Tímarit iðnaðarmanna - 01.06.1962, Blaðsíða 11

2. Að gera tillögur um, hvernig efla megi iðnaðinn
í landinu með aukinni tæknilegri aðstoð, bættum
vinnubrögðum og hagnýtingu erlendra nýjunga á sviði
iðnaðar.
3. Að gera tillögur um eftirlit með vörugæðum inn-
lends iðnaðar í því skyni að hefja iðnreksturinn á
hærra stig í vöndun framleiðslunnar.
Nefndinni er heimilt að hefja tilraunaframkvæmdir
um tæknilega fyrirgreiðslu og aukin afköst. Mun ráðu-
neytið fá nefndinni til umráða 100 þús. krónur til að
standa undir kostnaði við störf hennar og má kostn-
aður ekki fara fram úr þeirri upphæð. Nefndin skal
leggja fyrir ráðuneytið eigi síðar en 31. des. 1952 tillög-
ur um framtíðarskipun framangreindra mála hér á
landi.
Nefndin skilaði ýtarlegum tillögum og mikilli grein-
argerð 30. desember 1952. Tillögur nefndarinnar voru
ekki að sama skapi hagstæðar iðnaðarmönnum og sam-
tökum þeirra eins og margir munu kannast við, sem
fylgdust með iðnaðarmálum á þeim tíma. En hér mun
það eigi rifjast upp, en aðeins getið um þróun þessa
máls, og síðar voru margar okkar tillögur teknar til
greina, þannig að málin færðust til betri vegar. Þegar
hér var komið, átti Landssamband iðnaðarmanna og
iðnaðarmenn enga aðild að væntanlegri stofnun, sem
var hrint í framkvæmd á næsta ári, því að í 16. gr.
fjárlaga fyrir árið 1953 voru veittar 200 þús. kr. til þess
að koma á fót og reka Iðnaðarmálastofnun. Með bréfi
dags. 28. febr. tilkynnti iðnaðarmálaráðherra nefnd-
inni þessa ákvörðun Alþingis og var starfssvið Iðnað-
armálastofnunar nánar tilgreint í bréfi á þessa leið:
Að veita iðnaðinum tæknilega aðstoð.
Að vera bækistöð fyrir gæðamat iðnaðarmanna.
Að safna skýrslum um allan iðnrekstur í landinu og
leggja grundvöll að slíkri skýrslusöfnun árlega. Enn-
fremur er gert ráð fyrir að nefndin undirbúi tillögur
um framtíðarskipulag iðnaðarsamtakanna í landinu
með tilliti til samvinnu milli þeirra og hins opinbera
um heilbrigða þróun iðnaðarins. Svo mörg voru þau
orð. Sama ár lauk Iðnaðarmálanefnd við að semja
frumvarp til laga um Iðnaðarmálastofnun íslands. Var
þá lagt til að bætt yrði í stjórnina fulltrúa frá Alþýðu-
sambandi íslands. Einnig fékk stjórn Landssambands
iðnaðarmanna frumvarpið til athugunar. Var þar síð-
an lagt fyrir Iðnþing sama ár og var því mótmælt í því
formi, sem það var. En eins og áður er greint, var
allur undirbúningur stofnunarinnar hafinn og starfs-
kraftar ráðnir. Iðnaðarmálastofnun íslands tók til
starfa í Iðnskólanum nýja 24. nóv. 1953. Ráðherra fól
Iðnaðarmálanefnd að annast rekstur stofnunarinnar,
þar til lög yrðu sett um hana.
Hinn 20. febrúar 1954 skipaði hr. Ingólfur Jónsson,
iðnaðarmálaráðherra, sjö manna nefnd til þess að
semja lög og reglur um Iðnaðarmálastofnun Islands.
Skipaðir voru í nefndina: Kristján Jóh. Kristjánsson,
formaður Félags íslenzkra iðnrekenda, Björgvin Fred-
eriksen, form. Landssambands iðnaðarmanna, Bene-
dikt Gröndal í framkvæmdastjórn Vinnuveitendasam-
bands íslands, Óskar Hallgrímsson, formaður Iðn-
sveinaráðs Alþýðusambands Islands, Kristjón Krist-
jónsson, framkvæmdastjóri, fulltrúi Sambands ísl. sam-
vinnufélaga, Þorsteinn Gíslason, verkfræðingur hjá
Sölumiðstöð hraðfrystihúsanna og Páll S. Pálsson, lög-
fræðingur, sem skipaður var formaður nefndarinnar.
Um það leyti, er nefndin hóf störf, hinn 26. febr.,
var sú breyting gerð á skipan hennar, að Kristjón
Kristjónsson var að eigin ósk leystur frá störfum sem
fulltrúi í nefndinni, en ráðuneytið skipaði í hans stað
Harry Frederikssen, framkvæmdastjóra iðndeildar
Sambands ísl. samvinnufélaga. Jafnframt skipaði ráðu-
neytið Kristjón Kristjónsson til þess að vera varafor-
maður nefndarinnar. Þegar nefndin hafði að miklu
leyti lokið störfum í sept. sama ár, hvarf Þorsteinn
Gíslason af landi burt til dvalar erlendis. Að ábend-
ingu formanns nefndarinnar skipaði ráðuneytið Gísla
Hermannsson, verkfræðing hjá Sölumiðstöð hraðfrysti-
húsanna, til þess að gegna störfum sem varamaður
Þorsteins. I athugasemdum við frumvarp til laga um
Iðnaðarmálastofnun Islands, sem lagt var fyrir Alþingi
á 82. löggjafarþingi 1961, segir meðal annars:
Fullt samkomulag varð innan nefndarinnar um
markmið stofnunarinnar og skipulag, og skilaði nefnd-
in sameiginlegu áliti í frumvarpsformi á tilsettum tíma.
Var það flutt á reglulegu Alþingi árið 1954, en varð
ekki útrætt. Annað frumvarp til laga fyrir stofnunina
var flutt á Alþingi árið eftir, en varð þá heldur eigi
útrætt.
Hinn 15. júní 1955 gaf þáv. iðnaðarmálaráðherra út
drög að starfsreglum fyrir Iðnaðarmálastofnun íslands,
til þess að haga störfum sínum eftir, þar til sett yrðu
um hana sérstök lög. Eftir þessum starfsreglum var
Iðnaðarmálastofnuninni stjórnað, þar til 29. maí 1957,
að þáv. iðnaðarmálaráðherra, Gylfi Þ. Gíslason, setti
stofnuninni nýjar starfsreglur, sem enn eru í gildi.
Með bréfi til Iðnaðarmálastofnunar Islands, dags.
10. júní s.l., óskaði iðnaðarmálaráðherra, Bjarni Bene-
diktsscn, þess, að stjórn stofnunarinnar léti semja
frumvarp til laga fyrir stofnunina og yrði við með-
ferð málsins sérstaklega tekin til athugunar aðild Al-
þýðusambands íslands og Vinnuveitendasambands Is-
lands, sem hvorug eiga fulltrúa í stjórn stofnunarinnar
samkvæmt gildandi starfsreglum. Drög að frumvarpi
TÍMARIT IÐNAÐARMANNA
51