Fálkinn - 29.11.1961, Blaðsíða 12

Kristjana Ragnarsdóttir Pálfríður Guðmundsdóttir
Rætt við fjórar húsmæður, sem allar
húa í sömu blokkinni og allar hafa
unnið stórvinninga í Bingóspilum.
Austast í austurbænum
eða þar sem Ásgarður liggur
í Reykjavík býr heppið og
hamingjusamt fólk. Þar blasir
frjósamur Fossvogsdalurinn
við sjónum manns í suðri, en
mjallhvítir Móskarðshnúkarn-
ir gnæfa við himin í norð-
austri. Dag nokkurn er við
vorum á gangi þarna inn frá,
kom hópur ungra drengja á
móti okkur. Sungu þeir við
raust og veifuðu litlum fán-
um.
— Af hverju eruð þið að
flagga? spurðum við. Á ein-
hver afmæli?
— Nei, nei.
— Hvers vegna eruð þið þá
að flagga?
— Það er nefnilega kona
hérna uppi á Ásgarði, sem
vann 12 manna kaffistell í
Bingó og bíl í happadrætti,
svöruðu þeir litlu og hlupu
brott.
Það er naumast, að hér býr
heppið fólk hugsuðum við með
sjálfum okkur. Þarna eru
heilar íbúðir, sem fengist hafa
út á einn snjáðan happadrætt-
ismiða hjá D.A.S., og svo er
hér fólk, sem sífellt er að
vinna í Bingó, þessu spili, sem
svo margir eru sólgnir í og
jafnvel merkismenn hafa
fengið auknefni af. Við höfð-
um til að mynda spurnir af
konu nokkri, einmitt við Ás-
garðinn, sem hafði unnið
hjónarúm í Bingó. Síðan höfðu
þau hjónin farið í Bingó svo
að segja á hverju kvöldi. Það
hlýtur að vera hamingjusamt
fólk, sem getur farið í Bingó
á hverju kvöldi. Okkur lang-
aði því að hafa tal af þessu
fólki, sem var svona heppið.
Reyndar höfðum við heyrt
annars Ásgarðs getið, en þar
spiluðu menn ekki Bingó, þar
drukku menn og goð mjöð
fornan og börðust svo og dóu,
vitanlega lifnuðu þeir við aft-
ur. En æsir höfðu aldrei spilað
Bingó og þaðan af siður ás-
ynjur. Við fréttum svo á skot-
spónum, að í blokk nokkurri
við Ásgarðinn væru fjórar
myndarlegar húsfreyjur sem
allar hefðu unnið eitthvað í
Bingó. Og einn eftirmiðdag,
þegar rigningin var sem mest
og forin í úthverfum höfuð-
borgarinnar í ökla tókum við
hús á þessum fjórum húsfreyj-
um. Auðvitað völdum við
eftirmiðdaginn, því að þá voru
eiginmennirnir ekki heima og
við gátum vænzt þess, að
frúrnar hefðu eitthvað að
segja. Allar þessar konur
tóku okkur forkunnarvel,
enda þótt þær væru á kafi
í húsverkunum og mættu
tímans vegna varla vera að
tala við okkur. Blokkin ber
númerin 149 — 165. Við knúð-
um fyrst dyra hjá frú Ellen
Stefánsdóttur_ sem býr aust-
ast í blokkinni.
— Segið okkur eitt, hafið
þér unnið einhverja vinninga
í Bingó?
— Já, ég vann einu sinni
skrifborð. Annars stunda ég
þetta ósköp lítið, ég hef bara
farið nokkrum sinnum. Hvaða
vitleysa er þetta, ég vann líka
ávísun á herrajakka, sem ég
ætla svo að gefa manninum
mínum í jólagjöf. Þetta er
mesta happadrættisgata, þessi
Ásgarður. Ég veit um konu,
sem var að vinna 500 þúsund
hérna við þessa götu, svo var
líka einhver önnur að vinna
gullúr hérna í nágrenninu.
—- Var það hérna, sem
hjónarúmið vannst?
— Nei, ekki er mér kunn-
ugt um það. Það hlýtur að
hafa verið í annarri blokk,
þetta eru allt svo miklar
heppniskonur hér við Ásgarð-
inn. Ég hef nú líka unnið
Eigum við að k