Veðrið - 01.09.1978, Side 4

Það er sýnilegt að enn verður að grípa til þess ráðs að hlaupa yfir ártöl i
útgáfu Veðursins. Ritnefnd mun vinna að því af kappi að næsta hefti, fyrra hefti
22. árgangs, komi út snemma á árinu 1982, og verður árgangurinn kenndur við
það ár. Og að sjálfsögðu er það stefna ritnefndar að framvegis komi út tvö hefti
á ári, eins og lengst af þann aldarfjórðung, sem liðinn er síðan Veðrið hóf göngu
sína. Það er ljóst að flest er fyrir hendi til að það megi takast. Veðrið, lögnrál
þess og undarleg uppátæki er nægur efniviður í miklu stærra tímarit en hér um
ræðir, og áhuga Islendinga á veðrinu hefur löngum verið við brugðið. Og á
allra síðustu árunr hefur fámennri stétt íslenskra veðurfræðinga vaxið fiskur
um hrygg. Margir ungir veðurfræðingar hafa snúið heim að loknu námi,
áfjáðir í að takast á við þau verkefni, sem hér bíða þeirra.
Það er rétt að geta þess, að það eru engin sérréttindi veðurfræðinga að skrifa
í Veðnð. Þegar blaðað er í fyrri heftum sést fljótt, að þar eru ýmsar ágætar
greinar eftir aðra en veðurfræðinga, og við viljum hvetja lesendur til að hjálpa
okkur að afla efnis í ritið. Við þiggjum með þökkum greinar og athugasemdir
um veðrið, veðurvísur, veðurmyndir, og annað efni, sem tengist veðrinu á
einhvern hátt. Einnig munum við reyna að svara spurningum, sem lesendur
kynnu að hafa frant að færa.
Að lokum viljum við minnast á, að það er dýrt að gefa út tímarit á Islandi.
Styrkasta stoðin undir fjárhag Veðursins er tryggir áskrifendur, en það verður að
teljast líklegt, að þeim hafi fækkað nokkuð eftir svo langt hlé á útgáfunni. Við
heitum því á lesendur að liðsinna okkur við að afla Veðrinu nýrra áskrifenda. Á
þann hátt má gera tímaritið betur úr garði án þess að áskriftargjald hækki úr
hófi umfram óumflýjanlega verðbólgu.
G. H.
Nýir höfundar
John A Kington er sérfræðingur við loftslagsstofu (CRU) umhverfisvisinda-
deildar háskólans i Austur-Angliu — School of Environmental Sciences
Unversity of East Anglia, Norwich. Hann fæddist í London árið 1930, hóf störf
hjá bresku veðurstofunni — the UK. Meteorological Office — árið 1947 og
öðlaðist víðtæka reynslu í veðurfræði, fyrst sem veöurathugunarmaður og síðar
við veðurspár. John kenndi síðan við skóla bresku veðurstofunnar — the
Meteorological Office Training School — og lauk jafnframt prófi í landafræði
við Lundúnaháskóla undir leiðsögn Gordons Manleys.
Meistaragráðu hlaut hann við Lundúnaháskóla árið 1969, og hóf síðan
rannsóknir í því skyni að gera röð daglegra veðurkorta frá átjándu öld, fyrst við
háskólann í Swansea í Wales, en frá 1971 við háskólann í Austur Anglíu.
John er kvæntur Beryl Kington píanókennara.
Sjöfn Kristjánsdóttir er fædd 27. 12. 1942 í Stykkishólmi, dóttir hjónanna
Gundu Imsland og Kristjáns Steingrímssonar sýslumanns.
Lauk stúdentsprófi frá máladeild í Menntaskólanum í Reykjavík 1963.
40 --- VEÐRIÐ