrar umræður
urðu um tillögu þessa, og var
hún samþykkt, með nokkrum
breytingum. Skipulag bóksöl-
unnar er í stuttu máli þannig:
Stofnað verður sérstakt full-
trúarráð Bóksölu stúdenta, en
það skipa fulltrúar úr öllum
deildum háskólans. Stjórn bók-
sölunnar skipa þrír menn, einn
tilnefndur af háskólaráði til
eins árs í senn, einn tilnefndur
af stúdentaráði til tveggja ára
í senn og einn af fulltrúaráði
bóksölunnar, sömuleiðis til
tveggja ára. Starfsmaður stúd-
entaráðs annast daglegan
rekstur bóksölunnar, undir eft-
irliti stjómarinnar.
Þess ber að vænta, að með
stofnun þessarar bóksölu stúd-
enta, fái stúdentar kennslubæk-
ur með hagkvæmara verði, en
hingað til, en svo sem kunnugt
er, er námsbókakostnaður
geysihár í sumum deildum,
einkum þó læknadeild.
-X
STÚDENTABLAÐ
Svo sem kunnugt er, hefur
f járhagur Stúdentablaðs byggst
svo til eingöngu á auglýsinga-
tekjum blaðsins undanfarin ár.
Það er nú Ijóst, að taka verð-
ur upp annan hátt, ef tryggja
á útkomu þess, sem óhjákvæmi-
lega hlýtur að stöðvast, ef það
stendur ekki nokkurn veginn á
eigin fótum fjárhagslega. Aug-
lýsendur hafa reynst mjög
tregir, til að auglýsa í blaðinu
þetta skólaár, að öðru leyti en
í hátíðablöðum, eins og 1. des.
blaðinu og 17 júní blaði, komi
það út.
Ennfremur hafa ritsnillingar
úr hópi stúdenta reynst með
eindæmum pennalatir, en sú
frammistaða veldur því, að ó-
gjömingur hefur reynst að
koma út fleiri tölublöðum á
þessu skólaári, en raun hefur
orðið á. Það verður að teljast
æskilegt, að stúdentaráð það,
sem við tekur að afstöðnum
næstu kosningum til stúdenta-
ráðs, geri ráðstafanir til að
endurskipuleggja útgáfu blaðs-
ins, bæði með tillit til fjárhags
og að öllu öðru leyti.
-X