Fréttablaðið - 12.10.2009, Blaðsíða 15

MÁNUDAGUR 12. október 2009 15
Austur-Indíafjelagið, elsta og vinsælasta
indverska veitingahúsið hér á landi, fagnar
nú 15 ára afmæli. Í tilefni þess höfum við
sett saman þriggja rétta afmælismatseðil með
okkar vinsælustu réttum í gegnum tíðina.
Afmælismatseðillinn er í boði í október.
Gríptu tækifærið og taktu þátt í indversku
ævintýri á hreint frábæru verði!
Borðapantanir í síma 552 1630
www.austurindia.is
Indverska
ævintýrið
15 ára
Þriggja rétta
afmælismatseðill
4.990 kr.
Hverfisgata 56, 101 Reykjavík
Sími: 552 1630
Opið:
sun.-fim. 18:00 - 22:00
fös. og lau. 18:00 - 23:00
FORRÉTTUR
Hariyali Tandoori
laxateningar
Marineraðir í kóríander,
spínati og grænu chillí
AÐALRÉTTIR
Boti Kebab
Grillað Tandoori lambafi llet,
marinerað í Garam Masala,
brúnuðum lauk og chillí
Lasooni Murgh
Hvítlaukskjúklingur marineraður
í engiferi, broddkúmeni og kóríander
grillaður í Tandoori ofni
Meloni Subzi
Blandað grænmeti, eldað í ríkulegri
blöndu af cashewhnetum, kanil,
kardemommum, negul og anís
MEÐLÆTI
Raitha
Heimalöguð jógúrtsósa með
gúrkum og kryddblöndu
Pulao Rice
Basmati hrísgrjón elduð í blöndu
af jurtum og kryddi
Naan brauð
Blanda af indversku brauði úr
Tandoori ofninum
EFTIRRÉTTUR
Kulfi
Indverskur ís með saffrani
og pistasíuhnetum
ÚRVAL VINSÆLUSTU RÉTTA
OKKAR SÍÐUSTU 15 ÁR
UMRÆÐAN
Þórólfur Matthíasson skrifar um
efnahagsmál
Sú saga er sögð af Einari Bene-diktssyni að hann hafi eitt sinn
selt erlendum mönnum (enskum?)
jörðina Þúfu í Ölfusi. Að kaupum
frágengnum hafi hann farið með
þeim austur og þegar þeir spurðu
um eign sína hafi hann bent á eina
þúfuna á jörðinni og snúist á hæli.
Í samræmi við samninginn um
Evrópska efnahagssvæðið er íslenskum
stjórnvöldum skylt að haga tryggingu inni-
stæðna í bönkum í samræmi við fyrirmæli
í tilskipun Evrópusambandsins 94/19/EC.
Samkvæmt tilskipuninni skulu stjórn-
völd sjá til þess að fyrstu 20.887 evrurnar
á bankareikningum einstaklinga
séu tryggðar þó svo banki komist í
greiðsluþrot.
Nokkrir íslenskir stjórnmála-
menn og nokkrir íslenskir sér-
fræðingar halda því fram að
Ísland hafi uppfyllt sínar skyldur
með því að setja lög 98/1999 um
innstæðutryggingar og trygginga-
kerfi fyrir fjárfesta.
Þau lög kveða á um að fjármála-
stofnun sem aðild á að sjóðnum
skuli greiða sem svarar 1% af innistæðum
til sjóðsins. Ofangreindir stjórnmálamenn
og sérfræðingar telja að með setningu laga
98/1999 ljúki ábyrgð stjórnvalda gagnvart
innistæðutryggingunni í samræmi við til-
skipun Evrópusambandsins.
Með öðrum orðum segja þessir stjórn-
málamenn og sérfræðingar að Þúfa sé
þúfa og sjóður sé sjóður hver svo sem
stærð og greiðslugeta hans sé. Erlendir
sérfræðingar og margir innlendir sem
ég hef rætt við eru ekki sama sinnis. Þeir
segja að selji maður Þúfu dugi ekki að
benda á þúfu. Hafi íslenska ríkið undir-
gengist, með samningnum um Evrópska
efnahagssvæðið, að tryggja fyrstu 20.887
evrur á innistæðureikningi í fjármála-
stofnun þá sé íslenska ríkið ábyrgt fyrir
þeirri upphæð óháð því hvaða sjónhverf-
ingar sé reynt að setja á svið að öðru leyti.
Evrópudómstóllinn hefur reyndar tekið
af öll tvímæli um að ríkisstjórnir ein-
stakra landa innan sambandsins (og innan
EES) séu ábyrgar séu tilskipanir ekki lög-
leiddar bæði að formi og innihaldi, sbr.
niðurstöður í máli Francovich gegn Ítalíu
frá 1991.
Þess ber að lokum að geta að þeir sem
best þekkja til orða og æðis Einars Bene-
dikssonar telja að orðaleikurinn um Þúfu
og þúfu hafi verið hrekkur en ekki alvara.
Hinir erlendu aðilar hafi fengið afhenta þá
eign sem þeir keyptu. Enda farnast þeim
að jafnaði betur sem heldur gerða samn-
inga en hinum sem leitar allra leiða til að
koma sér undan efndum.
Höfundur er prófessor
í hagfræði við Hagfræðideild
Háskóla Íslands.
Þýfð lögfræði
ÞÓRÓLFUR
MATTHÍASSON
Með öðrum orðum þá segja þessir
stjórnmálamenn og sérfræðingar að
Þúfa sé þúfa og sjóður sé sjóður hver
svo sem stærð og greiðslugeta hans sé.
UMRÆÐAN
Ögmundur Jónasson svarar
grein Þorsteins Pálssonar.
Í rökræðu gerist það að menn beiti fyrir sig samlíkingum sem
í kjölfarið víkja rökhugsun til hlið-
ar. Frægir heimspekingar hafa
verið annálaðir fyrir fimi í þessu
efni. Plató tókst
að sannfæra
marga lesendur
sína um rétt-
mæti fámennis-
stjórnar í þjóð-
fé l a g i m e ð
samlíkingu við
skip í stórsjó.
Hásetar á skipi
þurfi fortaks-
laust að hlýða skipunum skipstjór-
ans; ekki síst þegar gefur á. Flest-
um lesendum Platós þykir þetta
vera sannfærandi eða þar til þeir
gaumgæfa málið. Þá rennur upp
fyrir þeim hið augljósa: Þjóðfélag
er ekki skip í stórsjó.
Eins er það með hugarburðinn
um torfærurnar sem ráðamenn
á Íslandi hafa sagst vera staddir
í undanfarna tólf mánuði. Síð-
astliðið haust sögðust leiðtogar
ríkisstjórnar innar vera að brjótast
í gegnum skafla, síðan tóku brekk-
urnar við, að ógleymdum stórfljót-
unum. Þorsteinn Pálsson, stjórn-
málarýnir Fréttablaðsins, telur
sig nú vera úti í einu slíku stór-
fljóti. Hann kemst að þeirri niður-
stöðu í skrifum um nýliðna helgi
að aldrei hafi „þótt ráðlegt að snúa
hesti í miðju straumvatni. Við ríkj-
andi aðstæður væri það beinlínis
háskalegt.“
Hross Þorsteins er Alþjóða-
gjaldeyrissjóðurinn. Sú skoðun, að
því fyrr sem við losnum við AGS
þeim mun betra, er „háskaleg“,
að mati Þorsteins, sem gæti leitt
til viðsnúnings bykkjunnar. En ef
það er raunverulega svo að kröfur
AGS um gjaldeyrisvaraforða, sem
kostar skattgreiðendur 20 millj-
arða á ári, og niðurskurðarkröfur
sem gætu þegar til lengri tíma
litið, dýpkað kreppuna gagnstætt
því sem lagt er upp með, er þá ekki
rétt að taka nýja og heillavænlegri
stefnu? Mæla ekki rök með því?
Þorsteinn Pálsson sakar mig sér-
staklega um einangrunarhyggju
fyrir að halda þessum sjónarmiðum
fram. Nú heyri ég ekki betur en
þeim fjölgi óðfluga sem eru á
sama máli og ég. Þannig verður
ekki betur séð en ég eigi góða sam-
leið með sístækkandi hópi á sama
tíma og stefnir í hugmyndalega
einangrun Þorsteins Pálssonar.
Höfundur er alþingismaður.
Einangrun
Þorsteins
Pálssonar
ÖGMUNDUR
JÓNASSON
Auglýsingasími
– Mest lesið