Tímarit iðnaðarmanna - 01.06.1962, Síða 19
Frumvarpið var síðan rætt á næsta iðnþingi, er var
hið ii. í röðinni, og samþykkt þar, að Landssambandið
beitti sér fyrir stofnun bankans á grundvelli þcssa
frumvarps. Ennfremur var samþykkt að fela stjórn
sambandsins að fylgja málinu eftir með öllum hugsan-
legum og tiltækum ráðum, m. a. með því að beita
áhrifum sínum til hins ítrasta við alla stjórnmálaflokka
á Alþingi.
Segir svo í áliti fjárhagsnefndar iðnþingsins orðrétt:
„Nefndin telur höfuðnauðsyn iðnstétta landsins, að
unnið verði markvisst að framgangi þess.“
Málinu var síðan fylgt eftir með fyllstu einurð af
hendi forystumanna beggja samtakanna, L.i.m. og
F.í.i., með þeim árangri, að lög um Iðnaðarbanka ís-
lands h.f. voru samþykkt á Alþingi 19. des. 1951.
Enginn skyldi ætla, að afgreiðsla málsins á Alþingi
hafi gengið snurðu- og átakalaust í gegnum þingið, því
fór víðs fjarri, enda eðlilegt og ætti ekki að þurfa að
vekja neina furðu í hugum manna. Hitt er víst, að þar
gætti ekki síður skilnings og velvildar einstakra þing-
manna annars vegar og sterkrar aðstöðu ýmissa for-
ystumanna í samtökum iðnaðarsamtakanna hins vegar.
Nú var þessari átta ára orustu lokið með fullkomn-
um sigri. Og var þá næst fyrir hendi að sanna áþreif-
anlega, hver hugur fylgdi máli, enda stóð ekki á því.
Þegar í byrjun ársins 1952 var farið að vinna að söfnun
hlutafjár til bankans meðal iðnaðarmanna og iðnrek-
enda. Var unnið að þessu af miklu kappi og með þeim
árangri, að söfnun var lokið um haustið. Um eða yfir
ellefu hundruð einstaklingar og fyrirtæki höfðu skráð
sig fyrir hlutum á vegum L.i.m. fyrir um 1.5 millj.
króna, en á vegum F.í.i. allmiklu færri aðilar fyrir
jafnhárri upphæð. Þegar til átti að taka, urðu nokkur
vanhöld á greiðslu loforða frá hendi ýmissa þeirra, er
skráðir voru á vegum L.i.m. Var þá tekið það ráð í
bili að gefa nýjum aðilum kost á að gerast hluthafar,
aðilum sem helzt stóðu nærri samtökum Landssam-
bandsins og voru í sumum tilvikum meðlimir þar,
enda hafði á vegum F.í.i. hærri upphæð borizt í lof-
orðum en ráð var fyrir gert, það er 1.5 milljón. Þegar
svo hlutaféð var aukið samkvæmt heimild í lögum
bankans upp í 6.5 milljónir, voru þessi hlutföll jöfnuð
á þann hátt, að allir fengu að leggja það fram, sem ráð
var fyrir gert í upphafi. Geta má þess hér, að nú í
vetur, 1962, á nýafstöðnu Alþingi, voru samþykkt lög
um heimild til handa Iðnaðarbanka Islands h.f. að
auka hlutafé sitt upp í allt að 10 millj. króna, úr 6.5
millj. eins og það er nú. Verður væntanlega gengið frá
útboði á þcirri hlutafjáraukningu á aðalfundi bankans,
sem auglýstur hefur verið 2. júní n.k.
Stofnfundur
Nú var málið komið á það stig, að boða þurfti til
stofnfundar, og var sá fundur boðaður 18. okt. 1952.
Fundurinn hófst í Tjarnarkaffi kl. 2 e. h. og voru
mættir á fjórða hundrað hluthafar víðsvegar af land-
inu, auk hluthafa úr Reykjavík. Fundarstjóri var kos-
inn Helgi H. Eiríksson, en fundarritarar H. J. Hólm-
járn, Rvík, og Stefán Jónsson, Hafnarfirði. I upphafi
fundar var því lýst, að hlutafjársöfnun væri lokið og
tilskilinn hluti þess greiddur. Lagt var fram uppkast
að samþykktum fyrir bankann og útbýtt meðal fundar-
manna. Samþykkt var eftir allmiklar umræður að
fresta fundinum um viku, en kjósa bráðabirgðastjórn
til starfa til framhaldsfundar.
Kosningu í bráðabirgðastjórn hlutu: Helgi H. Ei-
ríksson, Guðmundur Helgi Guðmundsson, Helgi
Bergs, Kristján Jóh. Kristjánsson og Páll S. Pálsson.
Framhaldsfundur var svo haldinn í Sjálfstæðishúsinu
26. október 1952. Fundarstjóri og fundarritarar voru
hinir sömu og á fyrra fundi.
Á fundi þessum voru samþ. reglugerð og samþykktir
fyrir bankann. Auk þess voru gerðar á fundinum ýms-
ar samþykktir. Vísast til samtíma heimilda um þær.
Kosning í trúnaðarstöður fór fram á fundinum og
hlutu kosningu í bankaráð:
Af A-lista Guðmundur H. Guðmundsson.
Af B-lista Kristján Jóh. Kristjánsson og Páll S. Páls-
son.
Af C-lista Einar Gíslason og Helgi Bergs.
Varamenn í bankaráð voru kosnir í sömu röð:
Af A-lista Tómas Vigfússon.
Af B-lista Sveinn Guðmundsson og Sveinn Valfells.
Af C-lista Einar Kristjánsson og Vilhjálmur Árna-
son, lögfræðingur.
Þar sem fundurinn hafði samþykkt, að kjörgengir
væru í stjórn bankans þeir einir, sem ekki væru í stjórn
annarra lánastofnana, kom Helgi H. Eiríksson ekki til
greina við kosningu í bankaráð, en hann var þá for-
maður í stjórn Sparisjóðs Reykjavíkur og nágrennis.
Kristján Jóh. Kristjánsson, sem einnig var í stjórn
Sparisjóðsins, lýsti því yfir á fundinum, að hann myndi
segja því starfi af sér.
Fyrstu endurskoðendur bankans voru kjörnir Eggert
Jónsson, lögfr., og Pétur Sæmundsen, viðskiptafræð-
ingur. Þeir voru um þær mundir starfsmenn iðnaðar-
samtakanna, Eggert framkvæmdastjóri L.i.m., en Pét-
ur starfsmaður F.í.i.
Fyrsti fundur hins nýkjörna bankaráðs var haldinn
27. okt. 1952 í skrifstofu F.í.i. Fór þar fram skipting
starfa innan ráðsins. Páll S. Pálsson var kjörinn for-
maður, Einar Gíslason varaformaður, Guðmundi H.
TlMARlT IÐNAÐARMANNA
59