Fálkinn - 15.09.1950, Blaðsíða 5

FÁLKINN
5
Árið 1905 fékk hann 100 þúsund
dollara styrk frá Carnegie-stofn-
uninni, og þeim styrk var það að
þakka að hann átti ekki við fjár-
þröng að stríða næstu árin. —
Luther Burbank fæddist í mars
1849 í Lancaster í Massachusetts,
og voru foreldrar hans enskir.
Frá bernsku hafði hann sérstak-
lega mikinn áhuga fyrir jurtalíf-
inu og las allt sem hann komst
yfir, því viðvíkjandi. Um tíma
vann hann í járnvöruverksmiðju
fyrir lélegt kaup, en smáuppgötv-
un sem hann gerði varð þess
valdandi að hann fékk kaup-
hækkun.
En samt fór hann þaðan og
byrjaði að rækta grænmeti i smá-
um stíl. Hann gerði ýmiss konar
tilraunir með kartöflur og tókst
að framleiða nýtt afbrigði, sem
nú er mjög útbreitt um öll Banda-
ríkin. Þetta afbrigði seldi hann
fræsala einum ásamt öllum rétt-
indum fyrir — 150 dollara.
Svo fluttist hann til Kaliforníu
árið 1875 með lítið í buddunni og
tíu af nýju kartöflunum sínum.
Hann flakkaði um alla Norður-
Kaliforníu en tókst hvergi að fá
sæmilega atvinnu. Hann hafði
búið við fæðuskort lengi og nú
varð hann veikur. Fátæk fjöl-
skylda skaut skjólshúsi yfir hann
og hann náði sér aftur.
Svo fékk hann atvinnu og tókst
að safna dálítilli fjárupphæð, svo
að hann gat keypt spildu og byrj-
að á grænmetisrækt og ávaxta.
Einn daginn voru pöntuð hjá
honum 20 þúsund sveskjutré. —
Venjulega voru svo stórar pant-
anir ekki afgreiddar á skemmri
tíma en 2—3 árum. En hann átti
að hafa þetta tilbúið eftir níu
mánuði. Burbank tók að sér plönt-
unina og plantaði 20 þúsund
möndlufræum, sem vaxa mjög
fljótt. Á stuttum tíma voru sprot-
arnir orðnir svo langir að hann
gat kvistgrætt 20.000 sveskju-
trjágreinar á möndlusprotana, og
eftir níu mánuði voru þessi 20.000
sveskjutrjáplöntur tilbúnar.
Hann græddi álitlega fúlgu á
þessu og gat stækkað gróðrar-
stöðina. Eftir nokkur ár afréð
hann að leggja grænmetisræktina
niður en helga sig allan því að
kynbæta blóm og ávaxtatré. Og
hann iðraðist aldrei eftir það,
því að þessi ákvörðun varð til
þess að gera honum kleift að
vinna þau afrek, sem hann varð
heimsfrægur fyrir.
Það eru ekki margir, sem unnið
hafa jafn blessunarríkt starf fyr-
ir mannkynið og Luther Bur-
bank, ekki fyrir sjálfan sig, ekki
fyrir land sitt sérstaklega held-
ur fyrri allan heiminn. Hann hafði
Úr heimt kviltitigifrfanna
wV-
auðgað hann — bæði að fegurð
og efnalegri nytsemi.
Luther Burbank dó í Kaliforn-
íu árið 1926.
Dáleiðslu-augun. — Dáleiðslu-
stofmin Bandaríkjanna hefir
skrásett djúpbláu augun í leik-
konunni Joan Caulfield, sem
„mest dáleiðandi augu í USA“
Innan skamms sést Joan í nýrri
söngmgnd, sem heitir „Girl of
the Year“, svo að fólki gefst
tækifæri á að reyna hver áhrif
augun í henni hafa.
Heiðursborgari. — Ameríski
leikarinn Gregory Peok hefir
nýlega verið tilnefndur heið-
ursborgari franska bæjarins
Beaulieu í Suður-Frakklandi,
skammt frá Nizza. Hér sést
hann vera að sýna konu sinni
„borgarabréfið", sem borgar-
stjórinn í Beaulieu afhenti
honum.
Douglas Fairbanks hjá skátum. — Douglas Fairbanks yngri
heimsótti London fyrir áramótin og kom meðal annars á „sýn-
ingu skóladrengjanna sjálfra", sem svo er kölluð. Hér sýnir
kvikmyndahetjan, að hann hefir ekki gleymt „hjálp í við-
lögum“ sem hann lærði einu sinni.
\
Múldýr í móttökunefndinni. — Hér sést lögregluþjónn í Berlin
heilsa Hollywood-dísinni Patriciii Medina, sem er komin til
Berlin ásamt Jaekie Coogan til að vera viðstödd frumsýnihg-
una á „Francis, ihe Talking Mule“. Til hægri sést amerískur
korpóráll með múlasna, sem á að vera á frumsýningunni til
að fagna bróður sínum á myndinni. — Myndin er tekin á „loft-
brúarvellinum", utan við Tempelhoffen-flugvöllinn hjá Berlín.
Allt með islenskuin skipiiin! *§t