Veðrið - 01.09.1978, Síða 3

VEÐRIÐ
TÍMARIT HANDA ALÞÝÐU UM VEÐURFRÆÐI
KEMUR ÚT TVISVAR Á ÁRI
2. HEFTI 1978 21.ÁRG.
RITNEFND:
GUÐMUNDUR HAFSTEINSSON
HAFLIÐI HELGI JÓNSSON
TRAUSTI JÓNSSON
ÞÓR JAKOBSSON
AFGREIÐSLUSTJÓRl:
GUÐMUNDUR HAFSTEINSSON
VEÐURSTOFU (SLANDS, REYKJAVÍK
Úr ýmsum áttum
Frá ritnefnd
Eins og lesendur Veðursins hafa orðið varir við, hefur gengið á ýmsu með
útgáfu tímaritsins undanfarin ár. Heftin hafa sjaldnast komið út á réttum tíma,
og tvisvar hefur verið hlaupið yfir ár til að samræma það ártal, sem prentað er
á heftin réttu tímatali. En lesendur hafa þó ekki þurft að bíða eins lengi eftir
neinu hefti af Veðrinu eins og því, sem nú er nýútkomið. Þetta hefti telst vera
síðara hefti ársins 1978, þó að það hafi ekki verið búið til prentunar fyrr en síðla
árs 1981, þremur árum á eftir áætlun.
Það er vonandi óþarfi að rita langt mál um ástæður þess, að svo illa hefur
tekist til með útgáfuna. Þó verður að viðurkenna, að hér er að nokkru leyti um
að kenna deyfð og drunga útgefenda ritsins, og sú staðreynd að það er fá-
mennur hópur og störfum hlaðinn, sem að ritinu stendur, er tæplega full-
nægjandi skýring. En hverju, sem um er að kenna, að ritið hefur verið nær
dauða en lifi í nærri þrjú ár, er það ritnefnd nokkur ánægja að geta komið
lesendum á óvart með nýju hefti, og við vonum að sú ánægja sé gagnkvæm. Að
minnsta kosti hafa ófáir lesendur ýtt við útgefendum og hvatt þá til að halda
áfram útgáfu Veðursins, og svo fór að á fundi veðurfræðinga fundust fjórir
bjartsýnismenn er létu til leiðast að skipa ritnefnd og freista þess að vekja
timaritið til lifsins á ný. Þetta hefti er fyrsta skrefið i þeirri viðleitni, og fyrir
hönd útgefenda vil ég biðja lesendur velvirðingar á því, hve lengi það hefur
dregist að þeir fengju þetta hefti i hendur.
Um efni þessa heftis er það að segja, að hluti þess er nýritaður, en annað
hefur legið hjá ritnefnd síðan síðasta hefti kom út. Þar hefur orðið einna verst
úti aðalefni heftisins, grein þeirra John A. Kington og Sjafnar Kristjánsdóttur
um gerð daglegra veðurkorta frá fyrri öldum. Við viljum hér með biðja þau
afsökunar á því hve mjög það hefur dregist að birta greinina.
VEÐRIÐ --- 39