Fálkinn - 09.08.1965, Side 11

réttar öndunaraðferðir, þannig
að þær geti alið börn sin með
fullri vitneskju um hvað er að
gerast og notið hinnar miklu
stundar með óskiptri gleði.
EKKINGARSKORTUR or-
„ sakar hræðslu. Hræðsia
orsakar spennu. Spennan or-
sakar sársauka,“ sagði dr.
Read. Það er ekki nóg að segja
verðandi mæðrum, að þær eigi
að slappa af og fæða börn sín
sársaukalaust. Þær þurfa að fá
fræðslu, öðlast þekkingu á fyr-
irbærum meðgöngutímans og
fæðingarinnar sjálfrar, læra
rétta öndun og iðka líkamsæf-
ingar. Því betur sem þær eru
undir fæðinguna búnar, þeim
mun betur mun hún ganga, og
því heilbrigðari sem þær eru
andlega og líkamlega, þvi auð-
veldari verður hún þeim.
Það er þetta sem líf Huldu
snýst um — að gera mæðrum
kleift að ala börn sín létt og
sársaukalaust, þannig að fæð-
ingin verði helgasta stundin i
lífi þeirra, dýrlegur atburður
sem þær geta minnzt með gleði
og litið fram á með tilhlökkun.
Og hver veit hvaða áhrif það
kann að hafa á líf ungbarnsins
að fæðast hjá glaðri og ham-
ingjusamri móður sem tekur
það í faðm sér um leið og það
sér dagsins ljós í fyrsta sinn og
býður það velkomið í hina nýju,
ókunnu veröld?
HULDA hefur langa reynslu
að baki sér sem ljósmóðir.
Hún útskrifaðist úr ljósmæðra-
skólanum árið 1949 og hefur
síðar dvalizt langdvölum er-
lendis við nám og störf. Og
hvers vegna lagði hún út á
þessa braut? Hún var viðstödd
barnsfæðingu . ..
? ,,í dag hafði ég ekki lagt á
flótta,“ segir hún í bók sinni,
SLÖKUN OG EÐLILEG FÆÐ-
ING. „Ég hafði séð barn fæð-
ast. Hvílíkt undur! Hvernig
hafði ég getað haidið, að þetta
frábæra undur væri hræðilegt?
Ég gat ekki skilið það lengur.
Ég vissi, að í dag hafði ég séð
undrið sem mest er allra undra,
séð barn fæðast, fagurt, vel-
skapað barn. Allt var þar,
ekkert vantaði, en þó svo lítið
og ósjálfbjarga. Bylting hafði
gerzt í huga mér.“
Og hún ákvað, að þetta væri
það sem hún vildi gera —
„hjálpa nýjum þjóðfélagsþegn-
um er þeir hef ja göngu sina á
braut þessa jarðlífs,“
Hún fékk inngöngu i skól-
ann, „og námstiminn leið við
nám og störf, næturvökur, gleði
og sorg. Leiðin lá til annarra
landa. Þar kynntist ég nýjum
hliðum þessa starfs, nýjum
skoðunum, nýjum starfsaðferð-
um.“
XTN eitthvað var öðruvísi en
það átti að vera. Hún vann
á risastóru sjúkrahúsi í Svíþjóð.
Það var hreint og bjart, búið
nýtízkulegustu tækjum, engin
hjálpargögn skorti. En þetta
var ópersónulegt, allt svo stórt
og umfangsmikið, konur komu
og konur fóru, ólu sín börn,
hurfu af spítalanum ... starfið
var orðið eins og hálfgerð
verksmiðjuvinna. „ ... vinna
sem ég vaknaði til á morgnana
og fór frá að kvöldi, fegin að
vera laus.“
Hulda var ekki ánægð. Það
læddist að henni nagandi grun-
ur, að þetta væri engan veginn
það sem hún hafði þráð, undr-
ið „sem gerzt hafði í vitund
minni einn fagran vormorgun
fyrir nokkrum árum. En um-
hverfið og fastmótaðar starfs-
venjur bundu mig og kæfðu
glóðina sem í var skarað.“
HÚN fór til Noregs, langt
norður á bóginn, starfaði
sem ljósmóðir í afskekktri
sveit. Og kvöld eitt um hávet-
ur gerðist atburður sem varð
örlagaríkur í lífi hennar:
„Ég stend við gluggann á
svefnherbergi mínu og horfi út.
En ég sé ekki neitt, því að það
er biksvart myrkur. Ég veit, að
úti er þung færð, djúpur snjór
og 32 stiga frost. Þó er allt svo
kyrrt og milt
„Ég veit, að í nótt mun nýr
borgari fæðast í þessu húsi. Ég
veit líka, að svo langt er til
læknis, að þaðan er engrar að-
stoðar að vænta. Konan sem
ala mun barn sitt, er hin ró-
legasta yfir því, finnst það ekki
skipta máli. Hví skyldi ég þá
hafa áhyggjur?
„Ég reyni að láta öryggi
hennar hafa áhrif á mig, og
með því öryggi leggst ég til
hvíldar. Ég hef víst sofið að-
eins örlitla stund, þegar hæg-
látlega er drepið á dyrnar. Allt
gengur síðan eins og í sögu. í
svefnherbergi þar sem tvö börn
sofa við yl frá kolaofni og Ijós
af olíulampa, fæðist heilbrigð-
ur, fallegur sveinn. Hann gef-
ur frá sér hin fegurstu hljóð og
vekur með þeim systkini sin
bæði, en að öðru leyti hafði
hvorki heyrzt hósti né stuna.
„Allt er um garð gengið. Enn
á ný sé ég konu halda á barn-
inu sinu í faðmi sér. Enn á ný
Framh. á bls. 33.
endast yfir 100 þús. k m.
BRIDGEST OIME
mest seldu delili á Islandi
Treystið
BRIDGESTONE
BRIDGESTONE TIRE

Vörubíladekkin

FALKINN
11