Fréttablaðið - 29.10.2009, Qupperneq 48

32 29. október 2009 FIMMTUDAGUR
menning@frettabladid.is
Diddú, Jóhann Friðgeir Valdimars-
son og Óskar Pétursson voru með
söngskemmtun í Íslensku óperunni
undir yfirskriftinni „Frá suðri til
norðurs með sópran í eftirdragi!“
í september og var húsfyllir svo
margir þurftu frá að hverfa. Efn-
isskráin er í léttari kantinum og
glens og gaman haft í hávegum,
þó dramatíkin komi að sjálfsögðu
með eins og tenóra er von og vísa
þegar aðeins er um einn sópran er
að ræða. Ekki hefur tekist að ná
saman mannskapnum í aukatón-
leika fyrr en nú en þeir verða á
sunnudaginn kemur kl. 20 og eins
gott að áhugasamir nái sér í miða
í tíma. Á meðal söngatriða á efni-
skránni eru bæði íslensk og erlend
lög og aríur og leikur Jónas Þórir
undir. Dagskrána hyggjast þau svo
endurflytja í þriðja sinn norðan
heiða: þeir tónleikar verða í Akur-
eyrarkirkju 8. desember kl. 17.
Miðasala fyrir tónleika á Akureyri
er í Bókaversluninni Eymundsson,
Hafnarstræti. - pbb
Tenórar endurtaka sig
ath kl. 20.30
Jón Ólafsson píanisti leikur af
fingrum fram með Diddú sér við
hlið en hún rifjar upp nokkra
ópusa af sínum langa ferli. Þetta
verður í kvöld í Salnum.
> Ekki missa af
Hádegistónleikum í Gerðu-
bergi á föstudaginn kl. 12.15.
Yfirskriftin að þessu sinni er Úr
gullkistu sellósins en Margrét
Árnadóttir sellóleikari og Nína
Margrét Grímsdóttir, píanó-
leikari og listrænn stjórnandi
tónleikaraðarinnar, munu flytja
verk eftir Mendelssohn og
Beethoven. Ókeypis aðgangur
er á tónleikana og þeir verða
endurteknir sunnudaginn 1.
nóvember kl. 13.15.
Það bætist í sarp bænda og búa-
liðs á Landnámssetrinu í Borgar-
nesi þegar sá mæti fræðaþulur
Haukur Sigurðsson stendur þar
undir mæliás á laugardagskvöld
eftir mjaltir og fer með hryggj-
arstykkið úr Eyrbyggju. Eins og
kunnugt er hefst hún á deilumáli
um hvar menn mega ganga örna
sinna á Þórsnesi, en það vanda-
mál var víðast tilefni deilna, til
dæmis í verum þar sem svokall-
aðir sýslumenn deildu niður á
menn skákum til að skíta. Gengur
Haukur nú slóð þeirra Benedikts
Erlingssonar og Brynhildar Guð-
jónsdóttur sem sótt hafa í Eglu
og Einars Kárasonar sem leitaði
í Sturlungu. Haukur Sigurðsson
á að baki áratuga feril sem kennari og fræði-
maður – búinn að kenna þúsundum Íslendinga
sögurnar í gegnum tíðina og
hefur sett saman sitt eigið handrit
með útdrætti úr sögunni sem
hann flytur blaðalaust. Sýninguna
kallar Haukur Kynngi og kær-
leikur í Eyrbyggju enda er sagan
kynngimögnuð, full af forynjum
og draugum. Haukur Sigurðsson
er sagnfræðingur og var lengst af
sögukennari við Menntaskólann í
Reykjavík. Hann hefur meðal ann-
ars skrifað kennslubækur í samfé-
lagsfræði og sögu fyrir grunnskóla
og framhaldsskóla. Þá hefur hann
þýtt fjölda leikrita fyrir Bandalag
íslenskra leikfélaga. Eyrbyggjusögur
Hauks verða á dagskrá Landnáms-
seturs næstu vikur í bland við
Brák Brynhildar, Brúðarrán Víðis
Guðmundssonar og Mr. Skallagrímsson Hilmis
Snæs Guðnasonar sem er í vændum.
Kynngi og kærleikur í Eyrbyggju
MENNING Haukur Sig-
urðsson skeiðar gegnum
Eyrbyggju í löngu uppistandi
MYND FRÉTTABLAÐIÐ
Leiklist ★★★★
Ástardrykkurinn
Höfundar: Gaetano Donizetti og
Felice Romani
Leikstjóri: Ágústa Skúladóttir
Hljómsveitarstjóri: Daníel
Bjarnason
Önnur sýning á Ástardrykknum
er annað kvöld og þá þriðju ber
fyrir augu gesta á laugardag.
Uppselt er á fyrirhugaðar átta
sýningar og einni aukasýningu
hefur þegar verið bætt við. Ást-
ardrykkurinn deilir nú þröngu
sviðinu í Gamla bíó með Hell-
isbúanum. Vonandi duga húsa-
leigutekjurnar Íslensku óper-
unni til að standa fyrir tveimur
sviðsetningum á ári nú þegar við
blasir niðurskurður á fjárstyrk til
rekstursins. Fari fram sem horf-
ir (óperuhús í Kópavogi úr sög-
unni, óperan flytur í tónlistarhús
2011) er eins gott að fara að huga
að framtíð þessa starfs og húss-
ins, þegar óperan yfirgefur það.
Vilji einhver kaupa.
Það var býsna gaman að sjá
sviðsetningu Ágústu á þessu ann-
ars þunna verki. Þetta er raunar
bara eins lags ópera; þótt part-
arnir séu fallegir margir, hljóma
þeir ári kunnuglega. Ágústa
hefur verkið úr sínum suðræna
kardimommubæ og gerir það
tímalaust í stílfærslu umhverfis
og búninga. Allt gott um það að
segja þótt þverröndóttir borðar
um kvenhluta kórsins og lágbotna
skór hafi gert þær allar stuttar og
digrar. Lýsing Páls Ragnarsson-
ar kallast á við sterkar andstæður
lita í leikmynd Guðrúnar Öyahals
sem er byggð með flötum flekum
og lítið fer fyrir á þessu erfiða
sviði. Það er slæmt þegar áhorf-
andi hefur mestar áhyggjur af því
að kórmeðlimir felli leikmyndina
með fyrirferð á sviðinu. Ræðum
kórinn aðeins frekar þótt það
kunni að kalla fram hatursfullar
athugasemdir á bloggsíðum ein-
stakra kórfélaga í garð gagnrýn-
andans – eins og dæmin sanna.
Reynsla Ágústu og menntun
beinir henni í þá átt að nota kór-
inn í samræmdum taktbundn-
um hreyfingum höfuðs, búks og
handa. Hún er reyndar einn fárra
leikstjóra hér sem leggja í þetta
aftur og aftur. Þetta er skemmti-
legt bragð en útheimtir meiri
þjálfun er kór Íslensku óperunn-
ar býr yfir. Er þó ekki til lýta.
Hreyfingar almennt í sýning-
unni eru vel unnar og hugsaðar,
einkum hjá þeim Garðari, Dísellu,
Bjarna og Ágústi. Sú vinna er létt,
kómísk og sannfærandi sem hluti
af persónusköpun sem eðli máls
samkvæmt verður grunn.
Bjarni og Ágúst skinu skær-
ast í sýningunni með fínum leik
og styrkum röddum, fullkomnu
valdi á sínu.
Dísella er kvik á sviði, röddin
ekki hljómmikil og nokkuð eins-
leit en hún er tvímælalaust mikið
efni fái hún tækifæri til að þrosk-
ast. Garðar er glæsilegur maður
með fallegan tón en ekki sterka
rödd. Hann er skýr í hugsun sinni
og mótun, ber sig af miklu öryggi
og gerir gamanleiknum fín skil.
Það er gaman að sjá hann á sviði,
fín og smágerð kómísk brögð sem
eru fyndin í sjálfu sér.
Það var gaman á frumsýning-
unni. Þetta er falleg sýning og
tekst vel miðað við aðstæður.
Þóra Einars og Gissur Gissurar-
son taka við hlutverkum elskend-
anna og verður gaman að sjá þau
í þessari sviðsetningu. Það er víst
uppselt á flestar sýningar á Ást-
ardrykknum en menn gera margt
vitlausara en að komast yfir ósótt-
ar pantanir.
Páll Baldvin Baldvinsson
Niðurstaða: Fjörleg og falleg
sýning.
Skemmtileg
kvöldstund
LEIKLIST Garðar Thor og Dísella í hlutverkum sínum í Ástardrykknum: kraftmikið
fólk á sviði þótt raddir þeirra séu ekki stórar og sterkar. MYND/ÍSLENSKA ÓPERAN
NÝ
BÓK