Fréttablaðið - 16.11.2009, Side 14

14 16. nóvember 2009 MÁNUDAGUR
nær og fjær
„ORÐRÉTT“
Á mörkum háls og bringu, rétt
ofan við bringubeinið, er lítil
dæld sem nefnist hóst. Þar undir
er hóstarkirtill, sem gegnir stóru
hlutverki í ónæmiskerfi líkam-
ans í barnæsku og á unglingsár-
um. Samkvæmt Vísindavefnum er
hóstarkirtillinn reyndar ekki kirt-
ill, heldur „bleikgráleitt, tvíblaða
líffæri úr eitil- og þekjuvef“, svo
því sé nú haldið til haga.
Meðal alvöru kirtla eru hins
vegar innkirtlar, svo sem heila-
dingull, skjaldkirtill og kyn-
kirtlarnir, eistu og eggjastokk-
ar, auk útkirtla á borð við bris og
lifur.
Læknavísindin eru nú svo háþró-
uð að hægt er að fjarlægja kirtla
úr lifandi eða dauðum mönnum, að
hluta eða heild, og jafnvel græða í
aðra ef því er að skipta. Jóhannes
Sakaríason skírari og spámaður
mælti árið 29 e. Kr.: „Sá sem á tvo
kyrtla gefi þeim er engan á … “ en
þar sem kyrtlarnir sem Jóhannes
nefndi voru með ypsíloni átti hann
líklega við sanngjarna dreifingu á
stuttum kjóllaga karlmannsflíkum
en ekki líffærum. - mt
Tungutak
Kirtlar og kyrtlar
Stjórnandi og einleikari er Sigurður Flosason
Flutt verður tónlist Sigurðar Flosasonar í útsetningum Daniels Nolgård.
Tónleikarnir eru haldnir í tilefni af útkomu geisladisksins Dark Thoughs,
en hann kom út fyrir skemmstu bæði í Svíþjóð og hér á landi. Á disknum
flytja Sigurður og Daniel Nolgård sömu efnisskrá með sænsku Norrbotten
stórsveitinni. Í upphafi tónleikanna mun Stórsveit Tónlistarskóla FÍH flytja
eitt af lögum Sigurðar undir stjórn Samúels J. Samúelssonar.
FÍH salurinn
Rauðagerði 27
Mánudag 16. nóv. kl. 20:00
Aðgangur ókeypis
STÓRSVEIT REYKJAVÍKUR
spilar tónlist
Sigurðar Flosasonar
MBL
„Jú, auðvitað er þetta hálfgert
brjálæði, en ég hef nú svo sem
verið þekktur fyrir að vera brjál-
aður hingað til,“ segir Herleif-
ur Haraldsson. Hann opnaði
nýjan stað, ásamt eiginkonu sinni
Nönnu Snorradóttur, á Hverfisgöt-
unni. Þangað geta menningar- og
ölþyrstir gestir leitað.
Staðurinn hefur hlotið nafnið 46
- bar gallerí og stendur við Hverf-
isgötu, númer 46 eins og nafnið
gefur til kynna. Þar var áður til
húsa billjarðstofa og hafa balls-
kákarþyrstir miðbæjarbúar þurft
að leita út fyrir miðbæinn síðan sá
staður lokaði; nokkuð sem alvöru
miðbæjarrottum þykir goðgá. En
Herleifur og Nanna hafa nú bætt
úr því.
„Við erum með pool-borð á
staðnum og bjóðum upp á aðstöðu
fyrir skák og bridds. Við þjónum
því flestum menningarleikjunum,
eins og við köllum það. Við höfum
staðið í miklum framkvæmdum
og vildum gera staðinn hugguleg-
an og þægilegan. Það er ekki létt
verk þar sem hann er svo stór, en
ég held að okkur hafi tekist nokk-
uð vel upp,“ segir Herleifur.
Staðurinn var opnaður með
pompi og prakt laugardaginn 31.
október. Um leið opnaði myndlist-
armaðurinn Ómar Stefánsson mál-
verkasýningu og hangir hún enn
uppi. Herleifur segir framhald
verða á því, ætlunin sé að önnur
taki við og þannig koll af kolli.
Alltaf hangi sýning uppi við.
„Þegar ég sest niður á stað vil
ég geta notið þess að vera þar inni.
Hér geta menn sest niður með
drykk og virt fyrir sér fallegar
myndir á veggjunum. Það er mjög
góður andi hérna inni, allt nýtt en
huggulegt og notalegt um leið.“
Svið er á staðnum og hægt að
halda þar fjölmenna tónleika. Nú
þegar hafa Andrea Gylfadóttir og
Eddi Lár stigið á svið við góðar
undirtektir. Með staðnum bæt-
ist því við tónleikastaðina í borg-
inni.
Sé ballskák, bridds, skák, mynd-
list og tónlist ekki nóg; þá geta
þeir allra menningarþyrstustu
sest niður og notið þess að horfa
á fótbolta af stórum skjá. Svo er
líka alltaf hægt að fá sér bara einn
drykk og láta menninguna eiga
sig. kolbeinn@frettabladid.is
Menning í öllum
sínum myndum
Menningunni er sinnt af ákefð á nýjum stað í miðborg Reykjavíkur en þar má
finna málverk og músík í bland við ballskák, bridds og hefðbunda skák. Þá er
boltinn á skjánum og kaldur í krananum í nýju og huggulegu umhverfi.
STOLTUR EIGANDI Herleifur og Nanna gerbreyttu húsnæðinu við Hverfisgötu 46 og
hafa nú opnað glæsilegan stað sem sinnir öllum kimum menningarinnar.
FRÉTTABLAÐIÐ/STEFÁN
„Þetta er bara mín leið til að leggja hönd á plóg í
þessu ástandi og reyna að láta gott af mér leiða,“
segir Jóhann Smári Karlsson ljósmyndari, sem
stendur fyrir ljósmyndasýningu til styrktar Mæðra-
styrksnefnd í Tjarnarsal Ráðhússins 21. nóvember
til 6. desember.
Jóhann fékk til liðs við sig fjörutíu ljósmyndara
og hver og einn gefur eina mynd á sýninguna. Fólki
gefst færi á að bjóða í myndirnar og verður lægsta
boð tíu þúsund krónur. Jóhann Smári segist reikna
með að meðalverð á myndum verði á bilinu 20 til 60
þúsund krónur. „Ég er að minnsta kosti bjartsýnn á
að okkur eigi eftir að ganga vel. Ég finn þegar fyrir
miklum áhuga hjá fólki og vona að okkur takist að
safna smá aur fyrir skjólstæðinga Mæðrastyrks-
nefndar. Ekki veitir af fyrir jólin.“
Ljósmyndararnir á sýningunni tengjast allir í
gegnum Flickr-ljósmyndavefinn. Að sögn Jóhanns
voru allir boðnir og búnir til að taka þátt þegar
hann bar hugmyndina undir þá. „Hver og einn fékk
frjálsar hendur í efnistökum og útkoman er frábær.
Ég held ég geti lofað ákaflega fjölbreyttri sýningu.“
Sýningin verður auglýst nánar þegar nær dregur,
meðal annars á Facebook-samskiptavefnum. Sýn-
ingin opnar sem fyrr segir í Tjarnarsal Ráðhúss
Reykjavíkur, næstkomandi laugardag klukkan 14.
-bs
Fjörutíu ljósmyndarar gefa myndir á ljósmyndasýningu í Ráðhúsi Reykjavíkur:
Ágóðinn til Mæðrastyrksnefndar
■ Elsta dæmið um skattheimtu
sem vitað er um er frá Egypta-
landi til forna, um 3.000 til
2.800 fyrir Krist. Annað hvert
ár fóru fulltrúar Faraós um ríkið
og innheimtu skattinn. Biblían
segir einnig frá skattheimtu, til
að mynda því að Faraó hafi tekið
fimmtung af kornuppskeru. Í Evr-
ópu var skattheimta undirstaða
veldis konunga og fursta á mið-
öldum, gegn vernd þegnanna.
Á Íslandi voru sett lög um
tíund árið 1096 eða 1097. Þau
lög voru samþykkt samhljóða
hér, en höfðu valdið deilum
í öðrum löndum. Síðan hafa
Íslendingar greitt skatta í ein-
hverju formi.
SKATTAR
ÆVAGÖMUL GJÖLD
JÓHANN SMÁRI Ljósmyndararnir sem taka þátt í sýningunni
fengu frjálsar hendur og segir Jóhann útkomuna vera afar
fjölbreytta og skemmtilega. FRÉTTABLAÐIÐ/VILHELM
Eitt bros getur dimmu …
„Hvernig væri að brosa þegar
góðar fréttir koma?“
STEINGRÍMUR J. SIGFÚSSON
FJÁRMÁLARÁÐHERRA VILL AÐ FÓLK
GLEÐJIST MEIRA Í ÞINGSALNUM.
Á Alþingi, 13. nóvember.
Hvaða mann þá?
„Þetta er lítið skref fyrir
einn mann en stórt fyrir alla
Íslendinga.“
ALÞINGISMAÐURINN ÞÓR SAARI
ER ÁNÆGÐUR MEÐ ÁKVÖRÐUN
SJÁVARÚTVEGSRÁÐHERRA AÐ SELJA
VIÐBÓTARKVÓTA Á SKÖTUSEL.
Á Alþingi, 13. nóvember.
„Ég vinn sem leiðbeinandi í Fjölsmiðjunni
í Kópavogi sem er verkþjálfunar- og fram-
leiðslusetur fyrir ungt fólk, á aldrinum
sextán til 24 ára. Þar hef ég leiðbeint
krökkunum í vinnu, meðal annars á tré-
smíðaverkstæðinu en líka við önnur störf
þar en við erum meðal annars með hand-
verksdeild, rafmagnsdeild, hönnun og
eldhús á staðnum,“ segir Guðmund-
ur Hrafnkelsson, fyrrverandi lands-
liðmarkvörður Íslands í handbolta,
sem enn er leikjahæsti leikmaður
íslenska landsliðsins en hann lék
406 landsleiki á ferlinum.
„Ég er svo sem ekki alveg búinn
að segja skilið við handboltann, Ég
er aðstoðarþjálfari meistaraflokks
Víkings og sé einnig um mar-
kvarðaþjálfun eldri og yngri leikmanna í
Víkingi,“ bætir Guðmundur við en þetta
er í fyrsta sinn sem hann starfar innan
vébanda Víkings. „Ég var upphaflega í
Fylki, þá í Breiðablik, en lengst var ég í
Val. En það er ágætt að prófa eitthvað
nýtt,“ segir Guðmundur sem lætur vel af
vistinni í Fossvoginum.
Guðmundur fæst við fleira
en kennslu og þjálfun. „Ég
hef verið í kvöldnámi í
húsasmíði í Iðnskólan-
um og stefni á að taka
sveinsprófið í desember.
Þannig að það má
segja að það sé nóg
að gera og unnið flest
kvöld.“
HVAÐ ER AÐ FRÉTTA? GUÐMUNDUR HRAFNKELSSON FV. LANDSLIÐSMARKVÖRÐUR
Stefnir á sveinspróf í smíði í desember