Fálkinn - 04.04.1962, Síða 33

þegar veslings Tom kom inn. Hann
stóð þarna örskammt frá henni og það
var líkast því að plantan hefði dáleið-
andi áhrif á hann, því hann hreyfði sig
ekki, þegar fálmararnir beygðu sig að
honum og gripu hann.
Barker skalf, er hann rifjaði þetta
upp fyrir sér.
— Áður en ég gat gripið hann, hafði
ófreskjan kramið hann til dauðs og
fálmararnir sugu blóðið úr honum. Það
var blóðið, sem hún þurfti. Það gaf
henni máttinn. Og meðan ég stóð og
horfði á þetta frá mér numinn af undr-
un óx hún óðfluga og niðurinn eða
suðið sömuleiðis. Og nú sá ég, að ég
var kominn í gildru og gat ekki komizt
í burt. Blóð kattarins hafði veitt
ófreskjunni þann kraft, sem hún þurfti
til þess að verða hættuleg. Og í þessum
stellingum var ég, þar til þú komst og
bjargaðir lífi mínu.
— Tölum ekki meira um það, muldr-
aði ég. Dró hann upp stigann og hellti
ofan í hann vænu glasi af whisky.
Við brenndum leifar ófreskjunnar
með sýru upp til ösku. Barker tregaði
mjög eftirlætisköttinn sinn og næsta
sinn er ég kom til hans, tók ég eftir því,
að snjáða bindið, sem hafði að geyma
frásögnina og myndina af mandrakinu,
var horfið úr bókaskápnum hans.
GABRIELA
Frh. af bls. 25.
— Fyrsta tilboðið, hafði hann hrópað.
Og svo hafði hann faðmað hana að sér
og dansað í kringum hana. En ein mynd
stóð Gabrielu stöðugt fyrir sjónum og
hún gat ekki gleymt henni: Hún sá
fyrir sér hið elskulega andlit Hohen-
perch og hvernig dularfullt bros færð-
ist yfir varir hans. Og hún fékk væm-
ið bragði í munninn, af því að einmitt
hann hafði talað um verksmiðjuna.
Gabriela skaut gluggatjöldunum til
hliðar og hallaði sér eilítið áfram. Hún
hafði komið auga á manninn sinn.
Hann gekk rös'klega yfir götuna, löng-
um og ákveðnum skrefum. Hann hélt
á hattinum í hendinni. Hún hljóp niður
til þess að taka á móti honum.
Hann fór úr frakkanum og glöð í
bragði leiddust þau upp tröppurnar.
— Ég held að þetta verði prýðilegt,
sagði hann og það gætti sömu bjart-
sýni í röddinni og þegar hann sýndi
henni bréfið. — Við höfum raunar ekki
gert neirin endanlegan samning enn-
þá, en ....
í sama bili var barið að dyrum og
þegar Julian opnaði, stóð Bettina fyrir
utan. Hún var föl og óstyrk.
— Ég biðst afsökunar á því, að ég
skuli ryðjast svona inn á ykkur, sagði
hún lágt en ég þarf nauðsynlega að tala
við þig Júlian.
Gabriela reis á fætur og bjóst til að
fara, en Bettina bandaði frá sér með
hendinni.
— Það eru engin leyndarmál, sem
mér liggur á hjarta að segja frá, sagði
hún.
Hún lét sig falla niður í stól og
kveikti sér í vindlingi með skjálfandi
fingrum.
— Það er í sambandi við Doris, hóf
hún máls. Og síðan sagði hún þeim
alla söguna, allt um Pedro sem hún
vissi, um stúlkuna, sem hafði svipt sig
lífi hans vegna, og að hún vildi ekki að
dóttir þeirra Julians biði sömu örlög.
Hún sagðist ekki hafa mátt hugsa til
þess, að dóttir hennar gengi að eiga
mann, sem sýnt væri, að ekki mætti
treysta.
— Ég fékk föður Pedros til þess að
taka hann með sér aftur til Mexico.
Hann lofaði mér að gera það, en nú
sendir Don Felipe skeyti til mín frá
bátnum og segir, að Pedro hafi horfið
rétt áður en hann átti að leggja frá.
Og þetta táknar aðeins eitt.
Kæri Astró!
Viltu lesa í stjörnurnar um
framtíð mína. Ég er fædd í
Reykjavík klukkan korter yf-
ir 12 á miðnætti 1936. Er í
námi. Hvernig heldurðu að
það gangi? Liggja fyrir mér
ferðalög? Hvernig er skapgerð
mín og hvað um ástamálin?
Þekki mann sem er fæddur
1938. Vona að þetta birtist sem
fyrst. Gjörðu svo vel að sleppa
fæðingardegi.
Virðingarfyllst,
Begga.
Svar til Beggu.
Þú fæddist þegar Sólin var
14° í merki Meyjarinnar.
Þetta gerir þig fremur hæg-
gerða og athugula. Það er fátt
sem þú mundir ganga út í að
framkvæma, án þess að hafa
yfirvegað það rækilega lengi
áður og það er einmitt eins
og fólk ætti að hafa það. Hins
vegar getur þetta stundum
gengið of langt, því stundum
missirðu af tækifærum sem
þú annars hefðir getað gripið
og hagnast á. Hitt er annað
mál að þessi varkárni þín staf-
ar ekki af því að þú sért ekki
tilfinningarík, síður en svo. Þú
ert ein af þeim manneskjum
sem stillir tilfinningunum í
hóf og kannt að dylja þær fyr-
ir öðrum. Hins vegar er full
ástæða til að ætla að þú verð-
ir aðallega starfandi, sem hús-
móðir mestanhluta ævinnar en
ekki sem „karér“ manneskja,
enda eru afstöður þínar út á
við ekki heppilegar gagnvart
atvinnu og slíku og ég býst við
að þú verðir einhvern tíma
viðriðin leiðinlegan „scandal“,
en þú munt samt komast í
gegn um það allt saman með
þautsegjunni.
Neptúnus í 4. húsi bend-
ir til erfiðleika í sambandi við
börnin og foreldrana, en þetta
eru oft hlutir sem fólk með
þessa afstöðu vill ekki láta í
ljós fyrir öðrum. Einnig bend-
ir þessi afstaða til hagnaðar í
sambandi við eignir og land
o. fl., og oft til arfs, en samt
er slíkt oft skilyrðum háð, sem
erfitt er að gangast undir.
Einnig þykir þessi afstaða oft
benda til erfiðleika á efri ár-
um ævinnar í sambandi við
ættingja eða aðra fjölskyldu-
meðlimi. Hægt er að þroska
sálræna hæfileika með sér
undir þessari afstöðu, svo sem
skyggni.
Venus í fimmta húsi bendir
til að þú munir hafa mikið
með börn og barnagæzlu að
gera, einnig muntu hafa tölu-
verð afskipti við ungt fólk.
Þessi afstaða bendir til þess
að þú sért barnelsk að eðlis-
fari og að þú hafir ríkan skiln-
ing á þörfum þeirra. Þessi af-
staða styrkir löngun þína til
ástartjáningar og kærleika í
garð annarra.Merkúr í fimmta
húsi bendir til að þú temjir
þér að líta björtum augum á
tilveruna. Einnig reynist þér
auðvelt að læra vissar teg-
undir lista eins og t. d. að
mála, flest í sambandi við
liti. Að öðru leyti er nám þitt
undir hagstæðum afstöðum.
Júpíter í sjötta húsi bendir
til að heilsufarið verði gott
hjá þér, en þó áttu í erfið-
leikum með magann eða
kviðarhol, en heilsunnar
vegna ættirðu að geta orðið
mjög langlíf.
Máninn í ellefta húsi bend-
ir til þess að þú eigir og eig-
ir eftir að eignast fjölda vina.
Úranus í þessu húsi bendir til
óvenjulegra vina og að þú
eigir þér nokkuð óvenjulegar
óskir og vonir.
Svo við snúum okkur nú
að sambandi þínu og pilts
þess, sem þú gafst mér upp
fæðingardag og ár á, þá er ég
mjög hlynntur því að þið
stofnið til hjónabands, því
þið eigið sérstaklega vel sam-
an, og eruð mjög líkar mann-
gerðir. Það hjónaband yrði
hið mesta fyrirmyndar hjóna-
band.
fXlkinn 33