Fálkinn - 10.02.1956, Blaðsíða 3
FÁLKINN
3
BENT LARjSEN SKÁKMEISTARI NORÐURLANDA
*
Bent Larsen.
Friðrik Olafsson.
Aldrei- ínun nokkurt skákmót hafa
verið jafn fjölsótt hér á landi og ein-
vígi iþcirra Bcmts Larsen og FriSriks
Ólafssonar um Norðurlandameistara-
titilinn, en því lauk nreð sigri hins
fyrrnefnda, svo sem kunnugt er.
A Norðuriandameistaramótinu, sem
haldið var svl. sumar í Osló, skildu
þeir Bent og Friðrik jafnir og varð
það að samkonmlagi, að þeir tefldu
tii úrslita hér á landi í janúar 1956.
Næstir að vinningatölu og jafnir urðu
þeir Ingi B. Jóhannsson og Aksel
Nielsen, þannig að Danir og íslend-
ingar skiptu með sér vcrðlaunasæt-
unum.
Alls voru tefldar átta skákir í ein-
viginu, og hlaut Bent Larsen 4Ví>
vinning, en Friðrik 3%. Fyrir síðustu
umferðina voru þeir jafnir, en framan
af hallaði nokkuð á Friðrik. Það er
annars mál manna, að þessir ungu
skákmeistarar hafi oft teflt betur áð-
ur, sérstaklega Friðrik, en um það
tjóar ekki að sakast. Þarna eru mann-
legar verur, sem eigast við, en ekki
vélar, og allir góðir skákmenn verða
að geta tekið tapi eins og sigri. ís-
lenskir skákunnendur mega hrósa
happi yfir því að eiga slikan mann
í Friðriki Ólafssyni.
Bent Larsen og Friðrik stóðu báðir
á tvitugu, þegar einvígið hófst, en
Friðrik varð 21 árs, meðan á því stóð,
og Bent verður bráðlega 21 árs. Þeir
eru báðir orðnir góðir skákmcnn á
alþjóðamælikvarða, og vafalaust eiga
þeir eftir að halda uppi skákheiðri
Norðurlanda um næstu framtíð að
minnsta kosti.
Einvígisskákirnar voru tcfldar í
Sjómannaskólanum og var Áki Pét-
ursson skákstjóri.
Á sunnudaginn fór fram verðlauna-
afhending i Sjálfstæðishusinu. Norski
ambassadorinn, Andersen-Rysst, af-
henti þar Bent Larsen bikar Hákons
Noregskonungs og Friðriki Ólafssyni
silfurskál frá Oslóborg. Skáksamband
Islands gaf peningaverðlaun.
Hinn ungi skákmeistari Norður-
landa, Bent Larsen, á glæsilegan skák-
feril að baki sér.
í vetur varð hann efstur á skák-
rnóti í Júgóslavíu og um jólaleytið
varð hann annar á skákinóti i Svíþjóð.
Friðrik Ólafsson og Bent Larsen með verðlaunagripi sína.
Bent Larsen og Friðrik Ólafsson við taflborðið.
Á skákmóti Alþjóðasambandsins í
Amsterdam, þar sem svo til allir bestu
skákmenn heimsins voru saman
komnir, tefldi Larsen á fyrsta borði
fyrir Dani með mikltim glæsibrag.
Friðrik á ekki siður glæsilegan feril
að baki, og ber þar hæst afrek hans
i Hastings nú nýverið.
Frá hófi Skáksambands íslands s.l. sunnudag. Talið frá vinstri: TorgeirAndersen-Rysst, sendiherra Norð- Friðrik Ólafsson tekur við verðlaun-
manna, Bent. Larsen skákmeistari Norðurlanda, Sigurður Jónsson forseti skáksambandsins, Friðrik Ólafsson og um, sem ambassador Norðmanna af-
Bodil Begtrup sendiherra Dana. hendir frá Oslóarborg.